ಪಾಕ್​ ಮಾಜಿ ಪ್ರಧಾನಿ ಯೂಸೂಫ್​ ರಾಜಾ​ ಗಿಲಾನಿಗೂ ಕೊರೊನಾ!

ಕರಾಚಿ: ಪಾಕಿಸ್ತಾನದಲ್ಲಿ ಕೊರೊನಾ ಅಬ್ಬರ ಜೋರಾಗಿದ್ದು, ಮಾಜಿ ಕ್ರಿಕೆಟರ್​ ಶಾಹೀದ್​ ಆಫ್ರಿದಿ ಬೆನ್ನಲ್ಲೇ ಇದೀಗ ಅಲ್ಲಿನ ಮಾಜಿ ಪ್ರಧಾನಿ ಯೂಸೂಫ್​​ ರಾಜಾ​ ಗಿಲಾನಿಗೂ ಕೊರೊನಾ ಸೋಂಕು ತಗಲಿರುವುದು ಕನ್ಫರ್ಮ್​ ಆಗಿದೆ. 

ಇದಕ್ಕೆ ಸಂಬಂಧಿಸಿದಂತೆ ಟ್ವೀಟ್ ಮಾಡಿ ಮಾಹಿತಿ ಹೊರಹಾಕಿರುವ ಗಿಲಾನಿ ಮಗ ಕಾಶಿಮ್​ ಗಿಲಾನಿ, ಇಮ್ರಾನ್​ ಖಾನ್​ ಸರ್ಕಾರದ ವಿರುದ್ಧ ಹರಿಹಾಯ್ದಿದ್ದಾರೆ. ನಮ್ಮ ತಂದೆಗೆ ಕೊರೊನಾ ವೈರಸ್​ ಬರಲು ನಿಮ್ಮ ಸರ್ಕಾರ ಕಾರಣ, ಇದೀಗ ನನ್ನ ತಂದೆಯ ಜೀವನ ಅಪಾಯದಲ್ಲಿ ಸಿಲುಕಿದೆ ಎಂದಿದ್ದಾರೆ.  

ಕಳೆದ ಗುರುವಾರ ಮಾಜಿ ಪ್ರಧಾನಿ ಯೂಸೂಫ್​ ಗಿಲಾನಿ ರಾವಲ್ಪಿಂಡಿಯಲ್ಲಿನ ಕಾರ್ಯಕ್ರಮವೊಂದರಲ್ಲಿ ಭಾಗಿಯಾಗಿದ್ದರು. ಈ ವೇಳೆ ಅವರಿಗೆ ಕೊರೊನಾ ಸೋಂಕು ತಗುಲಿರುವ ಸಾಧ್ಯತೆ ಇದೆ. ಪಾಕ್‌ನಲ್ಲಿ ಸದ್ಯ 1,25,933 ಕೋವಿಡ್​ ಪ್ರಕರಣಗಳಿದ್ದು 2,463 ಜನರು ಸಾವನ್ನಪ್ಪಿದ್ದಾರೆ.