ತಾಲಿಬಾನರ ಮೈ ಮೇಲೆ ಅಮೆರಿಕಾ ಸೇನೆಯ ಸಮವಸ್ತ್ರ..​ಕೈಯಲ್ಲಿ ಶಸ್ತ್ರಾಸ್ತ್ರ: ವಿಶ್ವದ ದೊಡ್ಡಣ್ಣನಿಗೆ ಮುಜುಗರ

ಕಾಬೂಲ್​ನಲ್ಲಿ ತಾಲಿಬಾನ್​ ಉಗ್ರರು, ಅಮೆರಿಕ ಸೇನಾ ಸಮವಸ್ತ್ರ ಧರಿಸಿ ತಿರುಗಾಡುತ್ತಿದ್ದಾರೆ. ಈ ವಿಡಿಯೋ ಜಾಲತಾಣಗಳಲ್ಲಿ ಸಖತ್ ವೈರಲ್ ಆಗ್ತಿದೆ.

ವಾಷಿಂಗ್ಟನ್ (ಅಮೆರಿಕಾ): ತಾಲಿಬಾನ್​ ಉಗ್ರಪಡೆ ಆಫ್ಘನ್​​​ ಸೇನೆಯಿಂದ ವಶಪಡಿಸಿಕೊಂಡಿದ್ದ ಶಸ್ತ್ರಾಸ್ತ್ರಗಳನ್ನು ಹಿಡಿದು, ಅಮೆರಿಕ ಸೇನೆಯ ಸಮವಸ್ತ್ರ ಧರಿಸಿ ತಿರುಗಾಡುತ್ತಿರುವುದು ವಿಶ್ವದ ದೊಡ್ಡಣ್ಣ ಅಮೆರಿಕಕ್ಕೆ ಮುಜುಗರವನ್ನುಂಟು ಮಾಡಿದೆ.

• دا ۲۱۷ پامیر قول اردو ده، چې نن ماسپښین مجاهدینو فتحه کړ.
  په دې قول اردو کې د هندۍ نظامي هلیکوپترو سربیره لسګونه عرادې ډول ډول نظامي وسائط، وسلې او نور وسائل د مجاهدینو لاس ته ورغلل. pic.twitter.com/Jrci8BedsW

  — Zabihullah (..ذبـــــیح الله م ) (@Zabehulah_M33) August 11, 2021 " class="align-text-top noRightClick twitterSection" data="

  دا ۲۱۷ پامیر قول اردو ده، چې نن ماسپښین مجاهدینو فتحه کړ.
  په دې قول اردو کې د هندۍ نظامي هلیکوپترو سربیره لسګونه عرادې ډول ډول نظامي وسائط، وسلې او نور وسائل د مجاهدینو لاس ته ورغلل. pic.twitter.com/Jrci8BedsW

  — Zabihullah (..ذبـــــیح الله م ) (@Zabehulah_M33) August 11, 2021

  ">

  دا ۲۱۷ پامیر قول اردو ده، چې نن ماسپښین مجاهدینو فتحه کړ.
  په دې قول اردو کې د هندۍ نظامي هلیکوپترو سربیره لسګونه عرادې ډول ډول نظامي وسائط، وسلې او نور وسائل د مجاهدینو لاس ته ورغلل. pic.twitter.com/Jrci8BedsW

  — Zabihullah (..ذبـــــیح الله م ) (@Zabehulah_M33) August 11, 2021

ಒಂದು ತಿಂಗಳ ಸುದೀರ್ಘ ಕಾರ್ಯಾಚರಣೆಯ ಬಳಿಕ ತಾಲಿಬಾನ್ ಉಗ್ರಪಡೆ ಆಫ್ಘನ್ ​ಅನ್ನು ವಶಪಡಿಸಿಕೊಂಡು ತನ್ನ ಅಧಿಪತ್ಯ ಸ್ಥಾಪಿಸಿದೆ. ಈ ಮಧ್ಯೆ ಉಗ್ರರು, ಆಫ್ಘನ್​ ಸಶಸ್ತ್ರ ಪಡೆಗಳಿಂದ ಭಾರಿ ಪ್ರಮಾಣದ ಶಸ್ತ್ರಾಸ್ತ್ರಗಳು, ಉಪಕರಣಗಳು, ಯುದ್ಧ ಸಾಮಗ್ರಿಗಳನ್ನು ವಶಪಡಿಸಿಕೊಂಡಿದ್ದರು. ಅದರಲ್ಲಿ ಹೆಚ್ಚಿನ ಉಪಕರಣಗಳು ಇತ್ತೀಚೆಗಷ್ಟೇ ವಾಷಿಂಗ್ಟನ್​ನಿಂದ ಸರಬರಾಜಾಗಿದ್ದವು.

