12 ವರ್ಷಗಳಲ್ಲಿ 40ಕ್ಕೂ ಹೆಚ್ಚು ಬಾರಿ ಪ್ಲಾಸ್ಟಿಕ್​ ಸರ್ಜರಿ! ಮಾಡೆಲ್ ಬಿಚ್ಚಿಟ್ಟ ಕರಾಳ ಅನುಭವ

ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಗುರುತಿಸಿಕೊಳ್ಳುವ ಮತ್ತು ಜನಪ್ರೀಯತೆ ಗಿಟ್ಟಿಸಿಕೊಳ್ಳುವ ಸಲುವಾಗಿ ತಾರೆಯೊಬ್ಬಳು 40ಕ್ಕೂ ಹೆಚ್ಚು ಬಾರಿ ಪ್ಲಾಸ್ಟಿಕ್​ ಸರ್ಜರಿ ಮಾಡಿಸಿಕೊಂಡಿದ್ದಾರೆ. ಈ ಪ್ರಮಾಣದ ಪ್ಲಾಸ್ಟಿಕ್​ ಸರ್ಜರಿಯಿಂದ ಇದೀಗ ಅವರ ಆರೋಗ್ಯದಲ್ಲಿ ಏರುಪೇರಾಗಿದ್ದು ಸದ್ಯ ಚೇತರಿಸಿಕೊಳ್ಳುತ್ತಿದ್ದಾರೆ.

ವಾಷಿಂಗ್ಟನ್ (ಯುಎಸ್): ಹಾಲಿವುಡ್​ ತಾರೆ, ಖ್ಯಾತ ರೂಪದರ್ಶಿ ಕಿಮ್ ಕಾರ್ಡಶಿಯನ್ ಅವರನ್ನೇ ಹೋಲುವಂತೆ ತಾರೆಯೊಬ್ಬಳು 12 ವರ್ಷಗಳ ಅವಧಿಯಲ್ಲಿ 40ಕ್ಕೂ ಹೆಚ್ಚು ಬಾರಿ ಪ್ಲಾಸ್ಟಿಕ್​ ಸರ್ಜರಿ ಮಾಡಿಸಿಕೊಂಡಿದ್ದಾಳೆ. ವಿಚಿತ್ರ ಅಂದ್ರೆ ಅದಕ್ಕೆ ತೃಪ್ತಿಯಾಗದೇ ಮತ್ತೆ ಮೊದಲಿನಂತೆ ಕಾಣುವಂತೆ ಸರ್ಜರಿಗೊಳಗಾಗಿದ್ದಾರೆ. ಇದಕ್ಕಾಗಿ ಅವರು ಮೊದಲು ಕಿಮ್ ಕಾರ್ಡಶಿಯನ್ ರೂಪ ತಾಳಲು $600K (4.7 ಕೋಟಿ ಭಾರತೀಯ ರೂಪಾಯಿ) ಖರ್ಚು ಮಾಡಿದರೆ ಬಳಿಕ ಅಸಲಿ ರೂಪಕ್ಕಾಗಿ ಮತ್ತೆ $120K (95,49,660.00 ರೂ.) ಖರ್ಚು ಭರಿಸಿದ್ದಾರೆ.

29 ವರ್ಷ ರಿಯಾಲಿಟಿ ಸೂಪರ್‌ಸ್ಟಾರ್ ಜೆನ್ನಿಫರ್ ಪ್ಯಾಂಪ್ಲೋನಾ ಈ ಹರಸಾಹ ಮಾಡಿದ ತಾರೆ. 12 ವರ್ಷಗಳ ಅವಧಿಯಲ್ಲಿ ಬರೋಬ್ಬರಿ 40 ಕ್ಕೂ ಹೆಚ್ಚು ಬಾರಿ ಪ್ಲಾಸ್ಟಿಕ್​ ಸರ್ಜರಿ ಮಾಡಿಸಿಕೊಳ್ಳುವ ಮೂಲಕ ಜೆನ್ನಿಫರ್ ಇದೀಗ ಫ್ಯಾಷನ್​ ಜಗತ್ತಿನಲ್ಲಿ ಅಚ್ಚರಿ ಮೂಡಿಸಿದ್ದಾರೆ. ಪ್ಲಾಸ್ಟಿಕ್​ ಸರ್ಜರಿಯನ್ನು ಖಾಯಿಲೆಯಾಗಿ ಪರಿವರ್ತಿಸಿಕೊಂಡಿರುವ ಈ ತಾರೆ ಕೊನೆಗೆ ತನ್ನದೇ ರೂಪ ಪಡೆದುಕೊಂಡಿದ್ದಾರೆ.

ನಾನು ಅಲ್ಪ - ಸ್ವಲ್ಪ ಕಾರ್ಡಶಿಯನ್ ಅವರನ್ನೇ ಹೋಲುತ್ತಿದ್ದು, ಜನರು ನನ್ನನ್ನು ಕಾರ್ಡಶಿಯನ್ ಎಂದೇ ಕರೆಯುತ್ತಿದ್ದರು. ಆರಂಭದಲ್ಲಿ ಇದು ಖುಷಿ ತರಿಸಿತು. ಆದರೆ, ಕಾಲಕ್ರಮೇಣ ಇದು ನನಗೆ ಕಿರಿಕಿರಿಯುಂಟು ಮಾಡಲು ಪ್ರಾರಂಭಿಸಿತು. ಹಾಗಾಗಿ ಅಸಲಿ ರೂಪ ತಾಳಲು ಮತ್ತೆ ಪ್ಲಾಸ್ಟಿಕ್​ ಸರ್ಜರಿಯ ಮೊರೆ ಹೋಗಬೇಕಾಯಿತು ಎಂದು ತಾರೆಯು ತನ್ನ ಮನದ ತೊಳಲಾಟ ಬಿಚ್ಚಿಟಿದ್ದಾರೆ.

