ಪೇಶಾವರ (ಪಾಕಿಸ್ತಾನ): ಪಾಕಿಸ್ತಾನದ ವಾಯುವ್ಯ ಭಾಗದಲ್ಲಿ ರಣ ಮಳೆಯಾಗಿದ್ದು, ಹಲವಾರು ಮನೆಗಳು ಕುಸಿದಿವೆ. ಕನಿಷ್ಠ 25 ಜನರು ಸಾವನ್ನಪ್ಪಿದ್ದಾರೆ. 145ಕ್ಕೂ ಹೆಚ್ಚು ಜನರು ಗಾಯಗೊಂಡಿದ್ದಾರೆ. ಖೈಬರ್ ಪಖ್ತುಂಖ್ವಾ ಪ್ರಾಂತ್ಯದ ಬನ್ನು, ಲಕ್ಕಿ ಮಾರ್ವತ್ ಮತ್ತು ಕರಕ್ ಜಿಲ್ಲೆಗಳಲ್ಲಿ ಆಲಿಕಲ್ಲು ಮಳೆಯಾಗಿದೆ ಎಂದು ರಕ್ಷಣಾಧಿಕಾರಿ ಖತೀರ್ ಅಹ್ಮದ್ ತಿಳಿಸಿದ್ದಾರೆ.
ಗಾಳಿಸಮೇತ ಸುರಿದ ಮಳೆಗೆ ಅಲ್ಲಲ್ಲಿ ಮರಗಳು ಬೇರುಸಹಿತ ಕಿತ್ತು ಧರೆಗುರುಳಿವೆ. ಹಲವು ವಿದ್ಯುತ್ ಕಂಬಗಳು ನೆಲಸಮವಾಗಿವೆ. ಘಟನೆಯ ದೃಶ್ಯಗಳು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿವೆ. ಗಾಯಗೊಂಡವರಿಗೆ ತುರ್ತು ಪರಿಹಾರ ಮತ್ತು ಅವರ ರಕ್ಷಣೆಗೆ ಅಧಿಕಾರಿಗಳು ಕ್ರಮಗಳನ್ನು ಕೈಗೊಂಡಿದ್ದಾರೆ. ನೈಸರ್ಗಿಕ ವಿಕೋಪಗಳ ಪರಿಹಾರಕ್ಕಾಗಿ ಪಾಕ್ ಸರ್ಕಾರ ಶುಕ್ರವಾರ ವಿಶೇಷ ಬಜೆಟ್ ಮಂಡಿಸಿದೆ. ರಾಷ್ಟ್ರೀಯ ಬಜೆಟ್ ಕರಡು ಪ್ರತಿಯಲ್ಲಿ ಹವಾಮಾನ ಸ್ಥಿತಿಸ್ಥಾಪಕತ್ವಕ್ಕಾಗಿ 1.3 ಬಿಲಿಯನ್ ಯುಎಸ್ ಡಾಲರ್ ಹಣ ನಿಗದಿಪಡಿಸಿದೆ.
