ಹೈದರಾಬಾದ್: ಇಂದಿನ ಡಿಜಿಟಲ್ ಯುಗದಲ್ಲಿ ಜಗತ್ತು ದಿನದಿಂದ ದಿನಕ್ಕೆ ಬಹಳ ವೇಗವಾಗಿ ಬದಲಾಗುತ್ತಿದೆ. ಜಗತ್ತೇ ಒಂದು ಚಿಕ್ಕ ಹಳ್ಳಿಯಾಗಿರುವ ಇಂದಿನ ಸಮಯದಲ್ಲಿ ಪ್ರತಿದಿನವೂ ಹೊಸ ಶಬ್ದಗಳು ಬಳಕೆಗೆ ಬರುತ್ತಿವೆ. ಅದರಂತೆ, ವಿಶ್ವಾದ್ಯಂತ ತಂತ್ರಜ್ಞಾನದಲ್ಲಿ ಬದಲಾವಣೆಗಳಾದಂತೆ ಪ್ರತಿ ವರ್ಷವೂ ಆಕ್ಸ್ಫರ್ಡ್ ಡಿಕ್ಷನರಿಗೆ ಹೊಸ ಶಬ್ದಗಳನ್ನು ಸೇರಿಸಲಾಗುತ್ತಿದೆ. ಹಾಗಾದರೆ 2022 ರಲ್ಲಿ ಟ್ರೆಂಡಿಂಗ್ ಆಗಿರುವ ಹೊಸ ಶಬ್ದಗಳು ಯಾವುವೆಂದು ತಿಳಿಯೋಣ ಬನ್ನಿ..
ನೋಮೋಫೋಬಿಯಾ (Nomophobia): ಮೊಬೈಲ್ ಫೋನ್ ಇಲ್ಲದೇ ಬದುಕಲು ಸಾಧ್ಯವಿಲ್ಲ ಎಂಬ ಭಯ
ಶೇರಂಟ್ (SHARENT): ಸಾಮಾಜಿಕ ಮಾಧ್ಯಮದ ಮೂಲಕ ತಮ್ಮ ಮಕ್ಕಳೊಂದಿಗೆ ನಿಯಮಿತವಾಗಿ ಮಾಹಿತಿಯನ್ನು ಹಂಚಿಕೊಳ್ಳುವ ಪೋಷಕರನ್ನು ಶೇರರ್ ಎಂದು ಕರೆಯಲಾಗುತ್ತದೆ. ಶೇರರ್ ಮತ್ತು ಪೋಷಕ ಸೇರಿದರೆ ಶೇರಂಟ್ ಆಗುತ್ತಾರೆ.
ಫಿನ್‌ಫ್ಲುಯೆನ್ಸರ್ (FINFLUENCER): ಹಣಕಾಸು ಸಂಬಂಧಿತ ವಿಷಯಗಳ ಮೇಲೆ ಪ್ರಭಾವ ಬೀರುವಂಥವನ್ನು ಫಿನ್‌ಫ್ಲುಯೆನ್ಸರ್ ಎಂದು ಕರೆಯುತ್ತಾರೆ.
ಫಿಟ್‌ಸ್ಪಿರೇಶನ್ (FITSPIRATION): ಆರೋಗ್ಯವನ್ನು ಸುಧಾರಿಸುವ ಬಗ್ಗೆ ಅಥವಾ ಫಿಟ್ನೆಸ್ ಬಗ್ಗೆ ಅಥವಾ ಅದರ ಬಗ್ಗೆ ಕಲಿಯುವ ವ್ಯಕ್ತಿ ಅಥವಾ ವಸ್ತುವಿನ ಕುರಿತು ಹೇಳುವಾಗ ಫಿಟ್‌ಸ್ಪಿರೇಷನ್ ಎಂಬ ಪದವನ್ನು ಬಳಸಲಾಗುತ್ತದೆ. ಫಿಟ್ನೆಸ್ ಮತ್ತು ಇನ್ಸಪಿರೇಶನ್ ಪದಗಳಿಂದ ಫಿಟ್‌ಸ್ಪಿರೇಷನ್ ರೂಪುಗೊಂಡಿದೆ.
