ಬೀಜಿಂಗ್(ಚೀನಾ): ಉತ್ತರ ಚೀನಾದ ಹಲವೆಡೆ ಗುರುವಾರ ಭಾರೀ ಮರಳಿನ ಅಲೆ ಮತ್ತು ಧೂಳುಗಳು ಎದ್ದಿದ್ದು, ಜನರು ಇದರಿಂದ ಸಮಸ್ಯೆಗೆ ಒಳಗಾಗುವಂತೆ ಆಗಿದೆ. ಅದರಲ್ಲೂ ಮಂಗೋಲಿಯಾದ ಹಲವು ಭಾಗ ಮರಳಿನ ಬಿರುಗಾಳಿಗೆ ಸಾಕ್ಷಿಯಾಗಿದೆ. ಈ ಮರಳು, ಬಲವಾದ ಗಾಳಿ ಮತ್ತು ಧೂಳಿನ ವಾತಾವರಣ ಭಾನುವಾರದವರೆಗೆ ಮುಂದುವರೆಯುವ ಸಾಧ್ಯತೆ ಇದೆ ಎಂದು ರಾಷ್ಟ್ರೀಯ ಹವಾಮಾನ ಕೇಂದ್ರ ತಿಳಿಸಿದೆ. ಇದೇ ವೇಳೆ, ಕಡಿಮೆ ವಾಯು ಗುಣಮಟ್ಟದಿಂದ ರಕ್ಷಣೆಗೆ ಪಡೆಯಲು ಅಗತ್ಯ ಮುನ್ನೆಚ್ಚರಿಕೆ ವಹಿಸುವಂತೆ ಸಾರ್ವಜನಿಕರಿಗೆ ಸೂಚನೆ ನೀಡಿದೆ.
ಮರಳಿನ ಬಿರುಗಾಳಿಯಿಂದಾಗಿ ನೀಲಿ ಅಲರ್ಟ್ ಅನ್ನು ಘೋಷಿಸಿದೆ. ನಾಲ್ಕು ಹಂತದ ಹವಾಮಾನ ಮುನ್ಸೂಚನೆಯನ್ನು ಚೀನಾ ಹೊಂದಿದ್ದು, ಇದರ ಅನುಸಾರ ನೀಲಿ ಹೆಚ್ಚಿನ ಅಪಾಯಕಾರಿಯಲ್ಲ. ಕೆಂಪು ಆಲರ್ಟ್ ಹೆಚ್ಚಿನ ಅಪಾಯವನ್ನು ಹೊಂದಿದೆ. ಚೀನಾದ ಪ್ರಮುಖ ನಗರಗಳಾದ ಬಿಜೀಂಗ್ ಮತ್ತು ಶಾಂಘೈ ಸೇರಿದಂತೆ 12 ನಗರಗಳು ಈ ಧೂಳು ಮತ್ತು ಮರಳಿನ ಅಲೆಯಿಂದ ತತ್ತರಿಸುವ ಸಾಧ್ಯತೆ ಇದೆ ಎಂದು ಹವಾಮಾನ ಇಲಾಖೆ ಎಚ್ಚರಿಸಿದೆ. ಕೆಲವು ಪ್ರದೇಶಗಳಲ್ಲಿನ ಜನರು ಗುರುವಾರ ಮರಳಿನ ಅಲೆ ಮತ್ತು ಧೂಳಿನಿಂದ ಸಮಸ್ಯೆ ಅನುಭವಿಸುವಂತೆ ಆಗಿದೆ.
ಕೇಂದ್ರ ಮುಖ್ಯ ಹವಾಮಾನ ತಜ್ಞರಾಗಿರುವ ಗುಜ್ ಹೈಲಿನ್, ಈ ಮೊದಲು ದಕ್ಷಿಣ ಮಂಗೋಲಿಯಾದಲ್ಲಿ ಭಾನುವಾರದಿಂದ ಮರಳು ಮತ್ತು ಧೂಳಿನ ವಾತಾವರಣ ಆರಂಭವಾಗಲಿದೆ ಎಂದಿದ್ದಾರೆ. ಹವಾಮಾನ ದಕ್ಷಿಣ ಕಡೆಗೆ ಶೀತಗಾಳಿ ಚಲಿಸಿದಂತೆ, ಉತ್ತರ ಮತ್ತು ಈಶಾನ್ಯ ಚೀನಾ ಕಡೆ ಹರಡಲಿದೆ. ಬಿಜೀಂಗ್ನಲ್ಲಿ ಈ ಧೂಳಿನ ವಾತಾವರಣದಿಂದ ಕಡಿಮೆ ಗೋಚರತೆ ಆಗಲಿದೆ ಎಂದು ಅವರು ತಿಳಿಸಿದ್ದರು.