-
خیبر پختونخوا کے علاقے بنوں میں آج خوفناک کالی آندھی کے سبب چھتیں اور درخت گرنے سے ۲۳ لوگ جاں بحق جبکہ متعدد افراد زخمی ہوگئے. pic.twitter.com/NYX3TzqMNy
— PakWeather.com (@Pak_Weather) June 10, 2023 " class="align-text-top noRightClick twitterSection" data="
">خیبر پختونخوا کے علاقے بنوں میں آج خوفناک کالی آندھی کے سبب چھتیں اور درخت گرنے سے ۲۳ لوگ جاں بحق جبکہ متعدد افراد زخمی ہوگئے. pic.twitter.com/NYX3TzqMNy
— PakWeather.com (@Pak_Weather) June 10, 2023خیبر پختونخوا کے علاقے بنوں میں آج خوفناک کالی آندھی کے سبب چھتیں اور درخت گرنے سے ۲۳ لوگ جاں بحق جبکہ متعدد افراد زخمی ہوگئے. pic.twitter.com/NYX3TzqMNy
— PakWeather.com (@Pak_Weather) June 10, 2023
ಪಾಕಿಸ್ತಾನದ ಪ್ರಧಾನಿ ಶಹಬಾಜ್ ಷರೀಫ್ ಶನಿವಾರದ ಚಂಡಮಾರುತದಿಂದ ಜೀವಹಾನಿಯಾದ ಬಗ್ಗೆ ದುಃಖ ವ್ಯಕ್ತಪಡಿಸಿದ್ದು, ಪರಿಹಾರ ಕಾರ್ಯಾಚರಣೆಯ ವೇಗ ಹೆಚ್ಚಿಸಲು ಅಧಿಕಾರಿಗಳಿಗೆ ಸೂಚಿಸಿದ್ದಾರೆ. ಇದರ ಜೊತೆಗೆ, ಅರಬ್ಬಿ ಸಮುದ್ರದಲ್ಲಿ ಎದ್ದಿರುವ ಬಿಪರ್‌ಜೋಯ್ ಚಂಡಮಾರುತಕ್ಕೆ ಮುಂಚಿತವಾಗಿ ತುರ್ತು ಕ್ರಮಗಳನ್ನು ಕೈಗೊಳ್ಳುವಂತೆ ಅಧಿಕಾರಿಗಳಿಗೆ ಆದೇಶಿಸಿದ್ದರು. ಇನ್ನು ಬಿಪರ್‌ಜೋಯ್ ಚಂಡಮಾರುತವು ಗಂಟೆಗೆ 150 ಕಿಲೋ ಮೀಟರ್ (ಗಂಟೆಗೆ 93 ಮೈಲುಗಳು) ವೇಗದಲ್ಲಿ ಪಾಕ್ ದೇಶದ ದಕ್ಷಿಣ ದಿಕ್ಕಿನೆಡೆಗೆ ಸಾಗುತ್ತಿದೆ ಎಂದು ಪಾಕಿಸ್ತಾನದ ವಿಪತ್ತು ನಿರ್ವಹಣಾ ಸಂಸ್ಥೆ ಮಾಹಿತಿ ನೀಡಿದೆ.
ಈ ಹಿಂದಿನ ಮಳೆ ಅವಾಂತರಗಳು..: ಪಾಕಿಸ್ತಾನದಲ್ಲಿ ಹಿಂದಿನ ಮಳೆಯ ಅವಾಂತರಗಳನ್ನು ನೋಡುವುದಾದರೆ, ಕಳೆದ ವರ್ಷ ಪಾಕಿಸ್ತಾನದಲ್ಲಿ ಸುರಿದ ಮುಂಗಾರು ಮಳೆ ಮತ್ತು ಭೀಕರ ಪ್ರವಾಹವು ಅಪಾರ ನಷ್ಟವನ್ನುಂಟು ಮಾಡಿತ್ತು. ಅಂದಿನ ದಾಖಲೆ ಮಟ್ಟದ ವರ್ಷಧಾರೆಗೆ 1,700ಕ್ಕೂ ಹೆಚ್ಚಿನ ಜನರು ಸಾವಿಗೀಡಾಗಿದ್ದರು. ಸುಮಾರು 33 ಮಿಲಿಯನ್ ಜನಜೀವನದ ಮೇಲೆ ಮಳೆ ತೀವ್ರ ಪರಿಣಾಮ ಬೀರಿತ್ತು. 8 ಮಿಲಿಯನ್ ಜನರನ್ನು ಸ್ಥಳಾಂತರಗೊಳ್ಳುವಂತೆ ಮಾಡಿತ್ತು.
ಮಾರ್ಚ್ 2020 ರಲ್ಲಿ ತುರ್ತು ಪರಿಸ್ಥಿತಿ ಘೋಷಣೆ: 2020 ರ ಮಾರ್ಚ್ನಲ್ಲಿ ವಾಯುವ್ಯ ಪಾಕಿಸ್ತಾನದಲ್ಲಿ ಸುರಿದ ಧಾರಾಕಾರ ಮಳೆಗೆ ಒಟ್ಟು 28 ಮಂದಿ ಮೃತಪಟ್ಟಿದ್ದು, 65 ಜನರು ಗಾಯಗೊಂಡಿದ್ದರು. ಗುಡುಗು ಸಹಿತ ಸುರಿದ ಮಳೆಗೆ 27 ಮನೆಗಳು ಸಂಪೂರ್ಣವಾಗಿ ನೆಲಕಚ್ಚಿ, 255 ಮನೆಗಳು ಭಾಗಶಃ ನಾಶವಾಗಿದ್ದವು. 67 ಸಾಕು ಪ್ರಾಣಿಗಳು ಸಾವನ್ನಪ್ಪಿದ್ದವು. ಖೈಬರ್ ಪಕ್ತುಂಖ್ವಾ ಪ್ರಾಂತ್ಯದಲ್ಲಿ ಮಾರ್ಚ್ 7 ರಿಂದ 14 ರವರೆಗೆ ತುರ್ತು ಪರಿಸ್ಥಿತಿ ಘೋಷಣೆ ಮಾಡಲಾಗಿತ್ತು.
