ಕೀವ್(ಉಕ್ರೇನ್): ಉಕ್ರೇನ್ ಮೇಲೆ ಬಿಡುವಿಲ್ಲದಂತೆ ದಾಳಿ ಮಾಡುತ್ತಿರುವ ರಷ್ಯಾ ಅಲ್ಲಿನ ನಾಗರಿಕರನ್ನು ಗುರಿಯಾಗಿಸಿಕೊಂಡು ಬಾಂಬ್ ಹಾಕುತ್ತಿದೆ ಎಂಬ ಆರೋಪ ಕೇಳಿಬಂದಿದೆ. ಅದರಂತೆ ಉಕ್ರೇನ್ನಲ್ಲಿ ಇಲ್ಲಿಯವರೆಗೂ ಕನಿಷ್ಠ 816 ನಾಗರಿಕರು ಹತರಾಗಿ, 1333 ಜನರು ಗಾಯಗೊಂಡಿದ್ದಾರೆ ಎಂದು ವಿಶ್ವಸಂಸ್ಥೆ ಅಂದಾಜಿಸಿದೆ.
ರಷ್ಯಾದ ವಾಯುದಾಳಿ ಮೂಲಗಳಾದ ಕ್ಷಿಪಣಿ, ಶೆಲ್, ಬಹು ಉಡಾವಣಾ ರಾಕೆಟ್ಗಳ ದಾಳಿಯಿಂದಾಗಿ ಉಕ್ರೇನ್ನಲ್ಲಿ ಭಾರಿ ಅನಾಹುತ ಉಂಟಾಗಿದೆ. ಇದು ಅಲ್ಲಿನ ನಾಗರಿಕರನ್ನೂ ಬಲಿ ತೆಗೆದುಕೊಂಡಿದೆ. ಇದು ಉಕ್ರೇನ್ನಲ್ಲಿ ಭೀಕರತೆ ಸೃಷ್ಟಿಯಾಗಲು ಬಹು ಮುಖ್ಯ ಕಾರಣ ಎಂದು ವಿಶ್ವಸಂಸ್ಥೆಯ ಒಎಚ್ಸಿಎಚ್ಆರ್ ತಂಡ ತಿಳಿಸಿದೆ.
ರಷ್ಯಾದ ದಾಳಿಯಿಂದಾದ ಜೀವಹಾನಿಯ ಬಗ್ಗೆ ನಿಖರ ಮಾಹಿತಿ ಕಲೆ ಹಾಕಲು ಸಾಧ್ಯವಾಗುತ್ತಿಲ್ಲ. ಮಾರಿಯುಪೋಲ್ನಂತಹ ಅತಿ ಭೀಕರ ದಾಳಿಗೆ ತುತ್ತಾದ ಪ್ರದೇಶಗಳಿಂದ ನಿಖರ ಮಾಹಿತಿ ಲಭ್ಯವಾಗುತ್ತಿಲ್ಲ. ಅಲ್ಲದೇ ಈ ಭಾಗದಲ್ಲಿ ಊಹಿಸಲಾಗದಷ್ಟು ಹಾನಿ ಉಂಟಾಗಿರುವ ಸಾಧ್ಯತೆ ಇದೆ ಎಂದು ಉಕ್ರೇನ್ ಮೇಲೆ ನಿಗಾ ಇಟ್ಟಿರುವ ವಿಶ್ವಸಂಸ್ಥೆಯ ಒಎಚ್ಸಿಎಚ್ಆರ್ ತಂಡ ತಿಳಿಸಿದೆ.
ಇದನ್ನೂ ಓದಿ: ರಷ್ಯಾ-ಉಕ್ರೇನ್ ಯುದ್ಧ: ರಾಜಧಾನಿ ಕೀವ್ ಸಮೀಪವೇ ಕ್ಷಿಪಣಿ ದಾಳಿ, ವಸತಿ ಪ್ರದೇಶಗಳಲ್ಲಿ ಜೀವ ಭೀತಿ
