ಹೈದರಾಬಾದ್: ಕೌಟುಂಬಿಕ ಕಲಹಕ್ಕೆ ಗಂಡನೊಬ್ಬ ತನ್ನ ಹೆಂಡ್ತಿ ಮತ್ತು ಮಗುವನ್ನು ಕೊಲೆ ಮಾಡಿರುವ ಘಟನೆ ಹೈದರಾಬಾದ್ನಲ್ಲಿ ಸಂಚಲನ ಮೂಡಿಸಿದೆ.
ಹೌದು, ಉತ್ತರಪ್ರದೇಶದ ದೇವಾರಿಯಾ ಗ್ರಾಮದ ರಾಜೇಶ್, ಉರ್ಮಿಳಾ ಮತ್ತು ಮಗ ಕಿಶನ್ (4) ಈ ತಿಂಗಳು 12 ರಂದು ಹೈದರಾಬಾದ್ಗೆ ವಲಸೆಗೆ ಬಂದಿದ್ದರು. 25 ದಿನಗಳ ಹಿಂದೆ ದಂಪತಿ ಮಧ್ಯೆ ಜಗಳವಾಗಿತ್ತು. ಹಿರಿಯರು ಮಧ್ಯೆ ಪ್ರವೇಶಿಸಿ ದಂಪತಿಗೆ ಬುದ್ಧಿಮಾತುಗಳನ್ನು ಹೇಳಿದ್ದರು. ಈ ದಂಪತಿ ದೀಪಕ್ ಕುಟುಂಬದ ಜತೆ ಹೈದರಾಬಾದ್ನ ಮನೆಯೊಂದರಲ್ಲಿ ಒಟ್ಟಿಗೆ ವಾಸವಾಗಿದ್ದರು.
ಇನ್ನು ಹೈದರಾಬಾದ್ಗೆ ಬಂದ ಕೆಲವೇ ದಿನಗಳಲ್ಲಿ ಮತ್ತೆ ಇವರ ಮಧ್ಯೆ ಕಲಹಗಳು ಶುರುವಾಗಿದ್ದವು. ಭಾನುವಾರ ಬೆಳಗ್ಗೆ 9 ಗಂಟೆಗೆ ದೀಪಕ್ ದಂಪತಿ ಕೆಲಸಕ್ಕೆ ತೆರಳಿದ್ದರು. ಮಧ್ಯಾಹ್ನ ಅವರು ಬಂದಾಗ ಮನೆಗೆ ಬೀಗ ಹಾಕಿತ್ತು. ಈ ಹಿನ್ನೆಲೆಯಲ್ಲಿ ದೀಪಕ್, ರಾಜೇಶ್ಗೆ ಫೋನ್ ಮಾಡಿದ್ದಾನೆ. ಆದ್ರೆ ರಾಜೇಶ್ ಫೋನ್ ರಿಸೀವ್ ಮಾಡಲಿಲ್ಲ.
ಎರಡು ಗಂಟೆಗಳ ಬಳಿಕ ದೀಪಕ್ ಮನೆ ಬೀಗ ಮುರಿದು ಒಳಗೆ ಹೋಗಿದ್ದಾನೆ. ಈ ವೇಳೆ ಉರ್ಮಿಳಾ ಶವ ನೋಡಿ ದೀಪಕ್ ಗಾಬರಿಗೊಂಡಿದ್ದಾನೆ. ಬಳಿಕ ಮಗವನ್ನು ಸಹ ಹುಡುಕಾಟ ನಡೆಸಿದ್ದಾರೆ. ಕಿಶನ್ ಬಾತ್ರೂಂನಲ್ಲಿ ಶವವಾಗಿ ಕಂಡಿದ್ದಾನೆ. ದೀಪಕ್ ಕೂಡಲೇ ಪೊಲೀಸರಿಗೆ ದೂರು ನೀಡಿದ್ದಾರೆ. ರಾಜೇಶ್ ತನ್ನ ಹೆಂಡ್ತಿ ಮತ್ತು ಮಗವನ್ನು ಕೊಲೆ ಮಾಡಿ ಪರಾರಿಯಾಗಿದ್ದು, ಪೊಲೀಸರು ಮುಂದಿನ ಕ್ರಮ ಕೈಗೊಂಡಿದ್ದಾರೆ.
