ಟಿಕ್​ಟಾಕ್​ ಬ್ಯಾನ್​ ಮಾಡಿದ ನ್ಯೂಯಾರ್ಕ್ ಆಡಳಿತ.. ಕಾರಣ ಏನು ಗೊತ್ತೇ?

ನ್ಯೂಯಾರ್ಕ್ ಆಡಳಿತ ಸರ್ಕಾರಿ ಸೇವೆಯ ಸಾಧನಗಳಲ್ಲಿ ಟಿಕ್​ಟಾಕ್​ ಅಪ್ಲಿಕೇಶನ್​ ಬ್ಯಾನ್​ ಮಾಡಿ ಆದೇಶಿಸಿದೆ.

ನ್ಯೂಯಾರ್ಕ್ ( ಅಮೆರಿಕ): ಸರ್ಕಾರಿ ಸ್ವಾಮ್ಯದ ಸಾಧನಗಳಲ್ಲಿ ಟಿಕ್‌ಟಾಕ್ ಅನ್ನು ಬ್ಯಾನ್​ ಮಾಡಿ ನ್ಯೂಯಾರ್ಕ್​ ಆಡಳಿತ ಆದೇಶಿಸಿದೆ. ಭದ್ರತಾ ಕಾಳಜಿಯ ಕಾರಣದಿಂದಾಗಿ ಅಲ್ಲಿನ ಸ್ಥಳೀಯ ಆಡಳಿತ ಟಿಕ್​ಟಾಕ್ ನಿಷೇಧಿಸಿದೆ. ಈ ಕಿರು ವಿಡಿಯೋ ಅಪ್ಲಿಕೇಶನ್‌ ಪ್ರವೇಶ ನಿರ್ಬಂಧಿಸಿರುವ 24 ರಾಜ್ಯಗಳ ಪಟ್ಟಿಗೆ ಈಗ ನ್ಯೂಯಾರ್ಕ್​ ರಾಜ್ಯ ಸಹ ಸೇರಿಕೊಂಡಿದೆ ಎಂದು ಅಮೆರಿಕ ಪ್ರಮುಖ ಪತ್ರಿಕೆ ವರದಿ ಮಾಡಿದೆ.

ಚೀನಾದ ಕಂಪನಿ ಬೈಟ್‌ಡ್ಯಾನ್ಸ್ ಒಡೆತನದ ಈ ಟಿಕ್​ಟಾಕ್ ಅಪ್ಲಿಕೇಶನ್​, ಬಳಕೆದಾರರ ಡೇಟಾಗೆ ಬೀಜಿಂಗ್ ಪ್ರವೇಶ ಮಾಡಬಹುದು ಎಂಬ ಭೀತಿ ಹಿನ್ನೆಲೆಯಲ್ಲಿ ನ್ಯೂಯಾರ್ಕ್​ನ ರಾಜ್ಯಾಡಳಿತ ಈ ಕ್ರಮ ಕೈಗೊಂಡಿದೆ. ನ್ಯೂಯಾರ್ಕ್​ನ ಮೇಯರ್ ಎರಿಕ್ ಆಡಮ್ಸ್ ಅವರ ವಕ್ತಾರ ಜೋನಾ ಅಲನ್ ಈ ಬಗ್ಗೆ ಮಾಹಿತಿ ನೀಡಿದ್ದಾರೆ. ನಗರದ ಸೈಬರ್ ಕಮಾಂಡ್ ಶಿಫಾರಿಸಿನ ಅನ್ವಯ ಈ ಕ್ರಮಕೈಗೊಳ್ಳಲಾಗಿದೆ ಎಂದು ಹೇಳಿರುವ ಅವರು, ನಗರದ ತಾಂತ್ರಿಕ ನೆಟ್‌ವರ್ಕ್‌ಗಳಿಗೆ ಭದ್ರತಾ ಬೆದರಿಕೆ ಇದೆ. ಹೀಗಾಗಿ ಈ ಅಪ್ಲಿಕೇಶನ್ ಬಳಕೆ ತಡೆ ಹಿಡಿಯಲಾಗಿದೆ ಎಂದು ಅವರು ಹೇಳಿದ್ದಾರೆ.

ಇಲ್ಲಿನ ಎಲ್ಲ ಏಜೆನ್ಸಿಗಳು 30 ದಿನಗಳ ಒಳಗೆ ಅಪ್ಲಿಕೇಶನ್ ಅನ್ನು ಸಂಪೂರ್ಣವಾಗಿ ಅನ್​ ಇನ್​​​ಸ್ಟಾಲ್ ಮಾಡಬೇಕು ಎಂದು ಸೂಚಿಸಿದೆ. ಉದ್ಯೋಗಿಗಳು ಸರ್ಕಾರ ಒದಗಿಸಿರುವ ಮೊಬೈಲ್​​ ಸಾಧನಗಳು ಮತ್ತು ನೆಟ್‌ವರ್ಕ್‌ಗಳಿಂದ TikTok ಮತ್ತು ಅದರ ವೆಬ್‌ಸೈಟ್‌ಗೆ ಪ್ರವೇಶವನ್ನು ನೀಡಲು ಇನ್ಮುಂದೆ ಸಾಧ್ಯವಾಗುವುದಿಲ್ಲ ಎಂದು ನ್ಯೂ ಯಾರ್ಕ್​ ಆಡಳಿತ ತನ್ನ ಆದೇಶದಲ್ಲಿ ತಿಳಿಸಿದೆ. ನ್ಯೂಯಾರ್ಕ್ ರಾಜ್ಯಾಡಳಿತ ಕೆಲವು ವಿನಾಯಿತಿಗಳೊಂದಿಗೆ ಮೂರು ವರ್ಷಗಳಿಗೂ ಹೆಚ್ಚು ಕಾಲ TikTok ನಿಷೇಧಿಸಿ ಆದೇಶಿಸಿದೆ.

