ಸ್ಮಿರ್ನಾ (ಅಮೆರಿಕ): ಶನಿವಾರ ನಡೆದಿದ್ದ ಲಘು ವಿಮಾನ ಪತನದಲ್ಲಿ ಟಾರ್ಜನ್ ಖ್ಯಾತಿಯ ನಟ ಜೋ ಲಾರಾ (58) ಮತ್ತು ಅವರ ಪತ್ನಿ ಮೃತಪಟ್ಟಿರುವುದು ತಿಳಿದು ಬಂದಿದೆ.
ಅಮೆರಿಕದ ಸ್ಮಿರ್ನಾ ವಿಮಾನ ನಿಲ್ದಾಣದಿಂದ ಪಾಮ್ ಬೀಚ್ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣಕ್ಕೆ ತೆರಳುತ್ತಿದ್ದ 'ಸೆಸ್ನಾ C501' ಜೆಟ್ನಲ್ಲಿ ಏಳು ಜನರಿದ್ದರು. ಟೆನ್ನೆಸ್ಸೀಯ ಪರ್ಸಿ ಪ್ರೀಸ್ಟ್ ಸರೋವರಕ್ಕೆ ಜೆಟ್ ಅಪ್ಪಳಿಸಿದ್ದು, ಯಾರೊಬ್ಬರೂ ಬದುಕುಳಿದಿರುವುದು ಅನುಮಾನವೆಂದು ನಿನ್ನೆ ಅಧಿಕಾರಿಗಳು ತಿಳಿಸಿದ್ದರು.
ಇಂದು ಬೆಳಗ್ಗೆವರೆಗೂ ಶೋಧ ಕಾರ್ಯಾಚರಣೆ ಕೈಗೊಳ್ಳಲಾಗಿದ್ದು, ಜೆಟ್ನಲ್ಲಿದ್ದ 7 ಮಂದಿಯೂ ಸಾವನ್ನಪ್ಪಿರುವುದನ್ನು ಯುಎಸ್ ಫೆಡರಲ್ ಏವಿಯೇಷನ್ ಅಡ್ಮಿನಿಸ್ಟ್ರೇಷನ್ ದೃಢಪಡಿಸಿದ್ದಾರೆ. ಅದೇ ವಿಮಾನದಲ್ಲಿದ್ದ ನಟ ಜೋ ಲಾರಾ ಹಾಗೂ ಅವರ ಪತ್ನಿ ದುರಂತ ಅಂತ್ಯ ಕಂಡಿದ್ದಾರೆ.
ಇದನ್ನೂ ಓದಿ: ಅಮೆರಿಕದಲ್ಲಿ ಲಘು ವಿಮಾನ ಪತನ: ದುರಂತದಲ್ಲಿ ಎಲ್ಲರೂ ಮೃತ
ಟಾರ್ಜನ್ ಹೀರೋ..
ಜೋ ಲಾರಾ ಅವರು 1989 ರ ಟೆಲಿವಿಷನ್ ಚಲನಚಿತ್ರವಾದ 'ಟಾರ್ಜನ್ ಇನ್ ಮ್ಯಾನ್ಹ್ಯಾಟನ್' ನಲ್ಲಿ ಟಾರ್ಜನ್ ಪಾತ್ರವನ್ನು ನಿರ್ವಹಿಸಿದ್ದರು. ನಂತರ ಅವರು 1996-1997ರವರೆಗೆ 'ಟಾರ್ಜನ್: ದಿ ಎಪಿಕ್ ಅಡ್ವೆಂಚರ್ಸ್' ಎಂಬ ಟೆಲಿವಿಷನ್ ಸೀರೀಸ್ನಲ್ಲಿ ನಟಿಸಿದ್ದರು. ಬಳಿಕ ಇವರು ಟಾರ್ಜನ್ ಹೀರೋ ಎಂದೇ ಪ್ರಖ್ಯಾತಿ ಪಡೆದಿದ್ದರು.
2018ರಲ್ಲಿ ಗ್ವೆನ್ ಶಾಂಬ್ಲಿನ್ ಲಾರಾ ಜೊತೆ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದು, ಇವರಿಗೆ ಇಬ್ಬರು ಮಕ್ಕಳಿದ್ದಾರೆ. ಗ್ವೆನ್ ಶಾಂಬ್ಲಿನ್, ಇವರು 1986 ರಲ್ಲಿ ದೇಹದ ತೂಕ ಇಳಿಸುವ ಕ್ರಿಶ್ಚಿಯನ್ ಸಂಸ್ಥೆಯೊಂದನ್ನು ಸ್ಥಾಪಿಸಿದ್ದು, 1999ರಲ್ಲಿ ರೆಮೆಂಟ್ ಫೆಲೋಶಿಪ್ ಚರ್ಚ್ ಅನ್ನು ಕೂಡ ಸ್ಥಾಪಿಸಿದ್ದರು.
