ನ್ಯೂಯಾರ್ಕ್: ಅಮೆರಿಕದ ನೂತನ ಅಧ್ಯಕ್ಷರಾಗಿ ಆಯ್ಕೆಯಾಗಿರುವ ಜೋ ಬೈಡನ್ ಜನವರಿ ನಾಳೆ ನೂತನ ಅಧ್ಯಕ್ಷರಾಗಿ ಅಧಿಕಾರ ಸ್ವೀಕರಿಸಲಿದ್ದಾರೆ. ನಾಲ್ಕು ವರ್ಷಗಳ ಬಳಿಕ ತನ್ನ ಪೆಟ್ಸ್(ಶ್ವಾನ)ಗಳನ್ನು ಶ್ವೇತಭವನಕ್ಕೆ ತರಲು ಅವರು ನಿರ್ಧರಿಸಿದ್ದಾರೆ.
ಕಷ್ಟದಲ್ಲಿರುವವರಿಗೆ ನೆರವಾಗಬೇಕೆಂದು ಬೈಡನ್ ತಂದೆ ಹೇಳಿಕೊಟ್ಟಿದ್ದು, ಕಷ್ಟದಲ್ಲಿದ್ದ ಶ್ವಾನವೊಂದನ್ನು ಬೈಡನ್ ಕರೆತಂದರು. ಅದಕ್ಕೆ ಕ್ರಿಸ್ ಮಸ್ಹಬ್ಬದಂದು ಚಾಂಪ್ ಎಂದು ನಾಮಕರಣ ಮಾಡಲಾಯಿತು. ಡಿಹೆಚ್ಎ ಸಂಸ್ಥೆ ನೆರವಿನಿಂದ ಚಾಂಪ್ ಅನ್ನು ರಕ್ಷಿಸಲಾಗಿದ್ದು, ಬೈಡನ್ ರಕ್ಷಿಸಿರುವ ಮೊದಲ ಶ್ವಾನ ಚಾಂಪ್ ಆಗಿದೆ.
ಈ ಸುದ್ದಿಯನ್ನೂ ಓದಿ: ಜೋ ಬೈಡನ್ ಪದಗ್ರಹಣ ಕಾರ್ಯಕ್ರಮದಲ್ಲಿ ಭಾಗಿಯಾಗ್ತಿಲ್ಲ ಟ್ರಂಪ್, ಕಾರಣ?
ಮೇಜರ್ ಹೆಸರಿನ ಮತ್ತೊಂದು ಶ್ವಾನ 2018ರಲ್ಲಿ ಬೈಡನ್ ಕುಟುಂಬ ಸೇರಿದೆ. ಈ ಶ್ವಾನಕ್ಕೂ ಕೂಡ ತಲೆಗೆ ಪೆಟ್ಟಾಗಿದ್ದ ಸಂದರ್ಭ ಬೈಡನ್ ಅದನ್ನು ರಕ್ಷಿಸಿದ್ದಾರೆ. ಬೈಡನ್ ಅಮೆರಿಕದ ಉಪಾಧ್ಯಕ್ಷರಾಗಿದ್ದ ವೇಳೆ ತಮ್ಮ ಪ್ರವಾಸದಲ್ಲಿ ಈ ಶ್ವಾನವನ್ನೂ ಸಹ ಕೊಂಡೊಯ್ಯುತ್ತಿದ್ದರು.
ಸದ್ಯ ಚಾಂಪ್ ಮತ್ತು ಮೇಜರ್ ಎಂಬ ಹೆಸರಿನ ಈ ಎರಡೂ ಪೆಟ್ಸ್ ಶ್ವೇತಭವನಕ್ಕೆ ಕಾಲಿಡುತ್ತಿರುವುದು ವಿಶೇಷ.
