ಚೀನಾದ ಟಿಯಾನ್ವೆನ್-1 ಭೂಮಿಯಿಂದ 100 ಮಿಲಿಯನ್ ಕಿ.ಮೀ.ಗಿಂತಲೂ ದೂರ

ಇದು ಫೆಬ್ರವರಿ 2021ರ ಹೊತ್ತಿಗೆ ಮಂಗಳ ಗ್ರಹ ಪ್ರವೇಶಿಸುವ ಸಾಧ್ಯತೆಯಿದೆ ಎಂದು ಚೀನಾ ರಾಷ್ಟ್ರೀಯ ಬಾಹ್ಯಾಕಾಶ ಆಡಳಿತ ಹೇಳಿದೆ..

ಬೀಜಿಂಗ್ : ಮಂಗಳನ ಬಗ್ಗೆ ಮಾಹಿತಿ ಕಲೆ ಹಾಕುತ್ತಿರುವ ಟಿಯಾನ್ವೆನ್-1 ಪ್ರಸ್ತುತ ಭೂಮಿಯಿಂದ 100 ಮಿಲಿಯನ್ ಕಿ.ಮೀ. ಗಿಂತಲೂ ದೂರದಲ್ಲಿದೆ ಮತ್ತು ಸಾಮಾನ್ಯವಾಗಿ ಕಾರ್ಯನಿರ್ವಹಿಸುತ್ತಿದೆ ಎಂದು ಚೀನಾ ರಾಷ್ಟ್ರೀಯ ಬಾಹ್ಯಾಕಾಶ ಆಡಳಿತ ಪ್ರಕಟಿಸಿದೆ.

ಮಂಗಳ ಗ್ರಹದ ಸಮೀಪ ತಲುಪಿದಾಗ ಭೂಮಿಯಿಂದ ಸುಮಾರು 190 ದಶಲಕ್ಷ ಕಿ.ಮೀ ದೂರದಲ್ಲಿರಬಹುದು. ಜುಲೈ 23ರಂದು ಕಾರ್ಯಾರಂಭವಾದ ಟಿಯಾನ್ವೆನ್-1, ಭೂಮಿ ಮತ್ತು ಚಂದ್ರನ ಚಿತ್ರ ಸೆರೆ ಹಿಡಿದಿದೆ.

ಇದು ಫೆಬ್ರವರಿ 2021ರ ಹೊತ್ತಿಗೆ ಮಂಗಳ ಗ್ರಹ ಪ್ರವೇಶಿಸುವ ಸಾಧ್ಯತೆಯಿದೆ ಎಂದು ಚೀನಾ ರಾಷ್ಟ್ರೀಯ ಬಾಹ್ಯಾಕಾಶ ಆಡಳಿತ ಹೇಳಿದೆ.