ಪ್ಯಾರಿಸ್: ಅಫ್ಘಾನಿಸ್ತಾನದ ಭದ್ರತಾ ವ್ಯವಸ್ಥೆ ದಿನದಿಂದ ದಿನಕ್ಕೆ ತೀರ ಹದಗೆಡುತ್ತಿದೆ. ಈ ಹಿನ್ನೆಲೆಯಲ್ಲಿ ಕಾಬೂಲ್ನಲ್ಲಿ ಸುರಕ್ಷಿತ ವಲಯ ರಚಿಸುವಂತೆ ಕೋರಿ ವಿಶ್ವಸಂಸ್ಥೆ ಭದ್ರತಾ ಮಂಡಳಿಯಲ್ಲಿ ಫ್ರಾನ್ಸ್ ಮತ್ತು ಬ್ರಿಟನ್ ಮನವಿ ಮಾಡಲಿವೆ.
ಪ್ರಸ್ತುತ ಇರಾಕ್‌ಗೆ ಭೇಟಿ ನೀಡಿರುವ ಅಧ್ಯಕ್ಷ ಎಮ್ಯಾನುಯೆಲ್ ಮ್ಯಾಕ್ರನ್ ಈ ಬಗ್ಗೆ ಮಾತನಾಡಿ, ಕಾಬೂಲ್ನಲ್ಲಿ ಸುರಕ್ಷಿತ ವಲಯ ರಚಿಸುವ ಕುರಿತಂತೆ ನಾವು ವಿಶ್ವಸಂಸ್ಥೆ ಭದ್ರತಾ ಮಂಡಳಿಯಲ್ಲಿ ಪ್ರಸ್ತಾಪಿಸಲಿದ್ದೇವೆ ಎಂದು ತಿಳಿಸಿದ್ದಾರೆ.
ಸಾಪ್ತಾಹಿಕ 'ಲೆ ಜರ್ನಲ್ ಡು ಡಿಮಾಂಚೆ'ಗೆ ನೀಡಿದ ವಿಶೇಷ ಸಂದರ್ಶನದಲ್ಲಿ ಮ್ಯಾಕ್ರನ್, ಈ ಕ್ರಮವು ತಾಲಿಬಾನ್ ಮೇಲೆ ಒತ್ತಡವನ್ನೇರುತ್ತದೆ ಎಂದಿದ್ದಾರೆ. ಮಂಗಳವಾರ, ಅಮೆರಿಕ ತನ್ನ ಸೇನೆಯನ್ನು ಸಂಪೂರ್ಣವಾಗಿ ಹಿಂತೆಗೆದುಕೊಂಡ ಬಳಿಕ ಆಫ್ಘನ್ನ ಜನತೆ ಸ್ಥಳಾಂತರದ ವಿಚಾರವಾಗಿ ನಾವು ತಾಲಿಬಾನ್ ಜೊತೆ ಮಾತುಕತೆ ನಡೆಸುತ್ತಿದ್ದೇವೆ ಎಂದು ಮ್ಯಾಕ್ರನ್ ಹೇಳಿದ್ದಾರೆ.
ಇದನ್ನೂ ಓದಿ: ‘ಐಸಿಸ್’ ಗುರಿಯಾಗಿಸಿ ಅಮೆರಿಕ ಸೇನೆ ದಾಳಿ: ನಾವು ಯಶಸ್ವಿಯಾಗಿದ್ದೇವೆ ಎಂದ ಬಿಲ್ ಅರ್ಬನ್
ಅಫ್ಘಾನಿಸ್ತಾನದಿಂದ ಫ್ರಾನ್ಸ್ ಈವರೆಗೆ 2,834 ಜನರನ್ನು ಸ್ಥಳಾಂತರಿಸಿದೆ. ಬ್ರಿಟನ್ ಶನಿವಾರ ತನ್ನ ಕಾರ್ಯಾಚರಣೆಯನ್ನು ಕೊನೆಗೊಳಿಸಿತ್ತು.
