ಎರಡನೇ ಬಾರಿಯೂ ಡೊನಾಲ್ಡ್​ ಟ್ರಂಪ್​​ ಕೊರೊನಾ ಪರೀಕ್ಷೆ ವರದಿ ನೆಗೆಟಿವ್

ಅಮೆರಿಕ ಅಧ್ಯಕ್ಷ ಡೊನಾಲ್ಡ್​ ಟ್ರಂಪ್​ಗೆ ಎರಡನೇ ಬಾರಿ ಕೊರೊನಾ ಸೋಂಕಿನ ಪರೀಕ್ಷೆ ಮಾಡಲಾಗಿದೆ. ಎರಡೂ ಬಾರಿಯೂ ಸೋಂಕಿನ ಪರೀಕ್ಷಾ ವರದಿಯಲ್ಲಿ ನೆಗಟಿವ್ ಬಂದಿದೆ.

ವಾಷಿಂಗ್ಟನ್​(ಅಮೆರಿಕ): ಅಮೆರಿಕ ಅಧ್ಯಕ್ಷ ಡೊನಾಲ್ಡ್​ ಟ್ರಂಪ್​ಗೆ ಎರಡನೇ ಬಾರಿ ಕೊರೊನಾ ಸೋಂಕಿನ ಪರೀಕ್ಷೆ ನಡೆದಿದ್ದು ಎರಡನೇ ಬಾರಿಯೂ ವರದಿಯಲ್ಲಿ ಕೊರೊನಾ ನೆಗೆಟಿವ್​ ಬಂದಿದೆ ಎಂದು ಶ್ವೇತಭವನದ ವೈದ್ಯರು ತಿಳಿಸಿದ್ದಾರೆ.

ಈ ಬಗ್ಗೆ ಮಾತಾನಡಿದ ಶ್ವೇತಭವನದ ವೈದ್ಯ ಸಿಯಾನ್​ ಕೋನ್ಲಿ ಡೋನಾಲ್ಡ್​​ ಟ್ರಂಪ್​ಗೆ ಸೋಂಕಿನ ಪರೀಕ್ಷೆ ಮಾಡಿದ್ದು ಅವರ ಆರೋಗ್ಯವಾಗಿದ್ದಾರೆ. 15 ನಿಮಿಷಗಳಲ್ಲಿ ಸೋಂಕು ಪರೀಕ್ಷೆಯ ವರದಿ ಬಂದಿದ್ದು ನೆಗೆಟಿವ್ ಬಂದಿದೆ ಎಂದು ಸ್ಪಷ್ಟಪಡಿಸಿದ್ದಾರೆ.

ಈ ವೇಳೆ ಡೊನಾಲ್ಡ್​ ಟ್ರಂಪ್​ '' ಕೊರೊನಾ ನೆಗೆಟಿವ್ ಬಂದಿದ್ದು, ಈ ಮೊದಲೂ ಸೋಂಕು ಪರೀಕ್ಷೆ ಮಾಡಿಸಿದಾಗ ನೆಗೆಟಿವ್​ ಬಂದಿತ್ತು ಈ ಬಗ್ಗೆ ಖುಷಿಯಾಗಿದ್ದೇನೆ'' ಎಂದಿದ್ದಾರೆ.

ಈ ಮೊದಲು ಡೊನಾಲ್ಡ್​ ಟ್ರಂಪ್​ಗೆ ಮಾರ್ಚ್​ ತಿಂಗಳ ಮಧ್ಯಭಾಗದಲ್ಲಿ ಕೊರೊನಾ ಸೋಂಕಿನ ಪರೀಕ್ಷೆ ನಡೆದಿತ್ತು. ಈಗ ಅಮೆರಿಕದಲ್ಲಿ ಕೊರೊನಾ ಸೋಂಕಿತರ ಸಂಖ್ಯೆ ಹೆಚ್ಚಾಗುತ್ತಿರುವ ಕಾರಣದಿಂದ ಮತ್ತೆ ಪರೀಕ್ಷೆ ಮಾಡಲಾಗಿದೆ. ಈಗ ಸುಮಾರು 10 ಲಕ್ಷ ಕೊರೊನಾ ಸೋಂಕಿತರು ವಿಶ್ವದಲ್ಲಿದ್ದು 51 ಸಾವಿರಕ್ಕೂ ಹೆಚ್ಚು ಮಂದಿ ಮೃತಪಟ್ಟಿದ್ದಾರೆ.