ಇದೀಗ, ಉಗ್ರರು ಅಮೆರಿಕದ M4, M18, M24 ಸ್ನೈಪರ್ ಶಸ್ತ್ರಾಸ್ತ್ರಗಳನ್ನು ಹಿಡಿದು, ಅಮೆರಿಕ ಸೇನೆಯ ಸಮವಸ್ತ್ರ ಧರಿಸಿ, ಹಮ್​ವೀಸ್​ನಲ್ಲಿ ಓಡಾಡುತ್ತಿದ್ದಾರೆ. ಈ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಸಖತ್​​ ವೈರಲ್ ಆಗ್ತಿದೆ.

20 ವರ್ಷಗಳಿಂದ ಅಫ್ಘಾನಿಸ್ತಾನದಲ್ಲಿ ಬೀಡುಬಿಟ್ಟಿದ್ದ ಅಮೆರಿಕ ಸೇನೆಯನ್ನು ಬೈಡನ್​ ಸರ್ಕಾರ ಇತ್ತೀಚೆಗಷ್ಟೇ ಹಿಂತೆಗೆದುಕೊಂಡಿತ್ತು. ಇದೇ ಸಮಯದಲ್ಲಿ ತಾಲಿಬಾನ್ ಕಾಬೂಲ್​ನನ್ನು ಆಕ್ರಮಿಸಿ ತನ್ನ ಸರ್ಕಾರ ರಚಿಸಲು ಮುಂದಾಯಿತು.

ತಾಲಿಬಾನ್​​ ಆಫ್ಘನ್​ ಪಡೆಗಳಿಂದ ಹೆಚ್ಚಿನ ಸಲಕರಣೆಗಳನ್ನು ವಶಪಡಿಸಿಕೊಂಡಿತ್ತು. ಅಮೆರಿಕ ಸೇನೆಯಿಂದ ಆಫ್ಘನ್​ ಸೇನೆ ಎರಡು ದಶಗಳ ಕಾಲ ತರಬೇತಿ ಪಡೆದಿದ್ದು, ಹತ್ತಾರು ಶತಕೋಟಿ ಡಾಲರ್​​ ಮೌಲ್ಯದ ಶಸ್ತ್ರ ಸಾಮಗ್ರಿಗಳನ್ನು ಖರೀದಿಸಿದ್ದರು. ವಾರಾಂತ್ಯದಲ್ಲಿ ಆಫ್ಘನ್​ ಸೇನೆಯು ಯಾವುದೇ ಹೋರಾಟವಿಲ್ಲದೇ ತಾಲಿಬಾನ್​ಗೆ ಶರಣಾಯಿತು.

ಅಧಿಕೃತ ಅಂಕಿ - ಅಂಶಗಳ ಪ್ರಕಾರ, ಅಮೆರಿಕ ಮಿಲಿಟರಿ ಇತ್ತೀಚಿನ ವರ್ಷಗಳಲ್ಲಿ 7,000 ಕ್ಕಿಂತ ಹೆಚ್ಚು ಮೆಷಿನ್ ಗನ್, 4,700 ಹಮ್ವೀಗಳು ಮತ್ತು 20,000 ಗ್ರೆನೇಡ್ ಗಳನ್ನು ಆಫ್ಘನ್​​ ಸೇನೆಗೆ ಪೂರೈಸಿತು. ವಾಷಿಂಗ್ಟನ್​ನಿಂದ ಆಫ್ಘನ್​ ಸೇನೆ ಫಿರಂಗಿ, ಡ್ರೋನ್​, 200 ಕ್ಕೂ ಹೆಚ್ಚು ವಿಮಾನಗಳು, ವಿಂಗ್​, ಹೆಲಿಕಾಪ್ಟರ್​ಗಳನ್ನು ಖರೀದಿಸಿತ್ತು.

ರಕ್ಷಣಾ ತಜ್ಞರಾದ ಜೇನ್ಸ್ ಪ್ರಕಾರ, ತಾಲಿಬಾನ್​ನಿಂದ ತಪ್ಪಿಸಿಕೊಳ್ಳಲು ಐದು UH-60 ಬ್ಲಾಕ್ ಹಾಕ್ ಮತ್ತು 16 ರಷ್ಯಾ Mi-17 ಹೆಲಿಕಾಪ್ಟರ್‌ಗಳು ಮತ್ತು 10 A-29 ವಿಮಾನಗಳು ಸೇರಿದಂತೆ ಸುಮಾರು 40 ಅಫ್ಘಾನ್ ಮಿಲಿಟರಿ ವಿಮಾನಗಳನ್ನು ಉಜ್ಬೇಕಿಸ್ತಾನಕ್ಕೆ ಹಾರಿಸಲಾಯಿತು. ದೇಶದ ಜನರ ಹಿತಾಸಕ್ತಿ ವಿರುದ್ಧವಾಗಿ ವರ್ತಿಸುವವರ ಕೈಯಲ್ಲಿ ನಮ್ಮ ಉಪಕರಣಳಿರುವುದನ್ನು ನೋಡುವುದು ನಮಗೆ ಇಷ್ಟವಿಲ್ಲ ಎಂದು ಪೆಂಟಗನ್ ವಕ್ತಾರ ಜಾನ್ ಕಿರ್ಬಿ ಹೇಳಿದ್ದಾರೆ.