ಬೀಜಿಂಗ್(ಚೀನಾ): ವಿಶ್ವಕ್ಕೆ ಕೊರೊನಾ ಪ್ರಸಾದಿಸಿದ ಕುತಂತ್ರಿ ಚೀನಾದಲ್ಲಿ ಜನಸಂಖ್ಯೆ ಪ್ರಮಾಣ ತೀವ್ರತರದಲ್ಲಿ ಕುಸಿತ ಕಂಡಿದೆ.
2021ರಲ್ಲಿ ಕೇವಲ 4.80 ಲಕ್ಷ ಜನಸಂಖ್ಯೆ ಹೆಚ್ಚಳವಾಗಿ 141.26 ಕೋಟಿಗೆ ತಲುಪಿದೆ. ಈ ಮೂಲಕ ಸತತ ಐದನೇ ವರ್ಷವೂ ಜನನ ಪ್ರಮಾಣದಲ್ಲಿ ಭಾರೀ ಕುಂಠಿತವಾಗಿದೆ. ಇದು ದೇಶದ ಆರ್ಥಿಕ ಬೆಳವಣಿಗೆ ಮೇಲೆ ಭಾರೀ ಹೊಡೆತ ಬೀಳುವ ಸಾಧ್ಯತೆ ಇದೆ ಎನ್ನಲಾಗುತ್ತಿದೆ.
-
#China's population has grown to 1.4126 billion by the end of last year, government data showed on Monday.
— IANS Tweets (@ians_india) January 17, 2022 " class="align-text-top noRightClick twitterSection" data="
Photo: IANS (Representational image) pic.twitter.com/gU6bG3fikZ
">#China's population has grown to 1.4126 billion by the end of last year, government data showed on Monday.
— IANS Tweets (@ians_india) January 17, 2022
Photo: IANS (Representational image) pic.twitter.com/gU6bG3fikZ#China's population has grown to 1.4126 billion by the end of last year, government data showed on Monday.
— IANS Tweets (@ians_india) January 17, 2022
Photo: IANS (Representational image) pic.twitter.com/gU6bG3fikZ
2020 ರಲ್ಲಿ ಚೀನಾದ ಜನಸಂಖ್ಯೆ 141.20 ಕೋಟಿಯಷ್ಟಿತ್ತು. ಇದು 2021 ರಲ್ಲಿ ಆ ಸಂಖ್ಯೆ 141.26 ಕೋಟಿಯಷ್ಟು ಮಾತ್ರ ಆಗಿದೆ. ಹೀಗಾಗಿ ಇಡೀ ವರ್ಷದಲ್ಲಿ 4.80 ಲಕ್ಷ ಜನಸಂಖ್ಯೆ ಮಾತ್ರ ಹೆಚ್ಚಳವಾಗಿದೆ ಎಂದು ರಾಷ್ಟ್ರೀಯ ಅಂಕಿಅಂಶ ಬ್ಯೂರೋ(ಎನ್ಬಿಎಸ್) ತಿಳಿಸಿದೆ.
2021ರಲ್ಲಿ ಆಗಿರುವ ಜನನ ಪ್ರಮಾಣ 1.06 ಕೋಟಿ. 2020ರಲ್ಲಿ ಅದು 1.20 ಕೋಟಿಯಾಗಿತ್ತು ಎಂದು ಹಾಂಕಾಂಗ್‌ ಮೂಲದ ಸೌತ್‌ ಚೀನಾ ಮಾರ್ನಿಂಗ್‌ ಪೋಸ್ಟ್‌ ವರದಿ ಮಾಡಿದೆ.
ಸಾವಿರ ಜನರಿಗೆ 9 ಮಕ್ಕಳು ಜನನ!
ಚೀನಾದ ಮೂರನೇ ಅತಿ ಹೆಚ್ಚು ಜನಸಂಖ್ಯೆಯುಳ್ಳ ಪ್ರದೇಶವಾದ ಹೆನಾನ್ ಪ್ರಾಂತ್ಯದಲ್ಲಿ ನವಜಾತ ಶಿಶುಗಳ ಸಂಖ್ಯೆ 2020 ರಲ್ಲಿ 9.20 ಲಕ್ಷದಷ್ಟು ಇಳಿಕೆ ಕಂಡಿದೆ. 2019 ಕ್ಕೆ ಹೋಲಿಕೆ ಮಾಡಿದಲ್ಲಿ ಅದು 23.3 ರಷ್ಟು ಕಡಿಮೆ ಆಗಿದೆ. ಅಂದರೆ, 1 ಸಾವಿರ ಜನರಿಗೆ 9 ಮಕ್ಕಳು ಮಾತ್ರ ಜನನವಾಗಿದೆ.
ಜನನ ಪ್ರಮಾಣದಲ್ಲಿ ಗುರುತರ ಕುಸಿತ ತಡೆಗಟ್ಟಲು ಚೀನಾದ ಹಲವು ಪ್ರಾಂತ್ಯಗಳಲ್ಲಿ ಒಂದು ಕುಟುಂಬ 3 ಮಕ್ಕಳನ್ನು ಹೊಂದಲು ಪ್ರೇರೇಪಿಸುತ್ತಿದೆ. ಅಲ್ಲದೇ, ಇದಕ್ಕೆ ಬೆಂಬಲ ನೀಡಲು ಪೋಷಕರ ರಜೆ, ಹೆರಿಗೆ ರಜೆ, ಮದುವೆ ರಜೆ ಮತ್ತು ಪಿತೃತ್ವ ರಜೆಗಳಂತಹ ಕ್ರಮಗಳನ್ನು ಜಾರಿ ಮಾಡಲಾಗಿದೆ ಎಂದು ಸುದ್ದಿಸಂಸ್ಥೆಯೊಂದು ವರದಿ ಮಾಡಿದೆ.
ಈ ಹಿಂದೆ ಜಾರಿಯಿದ್ದ 'ಒಂದು ಕುಟುಂಬ ಒಂದು ಮಗು' ನೀತಿಯನ್ನು 2016 ರಲ್ಲಿ ರದ್ದು ಮಾಡಿ ಎರಡು ಮಗು ಹೊಂದಲು ಚೀನಾ ಸರ್ಕಾರ ಅವಕಾಶ ಮಾಡಿಕೊಟ್ಟಿತ್ತು. ಇದೀಗ ಮೂರು ಮಗು ಹೊಂದಲೂ ಅವಕಾಶ ನೀಡಲಾಗಿದೆ.
ಇದನ್ನೂ ಓದಿ: 60 ವರ್ಷ ಮೇಲ್ಪಟ್ಟವರಿಗೆ ಲಸಿಕೆ ಕಡ್ಡಾಯ.. ವ್ಯಾಕ್ಸಿನ್ ಪಡೆಯದಿದ್ದರೆ ಪ್ರತಿ ತಿಂಗಳು ಕಟ್ಟಬೇಕು ದಂಡ!
