ಟಿಯಾಂಜಿನ್: ಕೋವಿಡ್-19 ರೂಪಾಂತರ ಒಮಿಕ್ರಾನ್ನ ಮೊದಲ ಸಮುದಾಯ ಹರಡುವಿಕೆಯನ್ನು ಚೀನಾ ವರದಿ ಮಾಡಿದೆ. ಟಿಯಾಂಜಿನ್ ನಗರದಲ್ಲಿ ಇಬ್ಬರಿಗೆ ಪಾಸಿಟಿವ್ ದೃಢಪಟ್ಟಿದೆ. ಪರಿಣಾಮ ಪೋರ್ಟ್ ಸಿಟಿ ಟಿಯಾಂಜಿನ್ ನಲ್ಲಿ ಜನವರಿ 9 ರಂದು ತನ್ನ 14 ಮಿಲಿಯನ್ ನಿವಾಸಿಗಳನ್ನು ಸಾಮೂಹಿಕವಾಗಿ ಪರೀಕ್ಷಿಸಲು ಮುಂದಾಗಿದೆ.
ಇನ್ನು ಒಮಿಕ್ರಾನ್ ಪ್ರಕರಣಗಳು ಬೀಜಿಂಗ್‌ನ ಗಡಿಯಲ್ಲಿರುವ ಟಿಯಾಂಜಿನ್‌ನಲ್ಲಿರುವ ಶಾಲೆಯ ಬಳಿ ಇರುವ ಆರೈಕೆ ಕೇಂದ್ರದಲ್ಲಿ 20 ಮಕ್ಕಳು ಮತ್ತು ವಯಸ್ಕರ ಗುಂಪಿನಲ್ಲಿ ಕಂಡು ಬಂದಿದೆ. ಫೆಬ್ರವರಿ 4 ರಂದು ಚಳಿಗಾಲದ ಒಲಿಂಪಿಕ್ಸ್‌ಗೆ ಆತಿಥ್ಯ ವಹಿಸಲು ಸಿದ್ಧವಾಗುತ್ತಿರುವ ಬೀಜಿಂಗ್ ನಗರಕ್ಕೆ ಪ್ರವೇಶಿಸುವ ಯಾರೇ ಆದರೂ ಕೊರೊನಾ ಪರೀಕ್ಷೆಗೆ ಒಳಗಾಗುವುದನ್ನು ಕಡ್ಡಾಯಗೊಳಿಸುವ ಹಾಗೂ ಕೆಲವು ವಿಷಯಕ್ಕೆ ಸಂಬಂಧಿಸಿದಂತೆ ಇಲ್ಲಿಗೆ ಬರುವ ವ್ಯಕ್ತಿಗಳು ಎರಡೂ ಡೋಸ್ ಲಸಿಕೆ ಹಾಕಿಸಿಕೊಂಡಿರುವುದನ್ನು ರಾಷ್ಟ್ರ ದೃಢಪಡಿಸಿಕೊಳ್ಳುತ್ತಿದೆ.
ಇದನ್ನೂ ಓದಿ: ಚೀನಾದೊಂದಿಗಿನ ಗಡಿ ವಿವಾದದಲ್ಲಿ ಅಮೆರಿಕ ಭಾರತದ ಪರ ನಿಲ್ಲುತ್ತದೆ: ಶ್ವೇತಭವನ
ಉತ್ತರ ಚೀನಾದ ಶಾಂಕ್ಸಿಯ ಪ್ರಾಂತೀಯ ರಾಜಧಾನಿಯಾದ ಕ್ಸಿಯಾನ್ನಲ್ಲಿ ಇತ್ತೀಚಿನ 1,900 ಕ್ಕೂ ಹೆಚ್ಚು ಪ್ರಕರಣಗಳನ್ನು ವರದಿ ಮಾಡಿದೆ. ಪ್ರಕಟಣೆಯ ಪ್ರಕಾರ 13 ಮಿಲಿಯನ್ ಜನರಿರುವ ಈ ನಗರ ವಾರಗಳವರೆಗೆ ಕಟ್ಟುನಿಟ್ಟಾದ ಲಾಕ್‌ಡೌನ್‌ನಲ್ಲಿದೆ. ಇನ್ನು 56 ಹೆನಾನ್‌ನಿಂದ, 30 ಶಾಂಕ್ಸಿಯಿಂದ, ಮೂರು ಟಿಯಾಂಜಿನ್‌ನಲ್ಲಿ, ಎರಡು ಆಗ್ನೇಯ ಚೀನಾದ ಝೆಜಿಯಾಂಗ್‌ನಲ್ಲಿ ಮತ್ತು ದಕ್ಷಿಣದ ಗುವಾಂಗ್‌ಡಾಂಗ್ ಪ್ರಾಂತ್ಯದಲ್ಲಿ ಒಂದು ಪಾಸಿಟಿವ್ ಪ್ರಕರಣಗಳು ವರದಿಯಾಗಿವೆ.
