ಡ್ರಗ್ಸ್​ ಸೇವನೆ ಆರೋಪ..ಯಾವುದೇ​ ಪರೀಕ್ಷೆಗೆ ನಾನು ರೆಡಿ ಎಂದ ಜಗತ್ತಿನ ಕಿರಿಯ ಪ್ರಧಾನಿ ಮರಿನ್​

ಫಿನ್​ಲ್ಯಾಂಡ್​ ಪ್ರಧಾನಿ ಸನ್ನಾ ಮರಿನ್ ವಿಡಿಯೋ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗಿರುವುದು ಗೊತ್ತಿರುವ ಸುದ್ದಿ. ಈ ವಿಡಿಯೋ ಬಳಿಕ ಪಿಎಂ ಮರಿನ್​ ವಿರುದ್ಧ ಡ್ರಗ್ಸ್​ ಸೇವನೆ ಆರೋಪ ಎದ್ದಿದೆ. ಇದಕ್ಕೆ ಪ್ರತಿಕ್ರಿಯಿಸಿದ ಅವರು, ಡ್ರಗ್ಸ್​ ಪರೀಕ್ಷೆಗೆ ನಾನು ಸಜ್ಜು ಎಂದು ಹೇಳಿದ್ದಾರೆ.

ಕೋಪನ್ ಹೇಗನ್​​: ಫಿನ್​ಲ್ಯಾಂಡ್​ ಪ್ರಧಾನಿ ಸನ್ನಾ ಮರಿನ್ ಅವರ ಪಾರ್ಟಿಯ ವೀಡಿಯೊ ಬುಧವಾರ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗಿದ್ದು, ನಂತರ ಅವರನ್ನು ತೀವ್ರವಾಗಿ ಟೀಕಿಸಲಾಗಿದೆ. ವೈರಲ್ ಆಗುತ್ತಿರುವ ವಿಡಿಯೋದಲ್ಲಿ 36 ವರ್ಷದ ಪ್ರಧಾನಿ ಸನಾ ಮರಿನ್ ತನ್ನ ಸ್ನೇಹಿತರೊಂದಿಗೆ ಡ್ಯಾನ್ಸ್​, ಸಾಂಗ್​ ಮತ್ತು ಮದ್ಯಪಾನ ಮಾಡುತ್ತಿರುವುದು ಕಂಡುಬಂದಿದೆ.

ಮಾಧ್ಯಮ ವರದಿಗಳ ಪ್ರಕಾರ, ನಡೆದ ಖಾಸಗಿ ಪಾರ್ಟಿಯಲ್ಲಿ ಪಿಎಂ ಮರಿನ್​ ವಿರುದ್ಧ ಡ್ರಗ್ಸ್​ ಸೇವನೆ ಆರೋಪ ಕೇಳಿ ಬಂದಿದೆ. ಈ ಬಗ್ಗೆ ಮೌನ ಮುರಿದ ಪಿಎಂ ಮರಿನ್, ನಾನು ಡ್ರಗ್ಸ್ ಸೇವನೆ ಮಾಡಿಲ್ಲ. ಇದನ್ನೂ ಸಾಬೀತು ಪಡಿಸಿಕೊಳ್ಳಲು ನಾನು ಯಾವುದೇ ಪರೀಕ್ಷೆಗೆ ಒಳಗಾಗುವುದಕ್ಕೆ ಸಜ್ಜು. ತನ್ನ ಸ್ನೇಹಿತರೊಂದಿಗೆ ಪಾರ್ಟಿ ಮಾಡುವಾಗ ತಾನು ಯಾವುದೇ ತಪ್ಪು ಮಾಡಿಲ್ಲ ಎಂದು ಹೇಳಿದ್ದಾರೆ.

• You won't believe it, but the prime minister of Finland, Sanna Marin, is on fire in this video. If anything, she's on the left in a black top and white pants. Looks like she really knows how to enjoy herself. pic.twitter.com/eM1NN8pLnx#UkraineRussiaWar

  — Ukrainian News24 (@MarkRid89403375) August 18, 2022 " class="align-text-top noRightClick twitterSection" data="

  You won't believe it, but the prime minister of Finland, Sanna Marin, is on fire in this video. If anything, she's on the left in a black top and white pants. Looks like she really knows how to enjoy herself. pic.twitter.com/eM1NN8pLnx#UkraineRussiaWar

  — Ukrainian News24 (@MarkRid89403375) August 18, 2022

  ">

  You won't believe it, but the prime minister of Finland, Sanna Marin, is on fire in this video. If anything, she's on the left in a black top and white pants. Looks like she really knows how to enjoy herself. pic.twitter.com/eM1NN8pLnx#UkraineRussiaWar

