ಉಕ್ರೇನ್ ಗಡಿ ಭಾಗದಲ್ಲಿ ರಷ್ಯಾ ಸೇನಾ ಜಮಾವಣೆ: 3,000 ಸೈನಿಕರನ್ನು ಯುರೋಪ್​​​ಗೆ ರವಾನಿಸಿದ ಅಮೆರಿಕ

ಉಕ್ರೇನ್‌ನ ಗಡಿಯಲ್ಲಿ ರಷ್ಯಾದ ಪಡೆಗಳು ಜಮಾವಣೆಗೊಂಡಿರುವ ಹಿನ್ನೆಲೆ ಪೂರ್ವ ಯುರೋಪ್‌ಗೆ ಹೆಚ್ಚುವರಿಯಾಗಿ 3,000 ಸೈನಿಕರನ್ನು ಕಳುಹಿಸಲಾಗುವುದು ಎಂದು ಅಮೆರಿಕ ತಿಳಿಸಿದೆ.

ವಾಷಿಂಗ್ಟನ್ (ಅಮೆರಿಕ): ಉಕ್ರೇನ್ ಗಡಿಭಾಗದಲ್ಲಿ ರಷ್ಯಾದ ಸೇನೆ ಜಮಾವಣೆಯಿಂದ ಉಂಟಾಗಿರುವ ಉದ್ವಿಗ್ನ ಪರಿಸ್ಥಿತಿಯ ಹಿನ್ನೆಲೆಯಲ್ಲಿ ಪೂರ್ವ ಯುರೋಪ್​ಗೆ ಹೆಚ್ಚುವರಿಯಾಗಿ 3,000 ಸೈನಿಕರನ್ನು ಕಳುಹಿಸುವುದಾಗಿ ಬುಧವಾರ ಅಮೆರಿಕ ಹೇಳಿದೆ.

ಒಂದೆರಡು ದಿನಗಳಲ್ಲಿ ಸೇನಾ ಪಡೆಗಳನ್ನು ನಿಯೋಜಿಸಲಾಗುವುದು. ಅಮೆರಿಕದ ​ಸುಮಾರು 1,700 ಸೈನಿಕರನ್ನು ಉಕ್ರೇನ್‌ನ ಗಡಿಯಲ್ಲಿರುವ ಪೋಲೆಂಡ್‌ಗೆ ಕಳುಹಿಸಲಾಗುತ್ತದೆ. 300 ಸೈನಿಕರನ್ನು ಜರ್ಮನಿಗೆ ಹಾಗೂ 1,000 ಸೈನಿಕನ್ನ ರೊಮೇನಿಯಾಗೆ ಕಳುಹಿಸಲಾಗುವುದು ಎನ್​ಹೆಚ್​ಕೆ ವರ್ಲ್ಡ್ ವರದಿ ಮಾಡಿದೆ.