ವಾಷಿಂಗ್ಟನ್ (ಅಮೆರಿಕ): ಆಫ್ಘನ್ನ ಇಂದಿನ ಸ್ಥಿತಿಗೆ ಅಮೆರಿಕವೇ ಕಾರಣ ಎಂಬ ಮಾತುಗಳು ಕೇಳಿ ಬರುತ್ತಿರುವ ಬೆನ್ನಲ್ಲೇ, ಅಮೆರಿಕ ಆರ್ಮಿ ಮೇಜರ್ ಜನರಲ್ ವಿಲಿಯಂ ಹ್ಯಾಂಕ್ ಟೇಲರ್ ಪ್ರತಿಕ್ರಿಯೆ ನೀಡಿದ್ದಾರೆ.
ಕಾಬೂಲ್ನಲ್ಲಿ ಸದ್ಯ 5,200 ಕ್ಕೂ ಹೆಚ್ಚು ಅಮೆರಿಕದ ಯೋಧರಿದ್ದು, ವಿಮಾನ ನಿಲ್ದಾಣ ಸುರಕ್ಷಿತವಾಗಿದೆ. ಅಲ್ಲದೇ, ವಿಮಾನ ಕಾರ್ಯಾಚರಣೆಗಳಿಗೆ ಮುಕ್ತವಾಗಿದೆ, ಯಾವುದೇ ಸಮಸ್ಯೆಗಳಿಲ್ಲ ಎಂದಿದ್ದಾರೆ. ಆಗಸ್ಟ್ 14 ರಿಂದ ಜನರ ಸ್ಥಳಾಂತರ ಪ್ರಕ್ರಿಯೆ ಆರಂಭವಾಗಿದ್ದು, ನಾವು ಈವರೆಗೆ ಅಂದಾಜು 7 ಸಾವಿರ ಜನರನ್ನು ಸ್ಥಳಾಂತರಿಸಿದ್ದೇವೆ ಎಂದು ವಿವರಿಸಿದ್ದಾರೆ.
ಜುಲೈ ಅಂತ್ಯದಲ್ಲಿ ವಿಶೇಷ ವಲಸೆಗಾರರ ವೀಸಾಗಳ ಚಲನೆಯೊಂದಿಗೆ ರಕ್ಷಣಾ ಇಲಾಖೆಯು ವಿದೇಶಾಂಗ ಇಲಾಖೆ ಬೆಂಬಲಿಸಲು ಆರಂಭಿಸಿತು. ಈ ವೇಳೆ ಅಫ್ಘಾನಿಸ್ತಾನದಿಂದ ಹೊರಬಂದ ಜನರ ಒಟ್ಟು ಸಂಖ್ಯೆ 12,000 ಎಂದು ಹ್ಯಾಂಕ್ ಟೇಲರ್ ಮಾಹಿತಿ ನೀಡಿದ್ದಾರೆ.
ಇದನ್ನೂ ಓದಿ: ನಾಗರಿಕರಿಗೆ ಭದ್ರತೆ ಒದಗಿಸುವ ಭರವಸೆ ನೀಡಿದೆ ತಾಲಿಬಾನ್: ಅಬ್ದುಲ್ಲಾ ಅಬ್ದುಲ್ಲಾ!
ಕಳೆದ 20 ವರ್ಷಗಳಿಂದ ಅಮೆರಿಕದ ಸೇನೆ ಆಫ್ಘನ್ನಲ್ಲಿ ಬೀಡುಬಿಟ್ಟಿತ್ತು. ಕಳೆದೊಂದು ಇತ್ತೀಚೆಗೆ ಅಮೆರಿಕ ಹಂತಹಂತವಾಗಿ ತನ್ನ ಸೇನೆಯನ್ನು ಹಿಂಪಡೆದುಕೊಳ್ಳುತ್ತಿದ್ದಂತೆ, ತಾಲಿಬಾನ್ ಅಫ್ಘಾನಿಸ್ತಾನವನ್ನು ಆಕ್ರಮಿಸಿಕೊಂಡಿತು.
