ರೆಸ್ಟೋರೆಂಟ್​​, ವಾಲ್​​ಮಾರ್ಟ್​ನಲ್ಲಿ ರಕ್ತದೋಕುಳಿ.. ಸಾಮೂಹಿಕ ಗುಂಡಿನ ದಾಳಿಗೆ 22 ಮಂದಿ ಬಲಿ

ನಗರದ ಮೂರು ಕಡೆಗಳಲ್ಲಿ ಬುಧವಾರ ರಾತ್ರಿ ಸಾಮೂಹಿಕ ಗುಂಡಿನ ದಾಳಿ ನಡೆದಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಲೆವಿಸ್ಟನ್​ (ಅಮೆರಿಕ): ಮೈನ್​ ರಾಜ್ಯದ ಲೆವಿಸ್ಟನ್​ ನಗರದ ಬೌಲಿಂಗ್​ ಅಲ್ಲೆ, ಬಾರ್​ ಸೇರಿದಂತೆ ಹಲವೆಡೆ ಸಾಮೂಹಿಕ ಗುಂಡಿನ ದಾಳಿ ನಡೆದಿದ್ದು, ದಾಳಿಯಲ್ಲಿ 22 ಮಂದಿ ಸಾವನ್ನಪ್ಪಿದ್ದು, 50 - 60 ಮಂದಿ ಗಾಯಗೊಂಡಿದ್ದಾರೆ ಎಂದು ಸ್ಥಳೀಯ ಮಾಧ್ಯಮಗಳು ವರದಿ ಮಾಡಿವೆ.

• #WATCH | At least 16 people were killed and 50-60 wounded in mass shootings in Lewiston, Maine in the US on Wednesday: Reuters
  
  (Video Source: Reuters) pic.twitter.com/tFOC7ZdLKa

  — ANI (@ANI) October 26, 2023 " class="align-text-top noRightClick twitterSection" data="

  #WATCH | At least 16 people were killed and 50-60 wounded in mass shootings in Lewiston, Maine in the US on Wednesday: Reuters
  
  (Video Source: Reuters) pic.twitter.com/tFOC7ZdLKa

  — ANI (@ANI) October 26, 2023

  ">

  #WATCH | At least 16 people were killed and 50-60 wounded in mass shootings in Lewiston, Maine in the US on Wednesday: Reuters
  
  (Video Source: Reuters) pic.twitter.com/tFOC7ZdLKa

  — ANI (@ANI) October 26, 2023

ಲೆವಿಸ್ಟನ್​ ನಗರದ ಸ್ಪೇರ್‌ಟೈಮ್ ರಿಕ್ರಿಯೇಶನ್ ಬೌಲಿಂಗ್​ ಅಲ್ಲೆ, ಸ್ಕೀಮಿಂಗೀಸ್ ಬಾರ್ ಮತ್ತು ಗ್ರಿಲ್ ರೆಸ್ಟೋರೆಂಟ್ ಮತ್ತು ವಾಲ್‌ಮಾರ್ಟ್ ವಿತರಣಾ ಕೇಂದ್ರದಲ್ಲಿ ಸ್ಥಳೀಯ ಕಾಲಮಾನದ ಪ್ರಕಾರ ಬುಧವಾರ ರಾತ್ರಿ ಸಾಮೂಹಿಕ ಗುಂಡಿನ ದಾಳಿ ನಡೆದಿದೆ. ಬಾರ್​ನಿಂದ ಉತ್ತರಕ್ಕೆ 6.5 ಕಿಲೋ ಮೀಟರ್​ ದೂರದಲ್ಲಿ ಬೌಲಿಂಗ್​ ಅಲ್ಲೆ ಹಾಗೂ ದಕ್ಷಿಣಕ್ಕೆ 2.5 ಕಿಲೋ ಮೀಟರ್​ ದೂರದಲ್ಲಿ ವಿತರಣಾ ಕೇಂದ್ರವಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಲೆವಿಸ್ಟನ್​ ಪೊಲೀಸ್​ ಇಲಾಖೆ ಸಾಮಾಜಿಕ ಜಾಲತಾಣ ಫೇಸ್​ಬುಕ್​ನಲ್ಲಿ ಬಾರ್​ ಹಾಗೂ ಬೌಲಿಂಗ್​ ಅಲ್ಲೆಯಲ್ಲಿ ಸಾಮೂಹಿಕ ಗುಂಡಿನ ದಾಳಿಗೆ ಸಂಬಂಧಿಸಿದಂತೆ ರೈಫಲ್​ ಹಿಡಿದಿರುವಂತೆ ತೋರುವ ವ್ಯಕ್ತಿಯೊಬ್ಬನ ಫೋಟೋವನ್ನು ಹಂಚಿಕೊಂಡಿದೆ. 40 ವರ್ಷದ ರಾಬರ್ಟ್​ ಕಾರ್ಡ್​ ಎಂದು ಗುರುತಿಸಿದ್ದು, ಆತನನ್ನು ಶಸ್ತ್ರಸಜ್ಜಿತ ಮತ್ತು ಅಪಾಯಕಾರಿ ಎಂದು ಪರಿಗಣಿಸಬೇಕು ಎಂದು ಹೇಳಿದೆ.