ಐಕ್ಯೂಏರ್ ವೆಬ್ಸೈಟ್ ಪ್ರಕಾರ, ಗಾಳಿ ಗುಣಮಟ್ಟದ ಇಂಡೆಕ್ಸ್ 540 ಇರಲಿದ್ದು, ರಾಜಧಾನಿ ಸೇರಿದಂತೆ ಹಲವೆಡೆ ವಾಯು ಮಾಲಿನ್ಯ ಮಟ್ಟ ಅಪಾಯಕಾರಿ ಆಗಲಿದೆ. ಈ ಸಂಬಂಧ ಬಿಜೀಂಗ್ ಮುನ್ಸಿಪಲ್ ಎಕಾಲೊಜಿಕಲ್ ಮತ್ತು ಎನ್ವಾರ್ಮೆಂಟಲ್ ಮಾನಿಟರ್ ಸೆಂಟರ್ ವಾಯು ಮಾಲಿನ್ಯ ಗರಿಷ್ಠ ಮಿತಿ ತಲುಪುವ ಎಚ್ಚರಿಕೆ ನೀಡಿದ್ದಾರೆ. ಈ ಸಂಬಂಧ ಮಾತನಾಡಿರುವ ಓಟಗಾರ್ತಿ ತು ಜಿಯಾಕ್ಸಿನ್, ಮರಳಿನ ಬಿರುಗಾಳಿ ಜೀವನದ ಮೇಲೆ ಹೆಚ್ಚಿನ ಪರಿಣಾಮ ಬೀರಲಿದ್ದು, ತಮ್ಮ ಮ್ಯಾರಾಥಾನ್ ತರಬೇತಿ ಯೋಜನೆಗೆ ಅಡ್ಡಿಯಾಗಲಿದೆ ಎಂದಿದ್ದಾರೆ.
ನನಗೆ ಓಡಬೇಕಿದೆ. ಆದರೆ, ಈ ಹವಾಮಾನದಿಂದ ಇದು ಸಾಧ್ಯವಿಲ್ಲ. ಇದು ನೋವು ದಾಯಕ ಎಂದಿದ್ದಾರೆ. ಇದರ ಜೊತೆಗೆ ಪ್ರತಿದಿನ ಇವರು ಮಾಡುತ್ತಿದ್ದ 10 ಕಿಲೋ ಮೀಟರ್ ಜಾಗಿಂಗ್ ಅನ್ನು ಮೂರು ದಿನ ಕೈಬಿಡುತ್ತಿರುವುದಾಗಿ ತಿಳಿಸಿದ್ದಾರೆ. ಬೀಜಿಂಗ್ನಲ್ಲಿ ಹೊಸದಾಗಿ ವಾಸ್ತವ್ಯ ಹೂಡಿರುವ ಚೊ ಯೋನ್ಯುವನ್, ಮೊದಲ ಬಾರಿಗೆ ಈ ರೀತಿಯ ಧೂಳಿನಿಂದ ಕೂಡಿದ ಮಸುಕಾದ ವಾತಾವರಣ ನೋಡಿ ಅಚ್ಚರಿಯಾಗುತ್ತಿದೆ. ಈ ಕೆಟ್ಟ ವಾತಾವರಣದಿಂದ ರಕ್ಷಣೆಗೆ ಕಣ್ಣಿಗೆ ಕನ್ನಡಕ ಹಾಕುವುದರ ಮೂಲಕ ರಕ್ಷಣೆಗೆ ಮುಂದಾಗಬೇಕು. ಜೊತೆಗೆ ಮನೆಯಲ್ಲಿನ ಕಿಟಿಕಿಗಳನ್ನು ಮುಚ್ಚುವುದು ಉತ್ತಮ ಎಂದಿದ್ದಾರೆ
ಇದನ್ನೂ ಓದಿ: H3N8 ವೈರಸ್‌ನಿಂದ ಚೀನಾದಲ್ಲಿ ಮೊದಲ ಸಾವು: WHO ಮಾಹಿತಿ
