ಆಹಾರ ಒದಗಿಸಲಾಗದೇ ಸಾಕಿದ ಸಿಂಹ ಮೃಗಾಲಯಕ್ಕೆ ನೀಡಿದ ಮಾಲೀಕ

ಲಾಕ್​ಡೌನ್​ ಕಾರಣ ತಾನು ಸಾಕಿದ್ದ ಸಿಂಹಕ್ಕೆ ಆಹಾರ ಒದಗಿಸಲು ಸಾಧ್ಯವಾಗದೇ ವ್ಯಕ್ತಿಯೊಬ್ಬ ಮೃಗಾಲಯಕ್ಕೆ ನೀಡಿದ್ದಾನೆ.

ದೋಹುಕ್(ಇರಾಕ್​): ಕೊರೊನಾ ಸಾಂಕ್ರಾಮಿಕದಿಂದ ಲಾಕ್​ಡೌನ್​ ಘೋಷಣೆ ಮಾಡಲಾಗಿದ್ದು, ವ್ಯಕ್ತಿಯೊಬ್ಬ ತಾನು ಸಾಕಿದ್ದ ಸಿಂಹಕ್ಕೆ ಆಹಾರ ಒದಗಿಸಲು ಸಾಧ್ಯವಾಗದೇ ಪ್ರಾಣಿಯನ್ನು ಮೃಗಾಲಯಕ್ಕೆ ನೀಡಿದ್ದಾನೆ.

ಇರಾಕ್​ನ ದೋಹುಕ್​ನಲ್ಲಿ ಕೊರೊನಾ ಸೋಂಕಿನ ಪರಿಣಾಮ ಲಾಕ್​ಡೌನ್​ ಘೋಷಣೆ ಮಾಡಲಾಗಿತ್ತು. ಈ ವೇಳೆ, ಸಿಂಹಕ್ಕೆ ಆಹಾರ ಒದಗಿಸುವುದು ಕಷ್ಟವಾಗಿತ್ತು. ಹೀಗಾಗಿ ನನ್ನ ಕುಟುಂಬ ಮತ್ತು ಸಿಂಹದ ಆರೋಗ್ಯದ ದೃಷ್ಟಿಯಿಂದ ಮೃಗಾಲಯಕ್ಕೆ ನೀಡಬೇಕಾಯಿತು ಎಂದು ಸಿಂಹದ ಮಾಲೀಕ ಮೊಹಮ್ಮದ್ ಅಬ್ದುಲ್​ ಹಮೀದ್ ಹೇಳಿದ್ದಾರೆ.

11 ತಿಂಗಳು ವಯಸ್ಸಿನ ಸಿಂಹಕ್ಕೆ ಸುಲ್ತಾನ್ ಎಂದು ಹೆಸರಿಟ್ಟಿದ್ದು, ತುಂಬಾ ಚಿಕ್ಕ ಮರಿಯಾಗಿದ್ದಾಗ ಸಿಂಹವನ್ನು ಇರಾಕ್​ನಿಂದ ಖರೀದಿಸಿ ತಂದಿದ್ದಾಗಿ ತಿಳಿಸಿದ್ದಾರೆ. ಸದ್ಯ ದೋಹುಕ್​ನಲ್ಲಿ ಕೊರೊನಾ ಸೋಂಕು ಕಡಿಮೆಯಾಗಿದ್ದು, ಲಾಕ್​ಡೌನ್ ತೆರವು ಮಾಡಲಾಗಿದೆ. ಆದರೂ ಸಿಂಹ ಇನ್ನೂ ಮೃಗಾಲಯದಲ್ಲೇ ಇದೆ. ವಾರಕ್ಕೆ 2 ಬಾರಿ ಮೃಗಾಲಯಕ್ಕೆ ಭೇಟಿ ನೀಡಿ ಸುಲ್ತಾನ್​ನನ್ನು ಕಂಡು ಹೋಗುತ್ತೇನೆ ಎಂದು ಅಬ್ದುಲ್​ ಹಮೀದ್​​​ ಹೇಳಿದ್ದಾರೆ.