ಲಂಡನ್ : ಬ್ರೇಕ್ಸಿಟ್ ಒಪ್ಪಂದವನ್ನು ಅಂಗೀಕರಿಸುವ ರಾಣಿ ಎಲಿಜಬೆತ್ II ಅಸೆಂಟ್ ಮಸೂದೆ ಸಂಸತ್ನ ಉಭಯ ಸದನಗಳಲ್ಲಿ ಅನುಮೋದನೆಗೊಳ್ಳುವ ಮೂಲಕ ಯುರೋಪಿಯನ್ ಒಕ್ಕೂಟದಿಂದ ಅಧಿಕೃತವಾಗಿ ಹೊರ ಬರಲು ಯುಕೆ ಸಜ್ಜಾಗಿದೆ.
ಈ ಬಗ್ಗೆ ಪ್ರತಿಕ್ರಿಯಿಸಿರುವ ಇಂಗ್ಲೆಂಡ್ ಪ್ರಧಾನಿ ಬೋರಿಸ್ ಜಾನ್ಸನ್, ಹೊಸ ವರ್ಷಕ್ಕೆ ಇದು ಹೊಸ ಆರಂಭವಾಗಿದೆ ಎಂದಿದ್ದಾರೆ. ಯುರೋಪಿಯನ್ ಯೂನಿಯನ್ (ಫ್ಯೂಚರ್ ರಿಲೇಶನ್‌ಶಿಪ್) ಮಸೂದೆಯನ್ನು ಒಂದೇ ದಿನದಲ್ಲಿ ಅಂಗೀಕರಿಸಿದ್ದಕ್ಕಾಗಿ ಸಂಸದರು ಮತ್ತು ಸಂಪುಟ ಸಹೋದ್ಯೋಗಿಗಳಿಗೆ ಧನ್ಯವಾದ ಅವರು ಹೇಳಿದ್ದಾರೆ.
ಓದಿ : ಕರಾಚಿಯಲ್ಲಿ ದೇವಾಲಯ ಧ್ವಂಸ ಖಂಡಿಸಿ ಪ್ರತಿಭಟನೆ
ಈ ಮಹಾನ್ ದೇಶದ ಹಣೆ ಬರಹ ಈಗ ನಮ್ಮ ಕೈಯಲ್ಲಿ ದೃಢವಾಗಿದೆ. ನಾವು ಈ ಕರ್ತವ್ಯವನ್ನು ಸದುದ್ದೇಶದಿಂದ ಮತ್ತು ಬ್ರಿಟಿಷ್ ಸಾರ್ವಜನಿಕರ ಹಿತಾಸಕ್ತಿಗಳೊಂದಿಗೆ ನಿರ್ವಹಿಸುವುದಾಗಿ ಹೃದಯದಿಂದ ಹೇಳುತ್ತೇವೆ. 31 ಡಿಸೆಂಬರ್ 11 ಗಂಟೆ ನಮ್ಮ ದೇಶದ ಇತಿಹಾಸದಲ್ಲಿ ಹೊಸ ಮೈಲಿಗಲ್ಲಾಗಲಿದೆ ಮತ್ತು ನಮ್ಮ ದೊಡ್ಡ ಮಿತ್ರ ಯುರೋಪಿಯನ್ ಒಕ್ಕೂಟದೊಂದಿಗಿನ ಹೊಸ ಸಂಬಂಧದ ಆರಂಭವಾಗಿದೆ ಎಂದು ಜಾನ್ಸನ್ ಹೇಳಿದ್ದಾರೆ.
2016 ರಲ್ಲಿ ಯುರೋಪಿಯನ್ ಒಕ್ಕೂಟದಿಂದ ಹೊರ ಬರುವ ಬ್ರೇಕ್ಸಿಟ್ ಒಪ್ಪಂದ ಮಾಡಿಕೊಳ್ಳಲಾಯಿತು. ಇದನ್ನು ಅಂಗೀಕರಿಸುವ ಮಸೂದೆ ನಾಲ್ಕೂವರೆ ವರ್ಷಗಳ ಬಳಿಕ ಬ್ರಿಟನ್ ಸಂಸತ್ನಿನಲ್ಲಿ ಅಂಗೀಕಾರವಾಗಿದೆ. ಸಂಸತ್ನ 521 ಸದಸ್ಯರ ಪೈಕಿ 448 ಮತಗಳನ್ನು ಪಡೆಯುವ ಮೂಲಕ ಜಾನ್ಸನ್ ಸರ್ಕಾರದ ಮಸೂದೆ ಅಂಗೀಕಾರವಾಯಿತು. ಈ ಮಸೂದೆಯ ಅಂಗೀಕಾರಾದ ಸಂಬಂಧಪಟ್ಟಂತೆ ಯುಕೆಯ ಮಾಜಿ ಪ್ರಧಾನಿಗಳಾದ ಡೇವಿಡ್ ಕ್ಯಾಮರೋನ್ ಮತ್ತು ಥೆರೆಸಾ ಅಧಿಕಾರಿ ಕಳೆದುಕೊಂಡಿದ್ದರು.
