ಸಿಂಗಾಪುರ್ : ಪ್ರಯೋಗಾಲಯದಲ್ಲಿ ಚಿಕನ್ ಉತ್ಪಾದನೆ ಮಾಡುವುದರಲ್ಲಿ ಸಿಂಗಾಪುರ್ ಯಶಸ್ವಿಯಾಗಿದ್ದು, ರಾಷ್ಟ್ರೀಯ ಆಹಾರ ಸಂಸ್ಥೆ ಆ ಕೋಳಿ ಮಾಂಸ ಸೇವನೆ ಸುರಕ್ಷಿತವಾಗಿದೆ ಎಂದು ಅನುಮೋದನೆ ನೀಡಿದೆ ಎಂದು ಸ್ಟ್ರೇಟ್ ಟೈಮ್ಸ್ ವರದಿ ಮಾಡಿದೆ.
ಪ್ರಾಣಿ ಬಲಿಯಿಂದ ಅಲ್ಲದೇ ನೈಸರ್ಗಿಕ ಪ್ರಕ್ರಿಯೆ ಮೂಲಕ ಕೋಶಗಳನ್ನು ಉತ್ಪಾದಿಸುವ ವಿಧಾನದಲ್ಲಿ ಚಿಕನ್ ಉತ್ಪಾದನೆ ಮಾಡಲಾಗುತ್ತದೆ. ಕ್ಯಾಲಿಫೋರ್ನಿಯಾದ ಫುಡ್ ಸ್ಟಾರ್ಟ್ ಅಪ್ ಆದ ಈಟ್ ಜಸ್ಟ್ ಮೊದಲ ಬಾರಿಗೆ ಈ ರೀತಿಯ ಆಹಾರಕ್ಕೆ ಒಪ್ಪಿಗೆ ನೀಡಿದೆ.
ಪ್ರಯೋಗಾಲಯದಲ್ಲಿ ಉತ್ಪಾದನೆಯಾದ ನೈಸರ್ಗಿಕ ಚಿಕನ್ ಅನ್ನು ಸಿಂಗಾಪುರ್ನಲ್ಲಿಯೇ ಉತ್ಪಾದನೆ ಮಾಡಲಾಗುತ್ತದೆ ಎಂದು ಈಟ್ ಜಸ್ಟ್ನ ಸಿಇಒ ಜೋಶ್ ಟೆಕ್ರಿಕ್ ಸ್ಟ್ರೇಟ್ ಟೈಮ್ಸ್ ನೀಡಿದ ಹೇಳಿಕೆಯಲ್ಲಿ ಸ್ಪಷ್ಟನೆ ನೀಡಿದ್ದಾರೆ.
ಕೆಲವೇ ದಿನಗಳಲ್ಲಿ ಈ ಮಾಂಸವನ್ನು ರೆಸ್ಟೋರೆಂಟ್ಗಳಲ್ಲಿ ಗ್ರಾಹಕರಿಗೆ ಒದಗಿಸಲಾಗುತ್ತದೆ. ಆ ದಿನಗಳು ತುಂಬಾ ಹತ್ತಿರವಾಗುತ್ತಿವೆ ಎಂದು ಜೋಶ್ ಟೆಕ್ರಿಕ್ ಮಾಹಿತಿ ನೀಡಿದ್ದಾರೆ. ಇದರ ಜೊತೆಗೆ ಸಾಮಾನ್ಯ ಕೋಳಿ ಮಾಂಸಕ್ಕಿಂತ ಬೆಲೆ ಅಧಿಕವಾಗಿರಲಿದ್ದು, ಉತ್ಪಾದನೆ ಹೆಚ್ಚಾಗುತ್ತಿದ್ದಂತೆ ಬೆಲೆಯೂ ಕಡಿಮೆಯಾಗಲಿದೆ ಎಂದು ಭರವಸೆ ವ್ಯಕ್ತಪಡಿಸಿದ್ದಾರೆ.
