ಫ್ರಾನ್ಸ್ ಅಧ್ಯಕ್ಷ ಇಮ್ಯಾನ್ಯುವೆಲ್ ಮ್ಯಾಕ್ರನ್ ನೇತೃತ್ವದ ಸರ್ಕಾರ ಸಂಸತ್ ಚುನಾವಣೆಯಲ್ಲಿ ಸ್ಪಷ್ಟ ಬಹುಮತ ಕಳೆದುಕೊಂಡಿದೆ. ಅಧ್ಯಕ್ಷೀಯ ಚುನಾವಣೆಯಲ್ಲಿ ಮ್ಯಾಕ್ರನ್ ನೇತೃತ್ವದ ಎಡಪಂಥದ ಒಕ್ಕೂಟಕ್ಕೆ ಭಾರಿ ಹಿನ್ನಡೆಯಾಗಿ, ಬಹುಮತ ಪಡೆಯಲಾಗದೇ ಸೋಲನುಭವಿಸಿದೆ. ಈ ಮೂಲಕ ಮೂರನೇ ಬಾರಿಗೆ ಅಧಿಕಾರದ ಗದ್ದುಗೆ ಏರಲು ಬಯಸಿದ್ದ ಮ್ಯಾಕ್ರನ್ ಅಧಿಕಾರ ಕಳೆದುಕೊಳ್ಳುವ ಭೀತಿಯಲ್ಲಿದ್ದಾರೆ.
577 ಸದಸ್ಯ ಬಲದ ಸಂಸತ್ತಿನಲ್ಲಿ ಬಹುಮತ ಪಡೆಯಲು 289 ಸ್ಥಾನಗಳು ಬೇಕಿದ್ದವು. ಮ್ಯಾಕ್ರನ್ ನೇತೃತ್ವದ 'ಟುಗೆದರ್ ಪಕ್ಷ' 245 ಸ್ಥಾನಗಳನ್ನು ಮಾತ್ರ ಪಡೆದಿದೆ. ಬಹುಮತಕ್ಕಾಗಿ 44 ಸ್ಥಾನಗಳು ಬೇಕಿವೆ. ಹೀಗಾಗಿ ಮ್ಯಾಕ್ರಾನ್ ಮತ್ತೊಮ್ಮೆ ಅಧಿಕಾರದ ಗದ್ದುಗೆ ಏರಲು ಮತ್ತೊಂದು ಪಕ್ಷದೊಂದಿಗೆ ಮೈತ್ರಿ ಮಾಡಿಕೊಳ್ಳಬೇಕಿದೆ.
44ರ ಹರೆಯದ ಮ್ಯಾಕ್ರನ್ ನೇತೃತ್ವದ ಟುಗೆದರ್ ಒಕ್ಕೂಟವು ದೊಡ್ಡ ಪಕ್ಷವಾಗಿ ಹೊರಮಹೊಮ್ಮಿದರೂ ಅಧಿಕಾರ ಪಡೆಯುವಷ್ಟು ಸ್ಥಾನಗಳನ್ನು ಪಡೆದುಕೊಂಡಿಲ್ಲ. ರಷ್ಯಾ- ಉಕ್ರೇನ್ ಯುದ್ಧ ಕೊನೆಗೊಳಿಸುವಲ್ಲಿ ಮತ್ತು ಯುರೋಪಿಯನ್ ಯೂನಿಯನ್ನಲ್ಲಿ ಪ್ರಮುಖ ಪಾತ್ರ ವಹಿಸುವ ಮಹತ್ವಾಕಾಂಕ್ಷೆ ಹೊಂದಿದ್ದ ಮ್ಯಾಕ್ರನ್ಗೆ ದೇಶದಲ್ಲೇ ದೊಡ್ಡ ಹಿನ್ನಡೆ ಉಂಟಾಗಿದೆ.
ಈ ಪರಿಸ್ಥಿತಿಯು ನಮ್ಮ ದೇಶಕ್ಕೆ ಅಪಾಯವ ಉಂಟುಮಾಡುತ್ತದೆ. ನಾವು ಎದುರಿಸಬೇಕಾದ ಸವಾಲುಗಳು ಇನ್ನಷ್ಟಿವೆ ಎಂದು ಪ್ರಧಾನಿ ಎಲಿಸಬೆತ್ ಬೋರ್ನ್ ವಿಡಿಯೊ ಹೇಳಿಕೆಯಲ್ಲಿ ತಿಳಿಸಿದ್ದಾರೆ. ಬಹುಮತ ಪಡೆಯಲು ನಾವು ನಾಳೆಯಿಂದಲೇ ಕಾರ್ಯ ಶುರುಮಾಡಲಿದ್ದೇವೆ ಎಂದು ಅವರು ಹೇಳಿದ್ದಾರೆ. ಅಧಿಕಾರವನ್ನು ಮರಳಿ ಪಡೆಯಲು ಮ್ಯಾಕ್ರನ್ ಬಲಪಂಥೀಯ ಸಾಂಪ್ರದಾಯಿಕ ಪಕ್ಷವಾದ ರಿಪಬ್ಲಿಕನ್ನರೊಂದಿಗೆ ಮೈತ್ರಿ ಮಾಡಿಕೊಳ್ಳುವ ಸಾಧ್ಯತೆ ಇದೆ ಎಂದು ಹೇಳಲಾಗಿದೆ.
ಅವಿಶ್ವಾಸ ನಿರ್ಣಯ: ಎಡಪಂಥೀಯ ನ್ಯೂಪ್ಸ್ ಒಕ್ಕೂಟದಿಂದ ಮ್ಯಾಕ್ರನ್ ಅವರ ಸರ್ಕಾರದ ವಿರುದ್ಧ ಅವಿಶ್ವಾಸ ನಿರ್ಣಯಕ್ಕೆ ಮುಂದಾಗಲಿದೆ ಎಂದು ತಿಳಿದು ಬಂದಿದೆ. ಸಂಸತ್ತಿನಲ್ಲಿ ಅಧಿಕಾರ ಪಡೆಯುವಷ್ಟು ಸ್ಥಾನ ಗೆಲ್ಲದ ಕಾರಣ ಸರ್ಕಾರದ ವಿರುದ್ಧ ಅವಿಶ್ವಾಸಕ್ಕೆ ನ್ಯೂಪ್ಸ್ ನೇತೃತ್ವದ ಒಕ್ಕೂಟ ಸಿದ್ಧತೆ ನಡೆಸುತ್ತಿದೆ.
ಇದನ್ನೂ ಓದಿ: ಅಧ್ಯಕ್ಷರ ಬದಲು ಸಂಸತ್ತಿನ ಅಧಿಕಾರ ಹೆಚ್ಚಿಸುವ ಹೊಸ ತಿದ್ದುಪಡಿ ಅಂಗೀಕರಿಸಿದ ಶ್ರೀಲಂಕಾ
