ಬಾಗ್ದಾದ್ : ಇರಾಕ್ನ ಸದರ್ ಸಿಟಿಯ ವಹಾಲಿಯತ್ನ ಮಾರುಕಟ್ಟೆಯೊಂದರ ರಸ್ತೆ ಬದಿ ಬಾಂಬ್ ಸ್ಫೋಟ ಸಂಭವಿಸಿದ ಪರಿಣಾಮ 30 ಜನರು ಮೃತಪಟ್ಟು ಹಲವರು ಗಾಯಗೊಂಡ ಘಟನೆ ನಡೆದಿದೆ. ಈ ಬಗ್ಗೆ ಇರಾಕ್ ವೈದ್ಯಕೀಯ ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ.
ಈದುಲ್ ಅಝ್ಹಾ (ಬಕ್ರೀದ್ ಹಬ್ಬ)ಗೆ ಒಂದು ದಿನ ಬಾಕಿ ಇರುವಾಗ ಸ್ಫೋಟ ಸಂಭವಿಸಿದೆ. ಹಬ್ಬದ ಹಿನ್ನೆಲೆ ಮಾರುಕಟ್ಟೆಯಲ್ಲಿ ಹೆಚ್ಚಿನ ಜನ ಜಂಗುಳಿ ಇತ್ತು. ಘಟನೆಯಿಂದ ಮಾರುಕಟ್ಟೆಯ ವಸ್ತುಗಳೆಲ್ಲ ಚೆಲ್ಲಾಪಿಲ್ಲಿಯಾಗಿ ಬಿದ್ದಿದ್ದವು.
ಓದಿ : 950 ತಾಲಿಬಾನ್ ಉಗ್ರರ ಸಾವು, 500 ಮಂದಿಗೆ ಗಾಯ: ಅಫ್ಘಾನ್ ಸೇನೆ ಭರ್ಜರಿ ಕಾರ್ಯಾಚರಣೆ
ಯಾವುದೇ ಭಯೋತ್ಪಾದಕ ಗುಂಪುಗಳು ಇದುವರೆಗೆ ಸ್ಫೋಟದ ಹೊಣೆ ಹೊತ್ತುಕೊಂಡಿಲ್ಲ. ಆದರೆ, ಇಸ್ಲಾಮಿಕ್ ಸ್ಟೇಟ್ ಉಗ್ರರು ಈ ಹಿಂದೆ ಇದೇ ರೀತಿಯ ದಾಳಿಗಳನ್ನು ಮಾಡಿದ್ದಾರೆ.
ಸ್ಫೋಟದ ಬಳಿಕ ಫೆಡರಲ್ ಪೊಲೀಸ್ ರೆಜಿಮೆಂಟ್ ಕಮಾಂಡರ್ ಮೂಲಕ ಮಾರುಕಟ್ಟೆ ಮೇಲೆ ಕಣ್ಗಾವಲು ಇಡಲಾಗಿದೆ ಎಂದು ಇರಾಕ್ ಪ್ರಧಾನಿ ಮುಸ್ತಫಾ ಅಲ್ - ಖಾದಿಮಿ ಹೇಳಿದ್ದಾರೆ. ಪೂರ್ವ ಇರಾಕ್ನಲ್ಲಿ ಈ ವರ್ಷದ ನಡೆದ ಮೂರನೇ ಬಾಂಬ್ ಸ್ಫೋಟ ಇದಾಗಿದೆ.