• Woman spent $600K to be Kim Kardashian, now paying $120K to 'detransition'
  
  Read @ANI story: https://t.co/grUuoV6mVs#KimKardashian #surgery #Hollywood pic.twitter.com/fsr7YAfYSd

  — ANI Digital (@ani_digital) July 12, 2022 " class="align-text-top noRightClick twitterSection" data="

  Woman spent $600K to be Kim Kardashian, now paying $120K to 'detransition'
  
  Read @ANI story: https://t.co/grUuoV6mVs#KimKardashian #surgery #Hollywood pic.twitter.com/fsr7YAfYSd

  — ANI Digital (@ani_digital) July 12, 2022

  ">

  Woman spent $600K to be Kim Kardashian, now paying $120K to 'detransition'
  
  Read @ANI story: https://t.co/grUuoV6mVs#KimKardashian #surgery #Hollywood pic.twitter.com/fsr7YAfYSd

  — ANI Digital (@ani_digital) July 12, 2022

ನಾನು ಕೆಲಸ ಮಾಡಿದ್ದೇನೆ. ಸಾಕಷ್ಟು ಓದಿದ್ದೇನೆ. ಉದ್ಯಮಿ ಕೂಡ ಆಗಿದ್ದೇನೆ. ನನ್ನ ವೈಯಕ್ತಿಕ ಜೀವನದಲ್ಲಿ ಈ ಎಲ್ಲ ಸಾಧನೆಗಳನ್ನು ಹೊಂದಿದ್ದೇನೆ. ಆದರೆ, ಜನರು ನನ್ನ ಅಸಲಿ ಹೆಸರಿನಿಂದ ಕರೆಯುವುದನ್ನು ಬಿಟ್ಟು ಕಾರ್ಡಶಿಯನ್‌ ಅಂತೆಯೇ ಕರೆಯುತ್ತಿದ್ದರು. ತೃಪ್ತಿ ತರಿಸದ ಕಾರಣ ನಾನು ಮತ್ತೆ ಮೂಲ ರೂಪ ಹೊಂದಲು ಪ್ಲಾಸ್ಟಿಕ್​ ಸರ್ಜರಿ ಮಾಡಿಸಿಕೊಳ್ಳಬೇಕಾಯಿತು ಎಂದಿದ್ದಾರೆ.

ಜೆನ್ನಿಫರ್ ತಾವು 17ನೇ ವಯಸ್ಸಿನಲ್ಲಿ ಇದ್ದಾಗಲೇ ಈ ರೀತಿಯ ಸರ್ಜರಿ ಮಾಡಿಸಿಕೊಳ್ಳುವ ಖಯಾಲಿ ಮಾಡಿಕೊಂಡಿದ್ದರಂತೆ. ಸತತ 12 ವರ್ಷಗಳ ಕಾಲ ಅವರು 40ಕ್ಕೂ ಹೆಚ್ಚು ಬಾರಿ ಪ್ಲಾಸ್ಟಿಕ್​ ಸರ್ಜರಿ ಮಾಡಿಸಿಕೊಂಡು ಇದೀಗ ಅಚ್ಚರಿಗೆ ಕಾರಣರಾಗಿದ್ದಾರೆ. ಇದೀಗ ತಮ್ಮ ಬಗ್ಗೆ ತಾವೇ ಬೇಸರ ಹೊರ ಹಾಕಿಕೊಂಡಿರುವ ಅವರು ಈ ಮಾರ್ಗವನ್ನು ಅನುಸರಿಸದಂತೆ ಮನವಿ ಮಾಡಿಕೊಂಡಿದ್ದಾರೆ.

ಸದ್ಯ ತಾರೆಯು ಅಂತಿಮ ಶಸ್ತ್ರಚಿಕಿತ್ಸೆಯಿಂದ ಚೇತರಿಸಿಕೊಳ್ಳುತ್ತಿದ್ದಾರೆ. ಆದರೆ, ಈ ಪ್ರಮಾಣದ ಪ್ಲಾಸ್ಟಿಕ್​ ಸರ್ಜರಿ ಮಾಡಿಸಿಕೊಂಡ ಫೋಟೋಗಳು ಸಾಮಾಜಿಕ ಜಾಲತಾಣದಲ್ಲಿ ಓಡಾಡುತ್ತಿವೆ. ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಗುರುತಿಸಿಕೊಳ್ಳುವ ಮತ್ತು ಜನಪ್ರಿಯತೆ ಗಿಟ್ಟಿಸಿಕೊಳ್ಳುವ ಸಲುವಾಗಿಯೇ ಈ ಪ್ರಮಾಣದ ಪ್ಲಾಸ್ಟಿಕ್​ ಸರ್ಜರಿಗೆ ಮೂಲ ಕಾರಣ ಎಂದು ಹೇಳಲಾಗುತ್ತಿದೆ.