ಸ್ಟಾನ್ (STAN): ಸೆಲೆಬ್ರಿಟಿಗಳ ಬಗ್ಗೆ ಭಾವೋದ್ರಿಕ್ತನಾಗಿರುವ ವ್ಯಕ್ತಿಯನ್ನು ಸ್ಟಾನ್ ಎನ್ನಲಾಗುತ್ತದೆ.
ಆಸಮೆಸಾಸ್ (AWESOMESAUCE): ಅದ್ಭುತ ಎನ್ನುವುದಕ್ಕಿಂತ ಹೆಚ್ಚಿನದನ್ನು ಅರ್ಥೈಸಲು ಈ ಪದವನ್ನು ಬಳಸಲಾಗುತ್ತದೆ.
ಲೋ-ಕೀ (LOW-KEY): ಯಾವುದೋ ಒಂದು ವಿಷಯವನ್ನು ಇತರರಿಗೆ ಸ್ಪಷ್ಟವಾಗಿ ಹೇಳಬಾರದು ಎಂಬುದನ್ನು ಸೂಚಿಸಲು ವಿಶೇಷಣವಾಗಿ ಬಳಸಲಾಗುತ್ತದೆ. ಅಲ್ಲದೆ, ತಮ್ಮ ಬಗ್ಗೆ ಹೆಮ್ಮೆಪಡಲು ಇಷ್ಟಪಡದ ಜನರ ಬಗ್ಗೆ ಮಾತನಾಡುವಾಗ ಈ ಪದವನ್ನು ಬಳಸಬಹುದು.
ಹ್ಯಾಂಗ್ರಿ (HANGRY): ಈ ಪದವನ್ನು ಹಸಿವಿನಿಂದ ಉಂಟಾಗುವ ಕೋಪ ಮತ್ತು ಹತಾಶೆ ವಿವರಿಸಲು ಬಳಸಲಾಗುತ್ತದೆ.
ಮೆಟಾವರ್ಸ್ (METAVERSE): ಮೆಟಾವರ್ಸ್ ಎಂಬುದು ಒಂದು ವರ್ಚುಯಲ್ ವಿಧಾನವಾಗಿದೆ. ಇದು ಎಲ್ಲ ಬಳಕೆದಾರರನ್ನು ಕಂಪ್ಯೂಟರ್‌ನಲ್ಲಿ ವಾಸ್ತವಿಕವಾಗಿ ಭೇಟಿಯಾಗಲು ಮತ್ತು ಡಿಜಿಟಲ್ ಅವತಾರಗಳೊಂದಿಗೆ ಪರಸ್ಪರ ಸಂವಹನ ನಡೆಸಲು ಅನುಕೂಲ ಕಲ್ಪಿಸುತ್ತದೆ.
ಸಿಚುವೇಶನ್ಶಿಪ್ (SITUATIONSHIP): ಇಬ್ಬರು ವ್ಯಕ್ತಿಗಳ ನಡುವಿನ ಸಂಬಂಧವು ಸ್ನೇಹ ಸಂಬಂಧಕ್ಕಿಂತ ಹೆಚ್ಚು ಮತ್ತು ದಂಪತಿಗಳಿಗಿಂತ ಕಡಿಮೆ ಎಂದು ಹೇಳಲು ಈ ಪದವನ್ನು ಬಳಸಲಾಗುತ್ತದೆ.
ಇದನ್ನು ಓದಿ:ಒಪ್ಪಂದ ಮುರಿದ ಎಲೋನ್ ಮಸ್ಕ್ ವಿರುದ್ಧ ಕಾನೂನು ಸಮರಕ್ಕೆ ಸಜ್ಜಾದ ಟ್ವಿಟರ್‌
