ಫ್ಲೋರಿಡಾ (ಅಮೆರಿಕ): ಇಯಾನ್ ಚಂಡಮಾರುತವು ನಾಸಾದ ಚಂದ್ರನ ರಾಕೆಟ್ ಉಡಾವಣೆಗೆ ಅಡ್ಡಿಯಾಗಿದೆ. ಚಂಡಮಾರುತವು ಅಮೆರಿಕದ ಫ್ಲೋರಿಡಾ ಸಮೀಪಿಸುತ್ತಿದ್ದಂತೆ ಚಂದ್ರನ ರಾಕೆಟ್ ಮಂಗಳವಾರ ತನ್ನ ಹ್ಯಾಂಗರ್‌ಗೆ ಸುರಕ್ಷಿತವಾಗಿ ಮರಳಿದೆ. ಇದರಿಂದ ನವೆಂಬರ್ ತಿಂಗಳವರೆಗೂ ಇದರ ಉಡಾವಣೆ ಸಾಧ್ಯವಾಗುವುದಿಲ್ಲವಂತೆ.
ಕೆನಡಿ ಬಾಹ್ಯಾಕಾಶ ಕೇಂದ್ರದಲ್ಲಿ 322 ಅಡಿ (98 ಮೀಟರ್) ರಾಕೆಟ್ನ್ನು ಉಡಾವಣಾ ತಂಡವು ಉಡಾವಣೆ ಮಾಡಿತ್ತು. ನಾಲ್ಕು ಮೈಲಿ (6.4 ಕಿಲೋಮೀಟರ್) ಪ್ರಯಾಣಕ್ಕೆ ಇಡೀ ರಾತ್ರಿ ತೆಗೆದುಕೊಂಡಿದೆ. ರಾಕೆಟ್ ಅನ್ನು ಮತ್ತೆ ನವೀಕರಿಸುವುದು ಮತ್ತು ಅಕ್ಟೋಬರ್ನಲ್ಲಿ ಉಡಾವಣೆ ಪ್ರಯತ್ನಕ್ಕಾಗಿ ಅದನ್ನು ಮತ್ತೆ ಪ್ಯಾಡ್‌ಗೆ ತರುವುದು ಕಷ್ಟ ಎಂದು ನಾಸಾ ಅಧಿಕಾರಿ ಜಿಮ್ ಫ್ರೀ ಹೇಳಿದ್ದಾರೆ.
ವಿಶೇಷವಾಗಿ ರಾಕೆಟ್ಗೆ ಹೊಸ ಬ್ಯಾಟರಿಗಳನ್ನು ಹಾಕುವುದು ಸವಾಲಿನ ಕೆಲಸವಾಗಿದೆ. ಇದರಿಂದ ಅಕ್ಟೋಬರ್ನಲ್ಲಿ ಉಡಾವಣೆಗೆ ಪ್ರಯತ್ನಿಸುವುದು ಅನುಮಾನವಾಗಿದೆ. ಅಕ್ಟೋಬರ್ ತಿಂಗಳ ಮಧ್ಯದ ವೇಳೆಗೆ ರಾಕೆಟ್ ಉಡಾವಣೆಗೆ ನಾಸಾ ಗುರಿ ಹಾಕಿಕೊಂಡಿತ್ತು.
ಸ್ಪೇಸ್ ಲಾಂಚ್ ಸಿಸ್ಟಮ್ ರಾಕೆಟ್ ಒಂದು ತಿಂಗಳ ಹಿಂದೆ ಉಡಾವಣೆಯಾಗಿತ್ತು. ಆದರೆ, ಇಂಧನ ಸೋರಿಕೆ ಮತ್ತು ಇಂಜಿನ್ ಸಮಸ್ಯೆಗಳಿಂದ ಎರಡು ಬಾರಿ ವಿಳಂಬವಾಗಿತ್ತು. ಈಗ ಇಯಾನ್ ಚಂಡಮಾರುತವು ರಾಕೆಟ್ ಉಡಾವಣೆಗೆ ಅಡ್ಡಿ ಉಂಟು ಮಾಡಿದೆ.
ಇದನ್ನೂ ಓದಿ: ಕ್ಷುದ್ರಗ್ರಹಕ್ಕೆ ನಾಸಾ ನೌಕೆ ಅಪ್ಪಳಿಸಿದ್ದು ಏಕೆ? ಏನಿದು ಮಿಷನ್ DART?
