ಪಾಕ್​ ಖಾಸಗಿ ವಾಹಿನಿಗಳಲ್ಲಿ ಭಾರತೀಯ ಸಿನಿಮಾ ಪ್ರಸಾರ ಸಂಪೂರ್ಣ ಬ್ಯಾನ್!

ಭಾರತೀಯ ವಾಹಿನಿಗಳು ಪಾಕಿಸ್ತಾನದಲ್ಲಿ ಪ್ರಸಾರವಾಗಬಾರದು ಎನ್ನುವ ಅರ್ಜಿ ವಿಚಾರಣೆ ನಡೆಸಿದ ಜಸ್ಟೀಸ್ ಗುಲ್ಜಾರ್ ಅಹಮದ್ ನೇತೃತ್ವದ ತ್ರಿಸದಸ್ಯ ಪೀಠ ಈ ಆದೇಶ ನೀಡಿದೆ.

ಇಸ್ಲಾಮಾಬಾದ್: ಭಾರತೀಯ ಸಿನಿಮಾಗಳ ಪ್ರದರ್ಶನ ಸಂಪೂರ್ಣವಾಗಿ ಬ್ಯಾನ್ ಮಾಡಿ ಪಾಕ್ ಸುಪ್ರೀಂ ಕೋರ್ಟ್​ ಹೊಸ ಆದೇಶ ಹೊರಡಿಸಿದೆ.

ಗಡಿಯಲ್ಲಿ ಪರಿಸ್ಥಿತಿ ಇನ್ನೂ ಬೂದಿ ಮುಚ್ಚಿದ ಕೆಂಡದಂತಿದ್ದು, ಪಾಕ್ ಸರ್ವೋಚ್ಚ ನ್ಯಾಯಾಲಯ ಪಾಕಿಸ್ತಾನದ ಖಾಸಗಿ ವಾಹಿನಿಗಳಲ್ಲಿ ಭಾರತೀಯ ಸಿನಿಮಾ ಹಾಗೂ ಟಿವಿ ಶೋ ಪ್ರಸಾರವನ್ನು ನಿಷೇಧಿಸಿದೆ.

2006ರಲ್ಲಿ ಲಾಹೋರ್ ಹೈಕೋರ್ಟ್​ ಶೇ. 10ರಷ್ಟು ವಿದೇಶಿ ವಿಚಾರಗಳನ್ನು ಪಾಕ್ ಖಾಸಗಿ ವಾಹಿನಿಗಳು ಪ್ರಸಾರ ಮಾಡಬಹುದು ಎಂದು ತೀರ್ಪು ನೀಡಿತ್ತು. ಇದನ್ನು ಪ್ರಶ್ನಿಸಿ ಸದ್ಯ ಅರ್ಜಿ ಸಲ್ಲಿಕೆಯಾಗಿತ್ತು.