ಬೀಜಿಂಗ್(ಚೀನಾ) : ಕೊರೊನಾ ವೈರಸ್ನ ಹೊಡೆತದಿಂದಾಗಿ ಬೇಡಿಕೆ ಮತ್ತು ಪೂರೈಕೆ ನಡುವೆ ಅಡೆತಡೆ ಉಂಟಾದ ಕಾರಣದಿಂದಾಗಿ ನವೆಂಬರ್ನಲ್ಲಿ ಚೀನಾದ ಆರ್ಥಿಕತೆ ನಿಧಾನಗತಿಯ ವೇಗಕ್ಕೆ ಸಿಲುಕಿದೆ ಎಂದು ಬುಧವಾರ ವರದಿಯಾಗಿದೆ.
ಚೀನಾದಲ್ಲಿ ಚಿಲ್ಲರೆ ಮಾರಾಟ ಸಹ ಅಕ್ಟೋಬರ್ನಲ್ಲಿ ದುರ್ಬಲವಾಗಿದೆ. ಕಠಿಣ ಮಿತಿಗಳ ಕಾರಣದಿಂದ ವ್ಯಾಪಾರ ವಲಯ ತೀವ್ರ ಸಂಕಷ್ಟ ಎದುರಿಸಿ ಮಾರಾಟ ಕುಗ್ಗಿದ್ದಲ್ಲದೆ ಹಣದುಬ್ಬರ ಹೆಚ್ಚಾಗಿದೆ ಎಂದು ವರದಿಯಾಗಿದೆ.
ಫೆಬ್ರವರಿ 4 ರಿಂದ 20ರವರೆಗೆ ವಿಂಟರ್ ಒಲಿಂಪಿಕ್ಸ್ ಚೀನಾದಲ್ಲಿ ನಡೆಯಲಿದೆ. ಆರ್ಥಿಕ ಸ್ಥಿತಿಯ ಮೇಲೆ ಒಟ್ಟಾರೆಯಾಗಿ ಸೀಮಿತ ಪರಿಣಾಮ ಬೀರಬಹುದು ಎಂದು ನ್ಯಾಷನಲ್ ಬ್ಯೂರೋ ಆಫ್ ಸ್ಟ್ಯಾಟಿಸ್ಟಿಕ್ಸ್ ವಕ್ತಾರ ಫು ಲಿಂಗುಯಿ ಅಭಿಪ್ರಾಯಪಟ್ಟಿದ್ದಾರೆ. ಏಕೆಂದರೆ, ಈ ವೇಳೆ ಸಹ ಕೊರೊನಾ ನಿರ್ಬಂಧಗಳು ಇತರೆ ಕಾರ್ಯ ಚಟುವಟಿಕೆಯನ್ನ ಸೀಮಿತಗೊಳಿಸಲಿವೆ ಎಂದು ಅವರು ಹೇಳಿದ್ದಾರೆ.
ಕೊರೊನಾ ವಿರುದ್ಧ ಯಶಸ್ವಿಯಾಗಿ ಹೋರಾಟ ಮಾಡಿದ್ದೇವೆ ಎಂದು ಕಮ್ಯುನಿಸ್ಟ್ ಸರ್ಕಾರ ಘೋಷಿಸುತ್ತಿರುವ ಬೆನ್ನಲ್ಲೇ ಹೊಸ ರೂಪಾಂತರಿ ಪ್ರಕರಣಗಳು ದೃಢವಾಗುತ್ತಿವೆ. ಈ ನಡುವೆ ಆರ್ಥಿಕತೆಯು ಜುಲೈ-ಸೆಪ್ಟೆಂಬರ್‌ನಲ್ಲಿ ಅನಿರೀಕ್ಷಿತವಾಗಿ ಶೇ.4.9ರಷ್ಟು ಕೆಳಗೆ ಕುಸಿದಿದೆ. ಇದು ಕಳೆದ ಏಪ್ರಿಲ್-ಜೂನ್‌ನಲ್ಲಿ ಶೇ.7.9ರಷ್ಟಕ್ಕೆ ತಲುಪಿತ್ತು.
ನವೆಂಬರ್ನಲ್ಲಿ ಚಿಲ್ಲರೆ ಮಾರಾಟವು ಹಿಂದಿನ ವರ್ಷಕ್ಕಿಂತ ಶೇ.3.9ರಷ್ಟು ಇಳಿಕೆ ಕಂಡಿದೆ. ಹಿಂದಿನ ತಿಂಗಳು ಈ ದರವು ಶೇ.4ರಷ್ಟಿತ್ತು ಎಂದು ವರದಿಯಾಗಿದೆ. ಆದರೆ, ಕೈಗಾರಿಕಾ ಉತ್ಪಾದನೆಯೂ ಅಕ್ಟೋಬರ್ ತಿಂಗಳಲ್ಲಿ ಶೇ.3.5ರಷ್ಟಿತ್ತು. ಈ ಪ್ರಮಾಣ ನವೆಂಬರ್ನಲ್ಲಿ 3.8ಕ್ಕೆ ಏರಿಕೆಯಾಗಿದೆ.
ಇದನ್ನೂ ಓದಿ: ಸ್ಪೇಸ್ ಎಕ್ಸ್, ಟೆಸ್ಲಾ ಸಿಇಒ ಎಲಾನ್ ಮಸ್ಕ್ ಟೈಮ್ ನಿಯತಕಾಲಿಕೆಯ 'ವರ್ಷದ ವ್ಯಕ್ತಿ'
