ವಾಶಿಂಗ್ಟನ್: ಭಾರತೀಯ ಮೂಲದ ಅಮೆರಿಕನ್ ನಾಗರಿಕ ಹಾಗೂ ವಕೀಲರಾಗಿರುವ ಅರುಣ ಸುಬ್ರಮಣಿಯನ್ ಅವರನ್ನು ನ್ಯೂಯಾರ್ಕ್ ದಕ್ಷಿಣ ಜಿಲ್ಲಾ ನ್ಯಾಯಾಧೀಶರನ್ನಾಗಿ ಅಮೆರಿಕದ ಅಧ್ಯಕ್ಷ ಜೋ ಬೈಡನ್ ನಾಮನಿರ್ದೇಶನ ಮಾಡಿದ್ದಾರೆ. ಈ ಸಂಬಂಧದ ಸಂವಹನವನ್ನು ಇತರ ನ್ಯಾಯಾಂಗ ನಾಮನಿರ್ದೇಶನಗಳೊಂದಿಗೆ ವೈಟ್ಹೌಸ್ನಿಂದ ಸೆನೆಟ್‌ಗೆ ಕಳುಹಿಸಲಾಗಿದೆ.
ಸೆನೆಟ್‌ನಿಂದ ದೃಢೀಕರಿಸಲ್ಪಟ್ಟರೆ, ಸುಬ್ರಮಣಿಯನ್ ಅವರು ನ್ಯೂಯಾರ್ಕ್ನ ದಕ್ಷಿಣ ಜಿಲ್ಲೆಯ ಯುನೈಟೆಡ್ ಸ್ಟೇಟ್ಸ್ ಜಿಲ್ಲಾ ನ್ಯಾಯಾಲಯದಲ್ಲಿ ಸೇವೆ ಸಲ್ಲಿಸುವ ಮೊದಲ ದಕ್ಷಿಣ ಏಷ್ಯಾದ ನ್ಯಾಯಾಧೀಶರಾಗುತ್ತಾರೆ.
ಸದ್ಯ ಅವರು ನ್ಯೂಯಾರ್ಕ್ನ ಸುಸ್ಮಾನ್ ಗಾಡ್ಫ್ರೇ ಎಲ್ಎಲ್ಪಿ ಕಂಪನಿಯ ಪಾರ್ಟನರ್ ಆಗಿದ್ದು, ಇಲ್ಲಿ ಅವರು 2007 ರಿಂದ ಕೆಲಸ ಮಾಡುತ್ತಿದ್ದಾರೆ. ಸುಬ್ರಮಣಿಯನ್ ಅವರು 2006 ರಿಂದ 2007 ರವರೆಗೆ ಯುನೈಟೆಡ್ ಸ್ಟೇಟ್ಸ್‌ನ ಸುಪ್ರೀಂ ಕೋರ್ಟ್‌ನಲ್ಲಿ ಜಸ್ಟಿಸ್ ರುತ್ ಬೇಡರ್ ಗಿನ್ಸ್‌ಬರ್ಗ್‌ಗೆ ಮತ್ತು 2005 ರಿಂದ 2006 ರವರೆಗೆ ನ್ಯೂಯಾರ್ಕ್ನ ದಕ್ಷಿಣ ಜಿಲ್ಲೆ ಯುನೈಟೆಡ್ ಸ್ಟೇಟ್ಸ್ ಜಿಲ್ಲಾ ನ್ಯಾಯಾಲಯದಲ್ಲಿ ನ್ಯಾಯಾಧೀಶ ಗೆರಾರ್ಡ್ ಇ ಅವರಿಗೆ ಕಾನೂನು ಗುಮಾಸ್ತರಾಗಿ ಸೇವೆ ಸಲ್ಲಿಸಿದ್ದಾರೆ.
ಅವರು 2004 ರಿಂದ 2005 ರವರೆಗೆ ಎರಡನೇ ಸರ್ಕ್ಯೂಟ್‌ನ ಯುನೈಟೆಡ್ ಸ್ಟೇಟ್ಸ್ ಕೋರ್ಟ್ ಆಫ್ ಅಪೀಲ್ಸ್‌ನಲ್ಲಿ ನ್ಯಾಯಾಧೀಶ ಡೆನ್ನಿಸ್ ಜಾಕೋಬ್ಸ್‌ಗೆ ಕಾನೂನು ಗುಮಾಸ್ತರಾಗಿಯೂ ಕೆಲಸ ಮಾಡಿದ್ದಾರೆ. 2004 ರಲ್ಲಿ ಕೊಲಂಬಿಯಾ ಕಾನೂನು ಶಾಲೆಯಿಂದ ಜೆ.ಡಿ ಮತ್ತು 2001 ರಲ್ಲಿ ಕೇಸ್ ವೆಸ್ಟರ್ನ್ ರಿಸರ್ವ್ ವಿಶ್ವವಿದ್ಯಾಲಯದಿಂದ ಬಿಎ ಪದವಿ ಪಡೆದಿದ್ದಾರೆ.
ನ್ಯಾಷನಲ್ ಏಷ್ಯನ್ ಪೆಸಿಫಿಕ್ ಅಮೇರಿಕನ್ ಬಾರ್ ಅಸೋಸಿಯೇಷನ್ (NAPABA) ಸುಬ್ರಮಣಿಯನ್ ಅವರ ನಾಮನಿರ್ದೇಶನವನ್ನು ಸ್ವಾಗತಿಸಿದೆ. NAPABA ನ ಕಾರ್ಯಕಾರಿ ಅಧ್ಯಕ್ಷ ಎಬಿ ಕ್ರೂಜ್ III, ಸುಬ್ರಮಣಿಯನ್ ಅವರು ಅನುಭವಿ ಟ್ರಯಲ್ ಮತ್ತು ಮೇಲ್ಮನವಿ ವಕೀಲರಾಗಿದ್ದು, ಪ್ರೊ ಬೋನೊ ಸೇವೆಯ ಬಲವಾದ ದಾಖಲೆಯನ್ನು ಹೊಂದಿದ್ದಾರೆ.
ಫೆಡರಲ್ ನ್ಯಾಯಾಂಗದಲ್ಲಿ ದಕ್ಷಿಣ ಏಷ್ಯನ್ನರು ಮತ್ತು ಏಷ್ಯನ್ ಅಮೆರಿಕನ್ನರ ಪ್ರಾತಿನಿಧ್ಯ ಬಹಳ ಕಡಿಮೆ ಇದೆ. ಆರ್ಟಿಕಲ್ III ಜಿಲ್ಲಾ ನ್ಯಾಯಾಧೀಶರಲ್ಲಿ ಶೇಕಡಾ ಐದಕ್ಕಿಂತ ಕಡಿಮೆ AAPI ಮೂಲದವರು. ಆದರೆ ಕಳೆದ ವರ್ಷದಲ್ಲಿ ನಾವು ಐತಿಹಾಸಿಕ ಪ್ರಗತಿಯನ್ನು ಸಾಧಿಸಿದ್ದೇವೆ" ಎಂದು ಭಾರತೀಯ-ಅಮೆರಿಕನ್ ಇಂಪ್ಯಾಕ್ಟ್ ಎಕ್ಸೆಕ್ಯುಟಿವ್ ಡೈರೆಕ್ಟರ್ ನೀಲ್ ಮಖಿಜಾ ಹೇಳಿದರು.
