ಕೊಲಂಬೊ: ಮಹಾಮಾರಿ ಕೊರೊನಾ ವೈರಸ್ ವಿರುದ್ಧ ಹೋರಾಡಲು ಭಾರತದಲ್ಲಿ ಈಗಾಗಲೇ ಎರಡು ಲಸಿಕೆ ಉತ್ಪಾದನೆಯಾಗುತ್ತಿದ್ದು, ಭೂತಾನ್, ಬಾಂಗ್ಲಾ, ನೇಪಾಳ, ಬ್ರೇಜಿಲ್ ಸೇರಿ ಅನೇಕ ದೇಶಗಳಿಗೆ ಈ ಲಸಿಕೆ ರವಾನೆಯಾಗಿದ್ದು, ಇದೀಗ ಶ್ರೀಲಂಕಾದಿಂದ ಮತ್ತೊಂದು ನಿರ್ಧಾರ ಹೊರಬಿದ್ದಿದೆ.
ಲಂಕಾದಲ್ಲಿ ಚೀನಾದಿಂದ ಅಭಿವೃದ್ಧಿಗೊಂಡಿರುವ ಸಿನೋಫಾರ್ಮ್ನ ಕೋವಿಡ್-19 ಬದಲಿಗೆ ಆಕ್ಸ್ಫರ್ಡ್ ಅಸ್ಟ್ರಾಜೆನೆಕಾ ಕೋವಿಡ್ ಲಸಿಕೆ ಬಳಕೆ ಮಾಡಲು ನಿರ್ಧರಿಸಿದ್ದು, ಅದಕ್ಕೆ ಸಂಬಂಧಿಸಿದಂತೆ ಅಲ್ಲಿನ ವಕ್ತಾರರು ಮಾಹಿತಿ ನೀಡಿದ್ದಾರೆ.
ಇದನ್ನೂ ಓದಿ: ಬರೋಬ್ಬರಿ 35 ಕೆಜಿ ಉಣ್ಣೆ ಹೊತ್ತು ಬದುಕುಳಿದ ಕಾಡು ಕುರಿ!
14 ಮಿಲಿಯನ್ ಜನರಿಗೆ ಈ ಕೋವಿಡ್ ಲಸಿಕೆ ನೀಡಲು ನಿರ್ಧರಿಸಿರುವುದಾಗಿ ತಿಳಿಸಿದ್ದು, ಚೀನಾದ ಲಸಿಕೆ ಸಿನೋಫಾರ್ಮ್ನ ಲಸಿಕೆ ಮೂರನೇ ಹಂತದ ಕ್ಲಿನಿಕಲ್ ಪ್ರಯೋಗ ಪೂರ್ಣಗೊಳಿಸಿಲ್ಲ ಎಂದು ಕ್ಯಾಬಿನೆಟ್ ಸಹ ವಕ್ತಾರ ಡಾ. ರಮೇಶ್ ಪತಿರಾನಾ ತಿಳಿಸಿದ್ದಾರೆ. ಸಿರಂ ಇನ್ಸ್ಟಿಟ್ಯೂಟ್ ಆಫ್ ಇಂಡಿಯಾದ ಲಸಿಕೆ ಮೇಲೆ ಶ್ರೀಲಂಕಾ ಹೆಚ್ಚಾಗಿ ಅವಲಂಬಿತವಾಗಿದೆ ಎಂದು ಅವರು ತಿಳಿಸಿದ್ದು, ಅದನ್ನ ಬಳಕೆ ಮಾಡಲು ನಿರ್ಧರಿಸಿದ್ದಾಗಿ ಹೇಳಿದ್ದಾರೆ.
ಶ್ರೀಲಂಕಾ ಕ್ಯಾಬಿನೆಟ್ 10 ಮಿಲಿಯನ್ ಡೋಸ್ ಮೇಡ್ ಇನ್ ಇಂಡಿಯಾದ ಲಸಿಕೆ ಬಳಕೆ ಮಾಡಲು ನಿರ್ಧರಿಸಿದ್ದು, ಅದಕ್ಕಾಗಿ 52.2 ಮಿಲಿಯನ್ ಡಾಲರ್ ರೂ. ಬಳಕೆ ಮಾಡಿದೆ. ಚೀನಾ ನಿರ್ಮಿತ ಲಸಿಕೆಗಳ ಬಗ್ಗೆ ಶ್ರೀಲಂಕಾ ಮಾತ್ರವಲ್ಲ ಈ ಹಿಂದೆ ಬ್ರೆಜಿಲ್ ಕೂಡ ಕಳವಳ ವ್ಯಕ್ತಪಡಿಸಿದೆ.
