ಕೀವ್‌( ಉಕ್ರೇನ್): ತಮ್ಮ ದೇಶದ ಮೇಲೆ ನಡೆಸುತ್ತಿರುವ ಯುದ್ಧ ಕುರಿತು ನಿನ್ನೆ ನಡೆದ ಸಂಧಾನದ ಮಾತುಕತೆ ವೇಳೆಯೇ ರಷ್ಯಾ ಹೆಚ್ಚಿನ ಶೆಲ್ ದಾಳಿಗಳನ್ನು ತೀವ್ರಗೊಳಿಸಿದೆ ಎಂದು ಉಕ್ರೇನ್ ಅಧ್ಯಕ್ಷ ವೊಲೊಡಿಮಿರ್ ಝೆಲೆನ್ಸ್ಕಿ ಆರೋಪಿಸಿದ್ದಾರೆ.
ನಿನ್ನೆ ತಡರಾತ್ರಿ ವಿಡಿಯೋವೊಂದನ್ನು ಬಿಡುಗಡೆ ಮಾಡಿರುವ ಅವರು, ನಮ್ಮ ಪ್ರದೇಶ, ನಮ್ಮ ನಗರಗಳ ಮೇಲೆ ಬಾಂಬ್ ದಾಳಿ ಹಾಗೂ ಶೆಲ್ ದಾಳಿಯ ಹಿನ್ನೆಲೆಯಲ್ಲಿ ಮಾತುಕತೆಗಳು ನಡೆಯುತ್ತಿವೆ. ಸಂಧಾನ ಪ್ರಕ್ರಿಯೆಯೊಂದಿಗೆ ಒಂದು ಕಡೆ ಮಾತುಕತೆ ಮತ್ತೊಂದೆಡೆ ಶೆಲ್ ದಾಳಿ ಸ್ಪಷ್ಟವಾಗಿತ್ತು. ಈ ಸರಳ ವಿಧಾನದೊಂದಿಗೆ ನಮ್ಮ ಮೇಲೆ ರಷ್ಯಾ ಒತ್ತಡವನ್ನು ಹಾಕಲು ಪ್ರಯತ್ನಿಸುತ್ತಿದೆ ಎಂದು ನಾನು ನಂಬುತ್ತೇನೆ ಎಂದಿದ್ದಾರೆ.
ಕೆಲ ಗಂಟೆಗಳ ಸಂದಾನದ ಮಾತುಕತೆಗಳ ಬಗ್ಗೆ ಯಾವುದೇ ವಿವರಗಳನ್ನು ನೀಡದ ಝೆಲೆನ್ಸ್ಕಿ, ಒಂದು ಕಡೆ ರಾಕೆಟ್ ಫಿರಂಗಿಗಳಿಂದ ಹೊಡೆದಾಗ ಉಕ್ರೇನ್ ಸುಮ್ಮನೆ ಕೂರಲು ಸಿದ್ಧವಾಗಿಲ್ಲ. ರಾಜಧಾನಿಯಾದ ಕೀವ್‌ ರಷ್ಯಾದ ಪ್ರಮುಖ ಗುರಿಯಾಗಿ ಉಳಿದಿದೆ. ರಷ್ಯಾದ ಪಡೆಗಳು ಖಾರ್ಕೀವ್‌ ನಗರವನ್ನು ರಾಕೆಟ್ ಫಿರಂಗಿ, ಶೆಲ್ ದಾಳಿ ನಡೆಸಿವೆ ಎಂದು ದೂರಿದ್ದಾರೆ.
ಮತ್ತೊಂದೆಡೆ ಸ್ಪೇಸ್‌ಎಕ್ಸ್‌ನ 'ಸ್ಟಾರ್‌ಲಿಂಕ್' ಉಪಗ್ರಹ ಇಂಟರ್ನೆಟ್ ಸೇವೆಯನ್ನು ಬಳಸುವ ಉಪಕರಣಗಳು ತಮ್ಮ ದೇಶಕ್ಕೆ ಬಂದಿವೆ ಎಂದು ಉಕ್ರೇನ್‌ನ ಡಿಜಿಟಲ್ ರೂಪಾಂತರದ ಸಚಿವ ಮೈಖೈಲೊ ಫೆಡೋರೊವ್ ತಿಳಿಸಿದ್ದಾರೆ.
ಈ ಬಗ್ಗೆ ನಿನ್ನೆ ಟ್ವಿಟರ್‌ನಲ್ಲಿ ಮಾಹಿತಿ ಹಂಚಿಕೊಂಡಿರುವ ಫೆಡೋರೊವ್, ಉಪಗ್ರಹ ಇಂಟರ್ನೆಟ್ ಸೇವೆಯ ಉಪಕರಣದ ಪೆಟ್ಟಿಗೆಗಳ ಫೋಟೋವನ್ನು ಷೇರ್‌ ಮಾಡಿ, ಸ್ಪೇಸ್ಎಕ್ಸ್ ಸಂಸ್ಥಾಪಕ ಹಾಗೂ ಜಗತ್ತಿನ ನಂಬರ್‌ ಒನ್‌ ಶ್ರೀಮಂತ ಎಲೋನ್ ಮಸ್ಕ್ ಅವರಿಗೆ ಧನ್ಯವಾದ ಹೇಳಿದ್ದಾರೆ. ಇದಕ್ಕೆ ಮಸ್ಕ್ ತಮ್ಮ ಟ್ವೀಟ್‌ನಲ್ಲಿ ಪ್ರತಿಕ್ರಿಯೆ ನೀಡಿದ್ದು, ನಿಮಗೆ ಅತ್ಯಂತ ಸ್ವಾಗತ ಎಂದಿದ್ದಾರೆ.
-
Starlink — here. Thanks, @elonmusk pic.twitter.com/dZbaYqWYCf
— Mykhailo Fedorov (@FedorovMykhailo) February 28, 2022 " class="align-text-top noRightClick twitterSection" data="
">Starlink — here. Thanks, @elonmusk pic.twitter.com/dZbaYqWYCf
— Mykhailo Fedorov (@FedorovMykhailo) February 28, 2022Starlink — here. Thanks, @elonmusk pic.twitter.com/dZbaYqWYCf
— Mykhailo Fedorov (@FedorovMykhailo) February 28, 2022
ಸ್ಟಾರ್‌ಲಿಂಕ್ ಎಂಬುದು ಉಪಗ್ರಹ ಆಧಾರಿತ ಇಂಟರ್ನೆಟ್ ವ್ಯವಸ್ಥೆಯಾಗಿದ್ದು, ಪ್ರಪಂಚದ ಹಿಂದುಳಿದ ಪ್ರದೇಶಗಳಿಗೆ ಇಂಟರ್ನೆಟ್ ಪ್ರವೇಶವನ್ನು ತರಲು ಸ್ಪೇಸ್ಎಕ್ಸ್ ಇದನ್ನು ಹಲವು ವರ್ಷಗಳಿಂದ ನಿರ್ಮಿಸುತ್ತಿದೆ.
ಇದನ್ನೂ ಓದಿ: ಉಕ್ರೇನ್‌ನಲ್ಲಿ ಸಿಲುಕಿದ್ದ ಭಾರತೀಯರನ್ನು ಹೊತ್ತ ಇನ್ನೂ 3 ವಿಮಾನಗಳು ತಾಯ್ನಾಡಿತ್ತ ಪ್ರಮಾಣ: ಸಚಿವ ಜೈಶಂಕರ್‌
