ಲಂಡನ್: ಬ್ರಿಟನ್ ಗೃಹ ಸಚಿವೆ, ಭಾರತೀಯ ಮೂಲದ ಸುಯೆಲ್ಲಾ ರಾಜೀನಾಮೆ ನೀಡಿದ ನಂತರ ಪ್ರಧಾನಿ ಲಿಜ್ ಟ್ರಸ್ಗೆ ಮತ್ತೊಂದು ಹೊಡೆತ ಬಿದ್ದಿದೆ. ಮುಖ್ಯ ಸಚೇತಕ ವೆಂಡಿ ಮಾರ್ಟನ್ ಅವರು ತಮ್ಮ ಸ್ಥಾನಕ್ಕೆ ರಿಸೈನ್ ಮಾಡಿದ್ದಾರೆ.
ಸರ್ಕಾರದ ಮುಖ್ಯ ಸಚೇತಕರಾಗಿರುವ ವೆಂಡಿ ಮಾರ್ಟನ್ ಅವರು, ಉಪ ಸಚೇತಕ ಕ್ರೇಗ್ ವಿಟ್ಟೇಕರ್ ಅವರೊಂದಿಗೆ ರಾಜೀನಾಮೆ ನೀಡಿದ್ದಾರೆ ಎಂದು ವರದಿಯಾಗಿದೆ. ಸಂಸದೆ ವೆಂಡಿ ಮಾರ್ಟನ್ರನ್ನು ಪ್ರಧಾನಿ ಲಿಜ್ ಟ್ರಸ್ ಅವರು ಕೆಲ ದಿನಗಳ ಹಿಂದಷ್ಟೇ ಸರ್ಕಾರದ ಸಚೇತಕರಾಗಿ ನೇಮಕ ಮಾಡಿದ್ದರು.
ಅಧಿಕೃತ ಇ-ಮೇಲ್ ಅನ್ನು ವೈಯಕ್ತಿಕವಾಗಿ ಕಳುಹಿಸಿದ್ದಕ್ಕೆ ಗೃಹ ಸಚಿವೆಯಾಗಿದ್ದ ಸುಯೆಲ್ಲಾ ಅವರು ರಾಜೀನಾಮೆ ನೀಡಿದ್ದರು. ಪ್ರಧಾನಿ ಲಿಜ್ ಟ್ರಸ್ರ ಮೇಲಿರುವ ಅಸಮಾಧಾನಕ್ಕೆ ಸುಯೆಲ್ಲಾ ಅವರು ಸ್ಥಾನ ತೊರೆದಿದ್ದಾರೆ ಎಂದು ಹೇಳಲಾಗಿದೆ.
ಸುಯೆಲ್ಲಾ ಅವರಿಂದ ತೆರವಾದ ಗೃಹ ಮಂತ್ರಿ ಸ್ಥಾನಕ್ಕೆ ಗ್ರಾಂಟ್ ಶಾಪ್ಸ್ ಅವರನ್ನು ಹೊಸ ನೇಮಿಸಲಾಗಿದೆ. ಲಿಜ್ ಟ್ರಸ್ ಅವರು ಸಿರಿವಂತರ ಮೇಲಿನ ತೆರಿಗೆಯನ್ನು ಕಡಿಮೆ ಮಾಡುವುದಾಗಿ ಚುನಾವಣೆಗೂ ಮೊದಲು ಘೋಷಿಸಿದ್ದರು. ಬಳಿಕ ಇದನ್ನು ಪಾಲಿಸದೇ ಇರುವ ಕಾರಣ ಆಡಳಿತ ವಿರೋಧಿ ಅಲೆ ಉಂಟಾಗಿದೆ. ಲಿಜ್ ಟ್ರಸ್ ಅವರು ಭಾರತ ಮೂಲದ ರಿಷಿ ಸುನಕ್ ಅವರನ್ನು ಸೋಲಿಸಿ ಪ್ರಧಾನಿಯಾಗಿದ್ದರು.
ಓದಿ: ವಾರಾಣಸಿ ದೆಹಲಿಯಲ್ಲಿ ಎನ್ಐಎ ದಾಳಿ.. ಐಸಿಸ್ ಮಾಡ್ಯೂಲ್ ಶಂಕಿತನ ಬಂಧನ