  — Ukrainian News24 (@MarkRid89403375) August 18, 2022

ಸ್ನೇಹಿತರೊಂದಿಗೆ ಕುಡಿಣಿದು ಕುಪ್ಪಳಿಸಿದ ಪಿಎಂ ಮರಿನ್​: ವೈರಲ್ ವಿಡಿಯೋದಲ್ಲಿ ಫಿನ್‌ಲ್ಯಾಂಡ್‌ನ ಪ್ರಧಾನಿ ಕುಣಿದು ಕುಪ್ಪಳಿಸಿದ್ದಾರೆ. ಪಿಎಂ ಮರಿನ್​ ಜೊತೆ ಕನಿಷ್ಠ ಆರು ಜನರು ಹಾಡುವುದು, ಡ್ಯಾನ್ಸ್ ಮಾಡುವುದು ಕಾಣಬಹುದಾಗಿದೆ. ಫಿನ್‌ಲ್ಯಾಂಡ್‌ ಪಿಎಂ ಮರಿನ್ ಡ್ಯಾನ್ಸ್ ಫ್ಲೋರ್‌ನಲ್ಲಿ ತನ್ನ ತೋಳುಗಳನ್ನು ಹಿಡಿದು ನೃತ್ಯ ಮಾಡುತ್ತಿದ್ದಾರೆ.

ಡ್ರಗ್ಸ್​ ಸೇವನೆ ಆರೋಪದ ಬಗ್ಗೆ ಮಾತನಾಡಿದ ಪಿಎಂ ಮರಿನ್​, ಒಂದು ದಿನ ಸಂಜೆ ಖಾಸಗಿ ಪಾರ್ಟಿಯಲ್ಲಿ ನಾನು ಸ್ನೇಹಿತರೊಂದಿಗೆ ಕಾಲ ಕಳೆಯುತ್ತಿರುವಾಗ ಡ್ಯಾನ್ಸ್​, ಸಾಂಗ್​ ಸೇರಿದಂತೆ ಮಜಾ ಮಾಡಿದ್ದೇವೆ. ಈ ವೇಳೆ ಮದ್ಯ ಸೇವನೆ ಸಹ ಮಾಡಲಾಗಿದೆ. ಆದ್ರೆ ಡ್ರಗ್ಸ್ ತೆಗೆದುಕೊಂಡಿಲ್ಲ ಎಂದು ಸ್ಪಷ್ಟಪಡಿಸಿದ್ದಾರೆ.

ಡ್ರಗ್ಸ್​ ಪರೀಕ್ಷೆಗೆ ಪಿಎಂ ಮರಿನ್​ ಸಜ್ಜು: ಮರಿನ್ ಅವರ ಸೋಷಿಯಲ್ ಡೆಮಾಕ್ರಟಿಕ್ ಪಕ್ಷದ ಮಿತ್ರ ಮತ್ತು ಸೆಂಟರ್ ಪಾರ್ಟಿ ಎಂಪಿ ಮಿಕ್ಕೊ ಕರ್ನ್ ಅವರು ಪ್ರಧಾನಿ ಸ್ವಯಂಪ್ರೇರಣೆಯಿಂದ ಡ್ರಗ್ ಪರೀಕ್ಷೆಗೆ ಒಳಗಾಗಬೇಕು ಎಂದು ಹೇಳಿದರು. ಬಂದಿರುವ ಮಾಹಿತಿ ಪ್ರಕಾರ ಪಿಎಂ ಮರಿನ್ ಕೂಡ ಈ ಪರೀಕ್ಷೆಗೆ ಒಪ್ಪಿಗೆ ಸೂಚಿಸಿದ್ದಾರೆ. ವರದಿಗಳ ಪ್ರಕಾರ, ಸೋಷಿಯಲ್ ಡೆಮಾಕ್ರಟಿಕ್ ಪಾರ್ಟಿ (SDP) ಸಂಸದ ಇಲ್ಮರಿ ನೂರ್ಮಿನೆನ್ ಮತ್ತು ಫಿನ್ನಿಷ್ ಗಾಯಕಿ ಅಲ್ಮಾ ಕೂಡ ಪಾರ್ಟಿಯಲ್ಲಿ ಭಾಗವಹಿಸಿದ್ದರು. ಆದರೆ, ಈ ವಿಡಿಯೋ ಯಾವಾಗ ಎಂಬುದು ಸ್ಪಷ್ಟವಾಗಿಲ್ಲ.

