ಟಾಪ್​ ಗನ್​ ವಿಮಾನ​ ಉತ್ಪಾದನೆ ಸ್ಥಗಿತಗೊಳಿಸಲು ಮುಂದಾದ ಬೋಯಿಂಗ್​

ಟಾಪ್​ ಗನ್​ ಎಂದೇ ಖ್ಯಾತಿ ಪಡೆದಿರುವ ಬೋಯಿಂಗ್​ನ F/A-18 ಸೂಪರ್​ ಹಾರ್ನೆಟ್ ವಿಮಾನ ಉತ್ಪಾದನೆ ಸ್ಥಗಿತಕ್ಕೆ ಬೋಯಿಂಗ್​ ಮುಂದಾಗಿದೆ

ಅರ್ಲಿಂಗಟನ್​ (ಅಮೆರಿಕ): ಯುದ್ಧ ವಿಮಾನಗಳ ತಯಾರಕ ಸಂಸ್ಥೆಯಾಗಿರುವ ಬೋಯಿಂಗ್​ ತನ್ನ ಟಾಪ್​ ಗನ್​ ಖ್ಯಾತಿಯ F/A-18 ಸೂಪರ್​ ಹಾರ್ನೆಟ್​ನ ಯುದ್ದ ವಿಮಾನ ಉತ್ಪಾದನೆಯನ್ನು ಕೊನೆಗೊಳಿಸುವ ನಿರೀಕ್ಷೆ ಇದೆ ಎಂದು ಸಂಸ್ಥೆ ಪ್ರಕಟಿಸಿದೆ. ಅಮೆರಿಕ ನೌಕಪಡೆಯ ಅಂತಿಮ ವಿತರಣೆ ಬಳಿಕ ಈ ಯುದ್ಧ ವಿಮಾನದ ಉತ್ಪಾದನೆ ನಿಲ್ಲಲಿದೆ. ಭಾರತ ಈ ಯುದ್ಧ ವಿಮಾನಗಳಿಗೆ ಆರ್ಡರ್​ ಮಾಡಿದರೆ, ಇದರ ಉತ್ಪಾದನೆಯನ್ನು 2027ರವರೆಗೆ ವಿಸ್ತರಿಸಲಾಗುವುದು ಎಂದು ಸಂಸ್ಥೆ ತಿಳಿಸಿದೆ.

1993ರಲ್ಲಿ ಮೊದಲ ಬಾರಿಗೆ F/A-18 ಹಾರಾಟ ನಡೆಸಿತು. ಮೆಕ್‌ಡೊನೆಲ್ ಡೌಗ್ಲಾಸ್‌ ಈ ವಿಮಾನ ನಿರ್ಮಿಸಿದ್ದು, ಇದನ್ನು 1997ರಂದು ಬೋಯಿಂಗ್​ನೊಂದಿಗೆ ಇದನ್ನು ವಿಲೀನಗೊಳಿಸಲಾಯಿತು. 2,000 ಕ್ಕೂ ಹೆಚ್ಚು ಹಾರ್ನೆಟ್‌ಗಳು, ಸೂಪರ್ ಹಾರ್ನೆಟ್‌ಗಳು ಮತ್ತು ಗ್ರೋಲರ್‌ಗಳನ್ನು ಫಿನ್ಲ್ಯಾಂಡ್, ಆಸ್ಟ್ರೇಲಿಯಾ ಮತ್ತು ಮಲೇಷ್ಯಾ, ಅಮೆರಿಕ ಮಿಲಿಟರಿ ಮತ್ತು ಕೆನಡಾ ಸೇರಿದಂತೆ ಅನೇಕ ಮಿತ್ರರಾಷ್ಟ್ರಗಳಿಗೆ ಪೂರೈಕೆ ಮಾಡಲಾಗಿದೆ. I ವಿಮಾನವು ಗಂಟೆಗೆ 2,485 ಕಿಮೀ ವೇಗವನ್ನು ಹೊಂದಿದೆ ಮತ್ತು ಇಂದಿಗೂ ಅಸಾಧಾರಣ ವೇಗವನ್ನು ಹೊಂದಿದೆ.

ವಿಮಾನ ಸಾಮರ್ಥ್ಯದ ಬಗ್ಗೆ ಅನುಮಾನ: ಇತ್ತೀಚಿನ ದಿನಗಳಲ್ಲಿ ಈ ವಿಮಾನದ ಸಾಮರ್ಥ್ಯದ ಅನುಮಾನ ವ್ಯಕ್ತವಾಗಿತ್ತು. ಕಳೆದ ಹಾರ್ನೆಟ್​ಗೆ ಹೋಲಿಕೆ ಮಾಡಿದರೆ ಇದು ಉತ್ತಮ ಪ್ರದರ್ಶನವನ್ನು ತೋರುತ್ತಿಲ್ಲ ಎಂಬ ಆರೋಪಗಳು ಕೇಳಿ ಬಂದಿತು. 2021ರಲ್ಲಿ ಸೂಪರ್​ ಹಾರ್ನೆಟ್​​ ವಿಮಾನ ಬಿದ್ದ ಬಳಿಕ ಇವನ್ನು ಖರೀದಿ ಮಾಡದಿರಲು ನೌಕಾಯಾನ ನಿರ್ಧರಿಸಿತು. ಇದೀಗ ಪ್ರಯಾಣಿಕ ಮತ್ತು ಸರಕು ಸೇವೆಯಲ್ಲಿ ಬಳಸಲಾಗುತ್ತಿರುವ ಬೋಯಿಂಗ್ ತನ್ನ ಐಕಾನಿಕ್ 747 ಜಂಬೋ ಜೆಟ್‌ನ ವಿತರಿಸಿದ ಬಳಿಕ ಉತ್ಪಾದನೆ ನಿಲ್ಲಿಸಲು ಮುಂದಾಗಿದೆ. ಈ ಮೂಲಕ ತನ್ನ ಅರ್ಧ ಶತಮಾನದ ಸೇವೆಯನ್ನು ಬೋಯಿಂಗ್​ ನಿಲ್ಲಿಸಲಿದೆ.

