ಕಾಬೂಲ್(ಅಫ್ಘಾನಿಸ್ತಾನ): ಕಾಬೂಲ್ ಏರ್ಪೋರ್ಟ್ನಲ್ಲಿ ಸರಣಿ ಬಾಂಬ್ ಸ್ಫೋಟಗೊಂಡಿರುವ ಪರಿಣಾಮ 85ಕ್ಕೂ ಅಧಿಕ ಜನರು ಸಾವನ್ನಪ್ಪಿದ್ದು, ನೂರಾರು ಜನರು ಗಂಭೀರವಾಗಿ ಗಾಯಗೊಂಡಿದ್ದಾರೆ. ಇದರ ಬೆನ್ನಲ್ಲೇ ಮಹತ್ವದ ವಿಡಿಯೋ ತುಣಕುವೊಂದು ರಿಲೀಸ್ ಆಗಿದೆ.
ಬಾಂಬ್ ಸ್ಫೋಟಗೊಳ್ಳುವುದಕ್ಕೂ ಒಂದು ಗಂಟೆ ಮುಂಚಿತವಾಗಿ ಕಾಬೂಲ್ ಏರ್ಪೋರ್ಟ್ನಲ್ಲಿ ಸಾವಿರಾರು ಪ್ರಯಾಣಿಕರು ಓಡಿ ಹೋಗುತ್ತಿರುವ ದೃಶ್ಯ ರಿಲೀಸ್ ಆಗಿದೆ. ಬಾಂಬ್ ಸ್ಫೋಟವಾಗುವುದಕ್ಕೂ ಮುಂಚಿತವಾಗಿ ತಾಲಿಬಾನ್ ಉಗ್ರರು ಗಾಳಿಯಲ್ಲಿ ಗುಂಡು ಹಾರಿಸಿದ್ದು, ಈ ವೇಳೆ ಜನ ಸಮೂಹ ಈ ರೀತಿಯಾಗಿ ಓಡಿ ಹೋಗಿದೆ.
ಇದನ್ನೂ ಓದಿರಿ: ಪತ್ನಿ ಜತೆಗಿನ ಬಲವಂತದ ಲೈಂಗಿಕ ಕ್ರಿಯೆ ರೇಪ್ ಅಲ್ಲವೆಂದ ಕೋರ್ಟ್: ಕೆಂಡಾಮಂಡಲವಾದ ನಟಿ ತಾಪ್ಸಿ!
ಕಾಬೂಲ್ ಏರ್ಪೋರ್ಟ್ನಲ್ಲಿ ತಾಲಿಬಾನ್ ಉಗ್ರರು ನಿರಂತರವಾಗಿ ಗಾಳಿಯಲ್ಲಿ ಗುಂಡಿನ ದಾಳಿ ನಡೆಸಿದ್ದು, ಈ ಮೂಲಕ ಅಲ್ಲಿನ ಜನರ ನಿಯಂತ್ರಣ ಮಾಡಲು ಮುಂದಾಗಿದೆ. ಈ ಘಟನೆ ನಡೆದ ಬೆನ್ನಲ್ಲೇ ಆತ್ಮಾಹುತಿ ಬಾಂಬರ್ಗಳು ಸ್ಫೋಟಗೊಂಡಿರುವ ಕಾರಣ ಅಮೆರಿಕದ ಸೈನಿಕರು ಸೇರಿದಂತೆ ಅನೇಕರು ಸಾವನ್ನಪ್ಪಿದ್ದಾರೆ.
ಇದರ ಹೊಣೆ ಈಗಾಗಲೇ ತಾಲಿಬಾನ್ ಉಗ್ರ ಸಂಘಟನೆ ಹೊತ್ತುಕೊಂಡಿದೆ. ಅಫ್ಘಾನಿಸ್ತಾನದ ಮೇಲೆ ಸಂಪೂರ್ಣ ಹಿಡಿತ ಸಾಧಿಸಿರುವ ತಾಲಿಬಾನ್, ಅಮೆರಿಕ ಪಡೆ ದೇಶ ತೊರೆಯಲು ಆಗಸ್ಟ್ 31ರವರೆಗೆ ಕೊನೆಯ ಗಡವು ನೀಡಲಾಗಿದೆ. ಈಗಾಗಲೇ ಯುಎಸ್ ಸೇನೆ ಸೇರಿದಂತೆ ವಿವಿಧ ದೇಶಗಳ ರಾಯಭಾರಿ ಕಚೇರಿ ಅಲ್ಲಿಂದ ಶಿಫ್ಟ್ ಆಗುತ್ತಿವೆ.
