ದುಬೈ: ಸೌದಿ ಅರೇಬಿಯಾದ ತೈಲ ಕಂಪನಿ ಅರಾಮ್ಕೋ ಕಂಪನಿ ಮೌಲ್ಯ 2 ಟ್ರಿಲಿಯನ್ ಡಾಲರ್ಗೆ ತಲುಪಿದೆ. ಈ ಮೂಲಕ ವ್ಯಾಪಾರದಲ್ಲಿ ಹೊಸ ದಾಖಲೆ ನಿರ್ಮಾಣ ಮಾಡಿದೆ.
ಸದ್ಯ ಅರಾಮ್ಕೋ ಮಾರುಕಟ್ಟೆ ಮೌಲ್ಯವು ಮೈಕ್ರೋಸಾಫ್ಟ್ ಹಾಗೂ ಆ್ಯಪಲ್ ಸರಿಸಮವಾಗಿದೆ ಎನ್ನಲಾಗಿದೆ. ಕಚ್ಚಾ ತೈಲ ಬೆಲೆ ಪ್ರತಿ ಬ್ಯಾರೆಲ್ಗೆ 82 ಡಾಲರ್ ತಲುಪುತ್ತಿದ್ದಂತೆ ಇಷ್ಟೊಂದು ಏರಿಕೆ ಕಂಡು ಬಂದಿದೆ ಎಂದು ಹೇಳಲಾಗಿದೆ.
ಇದನ್ನೂ ಓದಿರಿ: 177,000 ವರ್ಷಗಳ ಹಿಂದೆ ಭಾರತದಲ್ಲಿ ಅಚ್ಯುಲಿಯನ್ ಕಲ್ಲಿನ ಟೂಲ್ಕಿಟ್ ಬಳಕೆ: ಅಧ್ಯಯನ
ಕೊರೊನಾ ಮಹಾಮಾರಿ ಹಾಗೂ ಇತರ ಆರ್ಥಿಕ ಸಂಕಷ್ಟದ ಮಧ್ಯೆ ಕೂಡ ತೈಲ ಬೆಲೆ ಬೇಡಿಕೆ ಹೆಚ್ಚಾಗುತ್ತಿರುವ ಕಾರಣ ಅರಾಮ್ಕೋ ಹೆಚ್ಚಿನ ತೈಲ ಮಾರಾಟ ಮಾಡ್ತಿದ್ದು, ಸುಮಾರು 37.6 ರಿಯಾಲ್ಗಳಷ್ಟು ಷೇರು ಸಹ ಹೊಂದಿದೆ. ಕಚ್ಚಾ ತೈಲ ಬೆಲೆಯಲ್ಲಿ ಬೇಡಿಕೆ ಹೆಚ್ಚಾಗುತ್ತಿದ್ದಂತೆ ಷೇರುಗಳು ಕೂಡ ಹೆಚ್ಚಿನ ಬೆಲೆ ಪಡೆದುಕೊಂಡಿವೆ.
ವಾರ್ಷಿಕ ಗಳಿಕೆಯಲ್ಲಿ ಕೆಲವೊಂದು ಏರಿಳಿತದ ಹೊರತಾಗಿ ಕೂಡ ಕಂಪನಿ 2024ರವರೆಗೆ $ 75 ಬಿಲಿಯನ್ ವಾರ್ಷಿಕ ಲಾಭಾಂಶ ಷೇರುದಾರರಿಗೆ ನೀಡುವ ಭರವಸೆ ನೀಡಿದೆ. ಅರಾಮ್ಕೋ ಅತಿ ದೊಡ್ಡ ತೈಲ ಹಾಗೂ ಅನಿಲ ಉತ್ಪನ್ನಗಳನ್ನ ಉತ್ಪಾದನೆ ಮಾಡ್ತಿದ್ದು, ಬೇರೆ ಬೇರೆ ದೇಶಗಳಿಗೆ ತೈಲ ಪೂರೈಕೆ ಮಾಡುತ್ತದೆ.