ಜುಲೈ 2022 ರ ಮಳೆಗೆ ಕೊಚ್ಚಿ ಹೋಗಿದ್ದ ಮನೆಗಳು: ಪಾಕಿಸ್ತಾನದ ಅಪ್ಪರ್ ಕೊಹಿಸ್ತಾನ್‌ನಲ್ಲಿ ಮಳೆಯಿಂದಾಗಿ ಭಾರಿ ಪ್ರವಾಹ ಉಂಟಾಗಿ, ಕನಿಷ್ಠ 50 ಮನೆಗಳು ಮತ್ತು ಲಘು ವಿದ್ಯುತ್ ಉತ್ಪಾದಕ ಕೇಂದ್ರಗಳು ಕೊಚ್ಚಿಹೋಗಿ ಸಾವು-ನೋವು ದಾಖಲಾಗಿತ್ತು.
2022ರಲ್ಲಿ ವರುಣನ ಆರ್ಭಟಕ್ಕೆ 937 ಜನರು ಸಾವು: 2022ರ ಜೂನ್ 14 ರಿಂದ ಆಗಸ್ಟ್ ವೇಳೆಗೆ ಪಾಕಿಸ್ತಾನದಾದ್ಯಂತ ಸುರಿದ ಮಳೆಗೆ ಒಟ್ಟು 937 ಜನರು ಸಾವನ್ನಪ್ಪಿ, 1,293 ಜನರು ಗಾಯಗೊಂಡಿದ್ದರು. ಆಗಸ್ಟ್ ತಿಂಗಳ ಪ್ರಾರಂಭದಿಂದ ಕೊನೆಯವರೆಗೆ ಸರ್ಕಾರ ತುರ್ತು ಪರಿಸ್ಥಿತಿ ಘೋಷಿಸಿತ್ತು. ಲಕ್ಷಾಂತರ ಜನರು ನಿರ್ವಸತಿಕರಾಗಿದ್ದರು. ಮಳೆ ಸಂಕಷ್ಟಕ್ಕೊಳಗಾದ ಪಾಕ್ ಸರ್ಕಾರ ನೆರವಿಗಾಗಿ ಅಂತಾರಾಷ್ಟ್ರೀಯ ಹಣಕಾಸು ಸಂಸ್ಥೆಗಳು ಮತ್ತು ಇತರ ದೇಶಗಳಿಗೆ ಹಣಕಾಸು ನೆರವು ಕೇಳಿ ಮನವಿ ಮಾಡುವ ಪರಿಸ್ಥಿತಿ ಉಂಟಾಗಿತ್ತು. ಈ ಮನವಿಗೆ ಸ್ಪಂದಿಸಿದ ವಿಶ್ವಬ್ಯಾಂಕ್ ದೇಶದ ನಿರ್ದೇಶಕ ನಜಿ ಬೆನ್ಹಸ್ಸಿನ್ ಅವರು ವಿಶ್ವಬ್ಯಾಂಕ್‌ನಿಂದ 350 ಮಿಲಿಯನ್ ಯುಎಸ್ ಡಾಲರ್ಗಳು ತಕ್ಷಣದ ನೆರವು ಬಿಡುಗಡೆ ಮಾಡಿದ್ದರು.
ಇದನ್ನೂ ಓದಿ: plane crash: ಕಣ್ಮರೆಯಾಗಿದ್ದ ನಾಲ್ವರು ಮಕ್ಕಳು 40 ದಿನಗಳ ಬಳಿಕ ಜೀವಂತವಾಗಿ ಪತ್ತೆ!