ವಿಡಿಯೋ ಲೀಕ್ ಆಗಿರುವುದು ದುರದೃಷ್ಟಕರ ಎಂದ ಪಿಎಂ ಮರಿನ್​: 2019 ರಲ್ಲಿ ಫಿನ್‌ಲ್ಯಾಂಡ್‌ನ ಅತ್ಯಂತ ಕಿರಿಯ ಪ್ರಧಾನ ಮಂತ್ರಿಯಾದ ಮರಿನ್, ಇತರ ವ್ಯಕ್ತಿಗಳಂತೆ ನಾನು ನನ್ನ ಬಿಡುವಿನ ವೇಳೆಯನ್ನು ಸ್ನೇಹಿತರೊಂದಿಗೆ ಕಳೆಯುತ್ತೇನೆ. ನಾನು ಯಾವಾಗಲೂ ಇದ್ದ ವ್ಯಕ್ತಿಯಾಗಿ ಉಳಿಯಲು ಉದ್ದೇಶಿಸುತ್ತೇನೆ. ಖಾಸಗಿ ಪಾರ್ಟಿಯಲ್ಲಿ ಭಾಗಿಯಾಗಿ ಸ್ನೇಹಿತರೊಂದಿಗೆ ಮಜಾ ಮಾಡಿದ್ದು ನಿಜ.

ಆ ಖಾಸಗಿ ಪಾರ್ಟಿಯ ವಿಡಿಯೋ ಲೀಕ್ ಆಗಿರುವುದು ದುರದೃಷ್ಟಕರ. ಆಲ್ಕೋಹಾಲ್ ಹೊರತುಪಡಿಸಿ ನಾವು ಯಾವುದೇ ಡ್ರಗ್ಸ್​ ತೆಗೆದುಕೊಂಡಿಲ್ಲ. ನಾವು ಮಾಡುವುದೆಲ್ಲವೂ ಕಾನೂನಿನ ವ್ಯಾಪ್ತಿಯಲ್ಲಿರುತ್ತದೆ. ನಾನು ಯಾವುದೇ ತಪ್ಪು ಮಾಡಿಲ್ಲ ಎಂದು ವಿವರಿಸಿದರು.

ಜಗತ್ತಿನ ಅತ್ಯಂತ ಕಿರಿಯ ಪ್ರಧಾನಿ ಮರಿನ್​: ಪ್ರಧಾನಿ ಮರಿನ್ ಈ ರೀತಿ ಟೀಕೆಗೆ ಒಳಗಾಗುತ್ತಿರುವುದು ಇದೇ ಮೊದಲಲ್ಲ. ಕಳೆದ ವರ್ಷ ಡಿಸೆಂಬರ್‌ನಲ್ಲಿ ಕೋವಿಡ್​ಗೆ ಸೋಂಕಿಗೆ ಮರಿನ್​ ಒಳಗಾಗಿದ್ದರು. ಆದರೂ, ಅವರು ವಾರಾಂತ್ಯದ ಪಾರ್ಟಿಯಲ್ಲಿ ಪಾಲ್ಗೊಂಡಿದ್ದರು ಎಂಬುವುದು ಬೆಳಕಿಗೆ ಬಂದಿತ್ತು. ಈ ವಿಷಯವಾಗಿ ನಂತರ ಸ್ವತಃ ಅವರೇ ಕ್ಷಮೆಯನ್ನೂ ಕೇಳಿದ್ದರು.

ಇನ್ನು, 2019ರಲ್ಲಿ ಫಿನ್​ಲ್ಯಾಂಡ್​ ಪ್ರಧಾನಿ ಹುದ್ದೆಗೇರಿರುವ ಸನ್ನಾ ಮರಿನ್ ವಿಶ್ವದ ಅತಂತ್ಯ ಕಿರಿಯ ಪ್ರಧಾನಿಯ ಎಂಬ ಹೆಗ್ಗಳಿಕೆಯನ್ನು ಹೊಂದಿದ್ದಾರೆ. ತಮ್ಮ 34ನೇ ವಯಸ್ಸಿಗೆ ಮರಿನ್​ ಪ್ರಧಾನಿಯಾಗಿರುವುದು ಗಮನಾರ್ಹ.

ಓದಿ: ಜಗತ್ತಿನ ಅತ್ಯಂತ ಯುವ ಪ್ರಧಾನಿ ಮರಿನ್​ ಅವರ ಪಾರ್ಟಿ ವಿಡಿಯೋ ಲೀಕ್​: ಜನರ ಪ್ರತಿಕ್ರಿಯೆ ಹೇಗಿದೆ?