ನವದೆಹಲಿ: ಇತ್ತೀಚೆಗೆ ಐಸಿಸ್-ಕೆ ಸಂಘಟನೆಯ ಓರ್ವ ಕಮಾಂಡರ್ ಕಾಬೂಲ್ನ ಟಿವಿ ಸಂದರ್ಶನವೊಂದರಲ್ಲಿ ಹೇಳಿಕೆಯೊಂದು ವೈರಲ್ ಆಗಿತ್ತು. ಆತ್ಮಾಹುತಿ ದಾಳಿಗೆ ಸಂಬಂಧಿಸಿದಂತೆ ಮಾತನಾಡಿದ್ದ ಕಮಾಂಡರ್ ತಾನು 600 ಮಂದಿಯನ್ನು ಒಳಗೊಂಡ ಸದಸ್ಯರ ಗುಂಪನ್ನು ಮುನ್ನಡೆಸುತ್ತಿರುವುದಾಗಿ ಹೇಳಿಕೆ ನೀಡಿದ್ದನು.
ಇದೇ ವೇಳೆ, ತನ್ನ ಸಂಘಟನೆಯಲ್ಲಿ ಭಾರತದವರು, ಪಾಕಿಸ್ತಾನಿಯರು ಮತ್ತು ಮಧ್ಯ ಏಷಿಯಾದ ಇರುವುದಾಗಿ ಹೇಳಿದ್ದನು. ಅದರಲ್ಲೂ ಹೆಚ್ಚಿನ ಮಂದಿ ಭಾರತೀಯರು ಇರುವುದಾಗಿ ಆ ಕಮಾಂಡರ್ ಮಾಹಿತಿ ನೀಡಿದ್ದನು.
ಭಾರತೀಯರು ಪಾಕಿಸ್ತಾನ ಮತ್ತು ಸೆಂಟ್ರಲ್ ಏಷಿಯಾದವರ ಮನಸ್ಥಿತಿಯನ್ನೇ ಹೊಂದಿದ್ದಾರೆ. ಹೆಚ್ಚಿನ ಸಂಖ್ಯೆಯಲ್ಲಿ ಭಾರತೀಯ ನಮ್ಮ ಸಂಘಟನೆಯಲ್ಲಿದ್ದಾರೆ. ಈ ಬಗ್ಗೆ ಹೆಚ್ಚಿನ ಮಾಹಿತಿ ಭಾರತದ ಸರ್ಕಾರದ ಬಳಿ ಇಲ್ಲ ಎಂದು ಕಮಾಂಡರ್ ಹೇಳಿದ್ದನು.
ತಾಲಿಬಾನ್ಗೆ ಹೋಲಿಸಿದರೆ, ಐಸಿಸ್ ಅತ್ಯಂತ ಶಿಸ್ತಿನ ಮತ್ತು ತೀವ್ರವಾದ ಕಟ್ಟುನಿಟ್ಟಿನ ಇಸ್ಲಾಂ ಧರ್ಮವನ್ನು ಪಾಲಿಸುತ್ತಿದೆ. ಐಸಿಸ್ನ ಅಂಗವಾದ ಐಎಸ್ - ಕೆ ಕಾಬೂಲ್ನ ಹಮೀದ್ ಕರ್ಜೈ ಇಂಟರ್ನ್ಯಾಷನಲ್ ಏರ್ಪೋರ್ಟ್ನ ಸ್ಫೋಟದ ಹೊಣೆ ಹೊತ್ತಿದೆ.
ಹಿಂದಿನ ವರ್ಷ ಕಾಬೂಲ್ನಲ್ಲಿರುವ ಆಫ್ಘನ್ ಇನ್ಸ್ಟಿಟ್ಯೂಟ್ ಫಾರ್ ಸ್ಟ್ರಾಟೆಜಿಕ್ ಸ್ಟಡೀಸ್ (ಎಐಎಸ್ಎಸ್) ಒಂದು ಗಂಭೀರ ಮಾಹಿತಿ ಹೊರಹಾಕಿತ್ತು. ಈ ಮಾಹಿತಿಯ ಪ್ರಕಾರ ಭಾರತದ ಪಂಜಾಬ್ನ ಐಟಿ ತಜ್ಞರು ಐಎಸ್ -ಕೆ ಸಂಘಟನೆಗೆ ಸೇರ್ಪಡೆಯಾಗಿದ್ದರು.
ಈ ವರದಿಯಲ್ಲಿ ಹಣಕ್ಕಾಗಿ ಭಾರತದ ಪಂಜಾಬ್ನ ಓರ್ವ ಐಟಿ ಉದ್ಯೋಗಿ ತನ್ನ ಕೆಲಸ ತೊರೆದು, ಐಎಸ್ - ಕೆ ಉಗ್ರ ಸಂಘಟನೆಗೆ ಸೇರ್ಪಡೆಯಾಗಿದ್ದನು ಎಂದು ಓರ್ವ ಮಹಿಳೆಯ ತನ್ನ ಪತಿಯ ಕುರಿತು ಹೇಳಿಕೊಂಡಿದ್ದಳು.
ಆದರೆ, ಭಾರತದ ಅಧಿಕೃತ ದಾಖಲೆಗಳ ಪ್ರಕಾರ, ಪಂಜಾಬ್ನಿಂದ ಐಎಸ್ - ಕೆ ಸಂಘಟನೆಗೆ ಕೆಲಸ ಮಾಡುತ್ತಿದ್ದ ಓರ್ವ ಐಟಿ ಉದ್ಯೋಗಿಯೂ ಕೂಡಾ ಇರಲಿಲ್ಲ. ಐಎಸ್-ಕೆ ಒಂದು ತಿಂಗಳಿಗೆ 500 ಡಾಲರ್ ( 30 ಸಾವಿರ ರೂಪಾಯಿ) ವೇತನ ನೀಡುತ್ತಿತ್ತು. ಇದರ ಜೊತೆಗೆ ಭಾರತದಿಂದ ಹೊಸದಾಗಿ ಸಂಘಟನೆಗೆ ಸೇರ್ಪಡೆಯಾದವರಿಗೆ ಲ್ಯಾಪ್ಟಾಪ್ ನೀಡುತ್ತಿತ್ತು.
ಈ ವೇತನ ಮತ್ತು ಸೌಲಭ್ಯ ಭಾರತೀಯರು ಸ್ವಲ್ಪ ಮಟ್ಟಿಗೆ ಐಎಸ್-ಕೆ ಸಂಘಟನೆಯತ್ತ ಒಲವು ತೊರಲು ಕಾರಣವಾಗಿದೆ ಎನ್ನಲಾಗಿದೆ. ಇದರಿಂದಾಗಿ ಭಾರತ ಅಂದುಕೊಂಡ ಸಂಖ್ಯೆಗಿಂತ ಹೆಚ್ಚಿನ ಸಂಖ್ಯೆಯಲ್ಲಿ ಉಗ್ರರು ಐಎಸ್-ಕೆ ಸಂಘಟನೆಯಲ್ಲಿ ಇರಬಹುದು ಎಂದು ಅಂದಾಜಿಸಲಾಗಿದೆ.
ಇದನ್ನೂ ಓದಿ: Supertech ಕಂಪನಿಯ 40 ಅಂತಸ್ತಿನ ಅವಳಿ ಕಟ್ಟಡಗಳ ನೆಲಸಮಕ್ಕೆ ಸುಪ್ರೀಂ ಆದೇಶ