ಈ ಕುರಿತು ಮಾತನಾಡಿರುವ ಬೋಯಿಂಗ್​​​, F/A-18 ಭವಿಷ್ಯದ ಮಿಲಿಟರಿ ವಿಮಾನಗಳ ಮೇಲೆ ಕೇಂದ್ರೀಕರಿಸಲು ಮತ್ತು ಇತರ ರಕ್ಷಣಾ ಕಾರ್ಯಕ್ರಮಗಳ ಉತ್ಪಾದನೆ ಮೇಲೆ ಗಮನಹರಿಸಿದೆ. F/A-18 ಗಳನ್ನು ಜೋಡಿಸುವ ಸೇಂಟ್ ಲೂಯಿಸ್‌ನಲ್ಲಿ ಮೂರು ಹೊಸ ಸೌಲಭ್ಯಗಳನ್ನು ನಿರ್ಮಿಸಲು ಯೋಜಿಸಿದೆ. ಯುದ್ಧ ವಿಮಾನಗಳನ್ನು ನಿರ್ಮಿಸುವುದು ನಮ್ಮ ಡಿಎನ್‌ಎಯಲ್ಲಿದ್ದು, ನಾವು ಭವಿಷ್ಯಾಕ್ಕಾಗಿ ಯೋಜಿಸುತ್ತಿದ್ದೇವೆ ಎಂದು ಬೋಯಿಂಗ್‌ನ ಏರ್ ಡಾಮಿನೆನ್ಸ್ ವಿಭಾಗದ ಉಪಾಧ್ಯಕ್ಷ ಸ್ಟೀವ್ ನಾರ್ಡ್‌ಲಂಡ್ ಹೇಳಿದ್ದಾರೆ.

ಪ್ಲೀಟ್​ ನವೀಕರಣ ಮುಂದುವರೆಯಲಿದೆ: F/A-18 ಸೂಪರ್ ಹಾರ್ನೆಟ್ಸ್ ಮತ್ತು EA-18G ಗ್ರೋಲರ್‌ಗಳ ಫ್ಲೀಟ್‌ ನವೀಕರಣಗಳನ್ನು ಅಭಿವೃದ್ಧಿಪಡಿಸುವುದನ್ನು ಮುಂದುವರಿಸುವುದಾಗಿ ಕಂಪನಿ ಹೇಳಿದೆ. ಎರಡನೇಯದು ಜೆಟ್‌ನ ವಾಹಕ ಆಧಾರಿತ ಎಲೆಕ್ಟ್ರಾನಿಕ್ ಆವೃತ್ತಿಯಾಗಿದೆ.

ಸೂಪರ್​ ಹಾರ್ನೆಟ್​ ಮೇಲೆ ಬಂದಿದ್ದ ಸಿನಿಮಾ: ಕಳೆದ ವರ್ಷ ಅಂದರೆ 2022ರಲ್ಲಿ ಸೂಪರ್​ ಹಾರ್ನೆಟ್​ ಆಧಾರದ ಮೇಲೆ ಟಾಪ್​ ಗನ್​; ವೇವರಿಕ್​ ಚಿತ್ರವನ್ನು ನಿರ್ಮಿಸಲಾಗಿದೆ. ಟಾಮ್ ಕ್ರೂಸ್ ನೌಕಾಪಡೆಯ ಪೈಲಟ್ ಆಗಿ ಕಾಣಿಸಿಕೊಂಡಿದ್ದು, 1980 ರ ಚಲನಚಿತ್ರದಲ್ಲಿ ತನ್ನ ಪಾತ್ರವನ್ನು ಮರುಕಳಿಸಿದರು. ಜನರಿಂದ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾದ ಈ ಚಿತ್ರ ಕಳೆದ ವರ್ಷದ ಅತಿ ಹೆಚ್ಚು ಗಳಿಕೆಯ ಚಲನಚಿತ್ರಗಳಲ್ಲಿ ಒಂದಾಗಿದೆ

ಇದನ್ನೂ ಓದಿ: ಪ್ರಯಾಣ ವಿಮೆ ನಿಮ್ಮ ಲ್ಯಾಪ್​ಟಾಪ್​​, ಮೊಬೈಲ್​​​​​ ನಷ್ಟವನ್ನು ಒಳಗೊಂಡಿದೆ.. ಟ್ರಾವೆಲ್​​​​​​​ ಇನ್ಶೂರೆನ್ಸ್​ ಏಕೆ ಬೇಕು?