ಎಲ್ಲೆಲ್ಲಿ ನಿಷೇಧ: ನಗರದ ನೈರ್ಮಲ್ಯ ಇಲಾಖೆ, ಉದ್ಯಾನ ಮತ್ತು ಮನರಂಜನಾ ಇಲಾಖೆ, ರಾಜ್ಯಾಡಳಿತದ ಆದೇಶದೊಂದಿಗೆ ತಮ್ಮ ಬಯೋವನ್ನು ನವೀಕರಿಸಿದೆ. ಟಿಕ್​ ಟಾಕ್​​ ಖಾತೆಯನ್ನು ಆಗಸ್ಟ್ 2023 ರವರೆಗೆ ಮಾತ್ರವೇ ಕಾರ್ಯನಿರ್ವಹಿಸುತ್ತದೆ. ಆ ಬಳಿಕ ಈ ಅಪ್ಲಿಕೇಷನ್​ ಕಾರ್ಯ ನಿರ್ವಹಣೆ ಮಾಡುವುದಿಲ್ಲ ಎಂದು ಅಲ್ಲಿನ ಪ್ರಮುಖ ಪತ್ರಿಕೆ ವರದಿ ಮಾಡಿದೆ.

ಸರ್ಕಾರದ ಅಧಿಕೃತ ಸಾಧನಗಳಿಗೆ ಮಾತ್ರ ಈ ಅಪ್ಲಿಕೇಶನ್​ ನಿರ್ಬಂಧಿಸಲಾಗಿದೆ. ಮೊಂಟಾನಾ ಆಡಳಿತ ಇತ್ತೀಚೆಗೆ ರಾಜ್ಯಾದ್ಯಂತ ಟಿಕ್‌ಟಾಕ್ ಅನ್ನು ನಿರ್ಬಂಧಿಸುವ ಮಸೂದೆ ಅಂಗೀಕರಿಸಿದೆ. ಜನವರಿ 1 ರಂದು ಜಾರಿಗೆ ಬರಲಿರುವ ಹೊಸ ಕಾನೂನು, ಟಿಕ್​​ಟಾಕ್​ನ ಎಲ್ಲ ಕಾರ್ಯಾಚರಣೆಯನ್ನು ನಿಲ್ಲಿಸಲಿದೆ.

ಈ ನಡುವೆ ನ್ಯೂಯಾರ್ಕ್​ ಆಡಳಿತ ಟಿಕ್​ಟಾಕ್ ನಿಷೇಧಿಸಿರುವ ಬಗ್ಗೆ ಪ್ರತಿಕ್ರಿಯಿಸಲು TikTok ನಿರಾಕರಿಸಿದೆ. ನಗರದ ನೈರ್ಮಲ್ಯ ವಿಭಾಗವು ಟಿಕ್​​ ಟಾಕ್​ ಮೇಲೆ ಹೆಚ್ಚು ಅವಲಂಬಿತವಾಗಿದೆ. ಸುಮಾರು 50,000 ಫಾಲೋವರ್ಸ್​ಗಳು ತನ್ನ ಕೆಲಸಗಾರರನ್ನು ಹುರಿದುಂಬಿಸಲು, ಕೆಲಸಗಾರರ ಬಗ್ಗೆ ಮಾಹಿತಿ ನೀಡಲು ಈ ಟಿಕ್​ ಟಾಕ್​ ಬಳಸುತ್ತಿವೆ. ಆದರೆ ಈಗ ಸರ್ಕಾರ ಈ ಆ್ಯಪ್​ ನಿಷೇಧ ಮಾಡಿರುವುದು ಇಲಾಖೆಗೆ ತುಸು ಸಂಕಷ್ಟವನ್ನು ತಂದೊಡ್ಡಿದೆ ಎಂದು ತಿಳಿದು ಬಂದಿದೆ.

ಇದನ್ನು ಓದಿ: ವಾಟ್ಸ್​ಆ್ಯಪ್​ ಚಾಟ್ಸ್​ಗಳನ್ನು ಸುರಕ್ಷಿತವಾಗಿರಿಸಲು ಬರ್ತಿದೆ ಹೊಸ ವೈಶಿಷ್ಟ್ಯ..! ಅದರ ಉಪಯೋಗ ಮತ್ತು ಮಹತ್ವ ತಿಳಿಯಿರಿ