ಅಫ್ಘಾನಿಸ್ತಾನಕ್ಕೆ 5 ಲಕ್ಷ ಡೋಸ್ ಕೋವಿಡ್​ ಲಸಿಕೆ ನೀಡಿದ ಭಾರತ

ಭಾರತವು ಅಫ್ಘಾನಿಸ್ತಾನಕ್ಕೆ 5 ಲಕ್ಷ ಡೋಸ್ ಕೋವಿಡ್​-19 ಲಸಿಕೆ ನೀಡಿದೆ. ಅಫ್ಘಾನಿಸ್ತಾನದಲ್ಲಿ ಇದುವರೆಗೆ 55,335 ಕೋವಿಡ್​ ಪ್ರಕರಣಗಳು ದಾಖಲಾಗಿದ್ದು, 2,410 ಮಂದಿ ಸೋಂಕಿಗೆ ಬಲಿಯಾಗಿದ್ದಾರೆ.

ಕಾಬೂಲ್: ಅಫ್ಘಾನಿಸ್ತಾನಕ್ಕೆ ಭಾರತ 5 ಲಕ್ಷ ಡೋಸ್ ಕೋವಿಡ್​-19 ಲಸಿಕೆ ನೀಡಿದೆ.

ಕಾಬೂಲ್‌ನ ಹಮೀದ್ ಕರ್ಜೈ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಭಾನುವಾರ ನಡೆದ ಸಮಾರಂಭದಲ್ಲಿ ಅಫ್ಘಾನಿಸ್ತಾನದ ಕಾರ್ಯಕಾರಿ ಸಾರ್ವಜನಿಕ ಆರೋಗ್ಯ ಸಚಿವ ವಾಹಿದ್ ಮಜ್ರೋಹ್ ಅವರಿಗೆ ಲಸಿಕೆ ಹಸ್ತಾಂತರಿಸಲಾಯಿತು.

ಶ್ರೀಲಂಕಾ, ಮ್ಯಾನ್ಮಾರ್ ಮತ್ತು ನೇಪಾಳ ಸೇರಿದಂತೆ ಇತರ ನೆರೆಯ ರಾಷ್ಟ್ರಗಳಿಗೆ ಭಾರತ ಈಗಾಗಲೇ ಲಕ್ಷಾಂತರ ಡೋಸ್​ ಕೋವಿಡ್​ ಲಸಿಕೆ ನೀಡಿದೆ.