ಬರ್ಲಿನ್: ಮ್ಯೂನಿಚ್‌ನ ಜನನಿಬಿಡ ಪ್ರದೇಶದಲ್ಲಿನ ರೈಲು ಮಾರ್ಗದ ಪಕ್ಕದ ನಿರ್ಮಾಣ ಸ್ಥಳದಲ್ಲಿ ಎರಡನೇ ಮಹಾಯುದ್ಧದ ಬಾಂಬ್ ಸ್ಫೋಟಗೊಂಡಿದೆ. ಘಟನೆಯಲ್ಲಿ ಮೂವರು ಗಾಯಗೊಂಡಿದ್ದಾರೆ. ಅವರಲ್ಲಿ ಒಬ್ಬರು ಸ್ಥಿತಿ ಗಂಭೀರವಾಗಿದೆ ಎಂದು ಜರ್ಮನ್ ಪೊಲೀಸರು ತಿಳಿಸಿದ್ದಾರೆ.
ಡೊನ್ನರ್ಸ್‌ಬರ್ಗರ್ ಬ್ರೂಕೆ ನಿಲ್ದಾಣದ ಬಳಿಯಿರುವ ಸೈಟ್ನಲ್ಲಿ ಬಾಂಬ್ ಸ್ಫೋಟಗೊಂಡಿದ್ದು, ಆ ಪ್ರದೇಶ ದಟ್ಟವಾದ ಹೊಗೆಯಿಂದ ಆವೃತಗೊಂಡಿದೆ. ಜರ್ಮನಿಯ ರಾಷ್ಟ್ರೀಯ ರೈಲ್ವೆಯಿಂದ ನಡೆಸಲ್ಪಡುವ ನಿರ್ಮಾಣ ಸ್ಥಳವು ಮ್ಯೂನಿಚ್‌ನ ಕೇಂದ್ರ ನಿಲ್ದಾಣದ ಸಮೀಪದಲ್ಲಿದೆ. ಘಟನೆ ಹಿನ್ನೆಲೆಯಲ್ಲಿ ಜರ್ಮನಿಗೆ ತೆರಳುವ ರೈಲುಗಳನ್ನು ಸ್ಥಗಿತಗೊಳಿಸಲಾಗಿದೆ.
ಎರಡನೇ ಮಾಹಾಯುದ್ಧ ನಡೆದು ಸುಮಾರು 76 ವರ್ಷಗಳು ಕಳೆದರೂ ಜರ್ಮನಿಯಲ್ಲಿ ಸ್ಫೋಟಗೊಳ್ಳದ ಬಾಂಬ್ಗಳು ಪತ್ತೆಯಾಗುತ್ತಿದ್ದು, ಆಗಾಗ ಕಾಮಗಾರಿ ಕೆಲಸಗಳು ನಡೆಯುವ ಸ್ಥಳಗಳಲ್ಲಿ ಕಂಡು ಬರುತ್ತಿವೆ.
ಸ್ಫೋಟಗೊಳ್ಳದ ಬಾಂಬ್ಗಳು ಪತ್ತೆಯಾಗುತ್ತಿರುವ ಬೆನ್ನಲ್ಲೆ ಸೆಂಟ್ರಲ್ ಮ್ಯೂನಿಚ್‌ನಲ್ಲಿರುವ ಸೈಟ್‌ಗಳನ್ನು ಎಚ್ಚರಿಕೆಯಿಂದ ಸ್ಕ್ಯಾನ್ ಮಾಡಲಾಗುತ್ತದೆ ಎಂದು ತಿಳಿದು ಬಂದಿದೆ.
ಇದನ್ನೂ ಓದಿ: ಬೂಸ್ಟರ್ ಡೋಸ್ ನೀಡಲು ಕೋವಿಶೀಲ್ಡ್ಗೆ ಅನುಮತಿ ನೀಡಿ: ಸೀರಂ ಸಂಸ್ಥೆಯಿಂದ ಡಿಸಿಜಿಐಗೆ ಪತ್ರ
