ಬಾಗ್ದಾದ್‌ : ಕಳೆದ ವರ್ಷ ಇಬ್ಬರು ಪತ್ರಕರ್ತರನ್ನು ಹತ್ಯೆಗೈದ ಆರೋಪ ಪ್ರಕರಣಕ್ಕೆ ಸಂಬಂಧಿಸಿದಂತೆ ಇರಾಕ್‌ ಸುಪ್ರೀಂಕೋರ್ಟ್ ಆರೋಪಿಗೆ ಮರಣದಂಡನೆ ಶಿಕ್ಷೆ ವಿಧಿಸಿ ಆದೇಶ ಹೊರಡಿಸಿದೆ.
ಅಪರಾಧಿ ಹಮ್ಜಾ ಕದಿಮ್ ಅಲ್-ಐದಾನಿಗೆ ಮರಣದಂಡನೆ ಶಿಕ್ಷೆ ವಿಧಿಸಲಾಗಿದೆ. ಜನವರಿ 10, 2020ರಂದು ಪೊಲೀಸ್ ಠಾಣೆಯ ಬಳಿ ಕಾರು ನಿಲ್ಲಿಸಿಕೊಂಡು ನಿಂತಿದ್ದ ಟಿವಿ ವರದಿಗಾರ ಅಹ್ಮದ್ ಅಬ್ದುಲ್ ಸಮದ್ ಮತ್ತು ಕ್ಯಾಮರಾಮನ್ ಸಫಾ ಘಾಲಿ ಅವರನ್ನು ಗುಂಡು ಹಾರಿಸಿ ಕೊಲೆ ಮಾಡಲಾಗಿತ್ತು. ಈ ಹಿನ್ನೆಲೆ ಅಕ್ಟೋಬರ್ 2019ರ ಅಂತ್ಯದಲ್ಲಿ ಇರಾಕ್‌ನಲ್ಲಿ ಪ್ರತಿಭಟನೆ ಭುಗಿಲೆದ್ದಿತ್ತು.
ಇನ್ನು ಪತ್ರಕರ್ತರ ಹತ್ಯೆ ಪ್ರಕರಣದಲ್ಲಿ ಶಿಕ್ಷೆಗೊಳಗಾದ ಹಮ್ಜಾ ಕದಿಮ್ ಅಲ್-ಐದಾನಿ ತನ್ನ ಅಪರಾಧಗಳನ್ನು ಒಪ್ಪಿಕೊಂಡಿದ್ದಾನೆ ಎಂದು ಬಸ್ರಾ ನ್ಯಾಯಾಲಯ ತಿಳಿಸಿದೆ. ಆದರೆ, ಈತ ಯಾವ ಉಗ್ರಗಾಮಿ ಅಥವಾ ಇತರ ಗುಂಪುಗಳೊಂದಿಗೆ ಸಂಬಂಧ ಹೊಂದಿರುವ ಬಗ್ಗೆ ನ್ಯಾಯಾಲಯ ಯಾವುದೇ ವಿವರ ಒದಗಿಸಿಲ್ಲ.