ಬಿಳಿ ಬಣ್ಣದ ಎಸ್​ಯುವಿ ಚಿತ್ರದ ಜೊತೆಗೆ ಅಪರಿಚಿತ ಶಂಕಿತ ರೈಫಲ್​ನಂತೆ ತೋರುವ ಮೂರು ಪೋಟೋಗಳನ್ನು ಪೊಲೀಸರು ಮೊದಲು ಪೋಸ್ಟ್​ ಮಾಡಿದ್ದರು. ಪೊಲೀಸರು ಎಕ್ಸ್​ನಲ್ಲಿ ಶೂಟರ್​ ಬಗ್ಗೆ ಎಚ್ಚರಿಕೆ ನೀಡಿದ್ದಾರೆ. ಘಟನೆ ಬಗ್ಗೆ ಪೊಲೀಸರು ತನಿಖೆ ನಡೆಸುತ್ತಿದ್ದು, ಶಾಪ್​ಗಳನ್ನು ಮುಚ್ಚಿ ವ್ಯವಹಾರಗಳನ್ನು ನಿಲ್ಲಿಸುವಂತೆ ಹಾಗೂ ಜನರು ತಮ್ಮ ಮನೆಗಳಲ್ಲಿ ಬೀಗ ಹಾಕಿಕೊಂಡು ಇರಲು ಆ್ಯಂಡ್ರೋಸ್ಕೋಗ್ಗಿನ್​ ಕೌಂಟಿ ಶೆರಿಫ್​ ಕಚೇರಿ ತಿಳಿಸಿದೆ.

ಘಟನೆಯ ಬಗ್ಗೆ ಅಮರಿಕದ ಅಧ್ಯಕ್ಷ ಜೋ ಬೈಡನ್​​ ಅವರಿಗೆ ಮಾಹಿತಿ ನೀಡಲಾಗಿದೆ ಎಂದು ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ. ಲೆವಿಸ್ಟನ್​ ಮೇಯರ್​ ಕಾರ್ಲ್​ ಶೆಲೈನ್​ ಅವರು, ನಮ್ಮ ನಗರ ಹಾಗೂ ಜನರು ಆತಂಕಕ್ಕೊಳಗಾಗಿದ್ದಾರೆ. ಈಗಾಗಲೇ ನೀಡಿರುವ ಮಾರ್ಗಸೂಚಿಗಳನ್ನು ಅನುಸರಿಸುವಂತೆ ಅಲ್ಲಿನ ನಿವಾಸಿಗಳನ್ನು ಒತ್ತಾಯಿಸಿದ್ದಾರೆ.

ಟೆಕ್ಸಾಸ್​ನ ಉವಾಲ್ಡೆಯಲ್ಲಿರುವ ಪ್ರಾಥಮಿಕ ಶಾಲೆಯಲ್ಲಿ ಬಂದೂಕುಧಾರಿಯೊಬ್ಬ ಗುಂಡು ಹಾರಿಸಿ, 19 ಮಕ್ಕಳು ಹಾಗೂ ಇಬ್ಬರು ಶಿಕ್ಕರು ಸಾವನ್ನಪ್ಪಿದ್ದ ಘಟನೆ 2022ರ ಮೇಯಲ್ಲಿ ನಡೆದಿತ್ತು. ಅದಾದ ನಂತರ ಯುನೈಟೆಡ್​​ ಸ್ಟೇಟ್ಸ್​ನಲ್ಲಿ ನಡೆದ ಅತ್ಯಂತ ಭೀಕರ ಗುಂಡಿನ ದಾಳಿ ಇದಾಗಿದೆ.

ಅಮೆರಿಕದಲ್ಲಿ ಇಂತಹ ಗುಂಡಿನ ದಾಳಿಗಳು ಸರ್ವೇ ಸಾಮಾನ್ಯ ಎಂಬಂತಾಗಿದೆ. ಇಲ್ಲಿ ಎಲ್ಲರಿಗೂ ಬಂದೂಕುಗಳನ್ನು ಇಟ್ಟುಕೊಳ್ಳಲು ಸುಲಭವಾಗಿ ಲೈಸೆನ್ಸ್​​ ನೀಡಿರುವುದೇ ಇಂತಹ ಘಟನೆಗಳಿಗೆ ಕಾರಣ ಎಂದು ಹೇಳಲಾಗುತ್ತಿದೆ.

ಇದನ್ನೂ ಓದಿ : ಗುಂಡಿನ ದಾಳಿಗೆ ಮೂವರು ಮಕ್ಕಳು ಸೇರಿ 5 ಮಂದಿ ಸಾವು