ವಾಷಿಂಗ್ಟನ್: ಕೊರೊನಾ ವೈರಸ್ ಕಾರಣದಿಂದಾಗಿ ಆರ್ಥಿಕವಾಗಿ ಸಂಕಷ್ಟದಲ್ಲಿರುವ ಅಮೆರಿಕನ್ನರಿಗೆ ನೀಡಲಾಗುವ ಚೆಕ್ನಲ್ಲಿ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಹೆಸರನ್ನು ಮುದ್ರಿಸಲು ಖಜಾನೆ ಇಲಾಖೆ ಆದೇಶಿಸಿದೆ.
ಸೋಮವಾರ ತಡರಾತ್ರಿ ಈ ಬಗ್ಗೆ ಆದೇಶ ಹೊರಡಿಸಿರುವ ಖಜಾನೆ ಇಲಾಖೆ, ಆತಂರಿಕ ಕಂದಾಯ ಸೇವೆ (ಐಆರ್ಎಸ್) ಮುಖಾಂತರ 70 ಮಿಲಿಯನ್ ಅಮೆರಿನ್ನರಿಗೆ 1,200 ಯುಎಸ್ ಡಾಲರ್ ಮೌಲ್ಯದ ಚೆಕ್ ವಿತರಿಸಲು ಮುಂದಾಗಿದೆ. ಹೀಗೆ ಕಳುಹಿಸುವ ಎಲ್ಲಾ ಚೆಕ್ಗಳನ್ನು ತೆರೆಯುವಾಗ ಅದರ ಎಡ ಭಾಗದಲ್ಲಿ ಡೊನಾಲ್ಡ್ ಜೆ. ಟ್ರಂಪ್ ಎಂದು ಅಧ್ಯಕ್ಷರ ಹೆಸರು ಕಾಣಬೇಕು ಎಂದು ಹೇಳಿರುವುದಾಗಿ ವಾಷಿಂಗ್ಟನ್ ಪೋಸ್ಟ್ ವರದಿ ಮಾಡಿದೆ.
ಐಆರ್ಎಸ್ ಈ ಮೊದಲು ಹಲವು ಬಾರಿ ಈ ರೀತಿಯ ಚೆಕ್ಗಳನ್ನು ವಿತರಿಸಿದೆ. ಆದರೆ, ಚೆಕ್ನಲ್ಲಿ ಅಧ್ಯಕ್ಷರ ಹೆಸರು ನಮೂದಿಸಲು ಆದೇಶಿಸಿರುವುದು ಇದೇ ಮೊಲದ ಬಾರಿಯಾಗಿದೆ.
