ಲಂಡನ್: ಭೂಗತದೊರೆ ದಾವೂದ್ ಇಬ್ರಾಹಿಂನ ಡಿ-ಕಂಪನಿಯ ಪ್ರಮುಖನನ್ನು ಅಮೆರಿಕಗೆ ಹಸ್ತಾಂತರ ಮಾಡುವುದನ್ನು ತಡೆಯಲು ಲಂಡನ್ನಲ್ಲಿರುವ ಪಾಕಿಸ್ತಾನಿ ರಾಯಭಾರಿಗಳು ಸಕಲ ಪ್ರಯತ್ನ ನಡೆಸುತ್ತಿದ್ದಾರೆ.
ಲಂಡನ್ನಲ್ಲಿ ಬಂಧಿತನಾಗಿರುವ ಡಿ ಕಂಪನಿಯ ಜಬೀರ್ ಮೋತಿವಾಲನನ್ನು ಅಮೆರಿಕಕ್ಕೆ ಹಸ್ತಾಂತರಿಸಬೇಕೆಂಬ ಯುಎಸ್ ಫೆಡರಲ್ ಬ್ಯೂರೋ ಆಫ್ ಇನ್ವೆಸ್ಟಿಗೇಷನ್ನ ಮನವಿ ಬಗ್ಗೆ ನಿನ್ನೆ ವೆಸ್ಟ್ಮಿನ್ಸ್ಟರ್ ಕೋರ್ಟ್ನಲ್ಲಿ ವಿಚಾರಣೆ ನಡೆಯಿತು. ಕಂಪನಿಯ ವಕೀಲರೊಂದಿಗೆ, ಪಾಕಿಸ್ತಾನಿ ರಾಯಭಾರಿಗಳು ಹಾಜರಿದ್ದು, ಮೋತಿವಾಲಾ ಖಿನ್ನತೆಯಿಂದ ಬಳಲುತ್ತಿರುವ ಕಾರಣ ಅಮೆರಿಕಕ್ಕೆ ಪ್ರಯಾಣಿಸಲಾಗದು ಎಂದು ವಾದಿಸಿದ್ದಾರೆ.
ದಾವೂದ್ ಆಪ್ತನಾಗಿರುವ ಮೋತಿವಾಲನನ್ನು 2018 ಆಗಸ್ಟ್ನಲ್ಲಿ ಬಂಧಿಸಲಾಗಿತ್ತು. ಅಕ್ರಮ ಹಣ ವರ್ಗಾವಣೆ, ಡ್ರಗ್ ಕಳ್ಳಸಾಗಣೆ, ಭೂಗತ ಅಪರಾಧಗಳ ಪ್ರಕರಣ ಸಂಬಂಧ ಮೋತಿವಾಲಾನ ವಿಚಾರಣೆ ಅಗತ್ಯವೆಂದು ಅಮೆರಿಕ ಮನವಿ ಮಾಡಿತ್ತು. ಈತನು ಪಾಕಿಸ್ತಾನದಲ್ಲಿ ಚಿರಪರಿಚಿತ ಉದ್ಯಮಿಯಾಗಿದ್ದಾನೆ ಎಂದು ಪಾಕ್ ರಾಯಭಾರಿಗಳು ಹೇಳಿಕೊಂಡಿದ್ದಾರೆ.
ಒಂದು ವೇಳೆ ಈತನನ್ನು ಅಮೆರಿಕಕ್ಕೆ ಹಸ್ತಾಂತರ ಮಾಡಿದರೆ, ದಾವೂದ್ನ ಭೂಗತ ಚಟುವಟಿಕೆಗಳು, ಪಾಕಿಸ್ತಾನದ ಗುಪ್ತಚರದೊಂದಿಗೆ ಆತನ ಸಂಬಂಧ ಎಲ್ಲವೂ ಬಯಲಾಗುತ್ತೆ ಎಂಬುದು ರಾಯಭಾರಿಗಳ ಆತಂಕವಾಗಿದೆ. ಇದೇ ಕಾರಣಕ್ಕೆ ಮೋತಿವಾಲನನ್ನು ಅಮೆರಿಕಕ್ಕೆ ಹಸ್ತಾಂತರ ಮಾಡಬಾರದು ಎಂದು ಅವರು ಎಲ್ಲಿಲ್ಲದ ಶ್ರಮ ವಹಿಸುತ್ತಿದ್ದಾರೆ ಎನ್ನಲಾಗಿದೆ.
