ಕೊರೊನಾ ವಿರುದ್ಧದ ಸೇನಾನಿಗಳಿಗೆ ಗೌರವ ಸೂಚಿಸಿದ ಅಮೆರಿಕದ ಕಟ್ಟಡಗಳು..

ನ್ಯೂಯಾರ್ಕ್​ನ ಗವರ್ನರ್ ಈ ಮೂಲಕ ವೈದ್ಯಕೀಯ ಸಿಬ್ಬಂದಿಗೆ ಗೌರವ ಸಲ್ಲಿಸಿದ್ದಾರೆ. ಸ್ವಾತಂತ್ರ್ಯ ಪ್ರತಿಮೆ ಸೇರಿ ಇನ್ನೂ ಹಲವು ಪ್ರಸಿದ್ಧ ಕಟ್ಟಡಗಳು ನೀಲಿ, ಬಿಳಿ ಹಾಗೂ ಕೆಂಪು ವಿದ್ಯುದ್ದೀಪಗಳನ್ನು ಬೆಳಗಿಸಿ ಗಮನ ಸೆಳೆದಿವೆ.

ನ್ಯೂಯಾರ್ಕ್​,(ಅಮೆರಿಕ) : ಅಮೆರಿಕದಲ್ಲಿ ಕೊರೊನಾ ವಿರುದ್ಧ ಹೋರಾಡುತ್ತಿರುವ ವೈದ್ಯಕೀಯ ಸಿಬ್ಬಂದಿಗೆ ಗೌರವ ಸೂಚಿಸಲಾಗಿದೆ. ದೇಶಾದ್ಯಂತ ಸುಮಾರು 400ಕ್ಕೂ ಹೆಚ್ಚು ಕಟ್ಟಡಗಳಲ್ಲಿ ನ್ಯೂಯಾರ್ಕ್​ನ ನೂರಕ್ಕೂ ಹೆಚ್ಚು ಕಟ್ಟಡಗಳಲ್ಲಿ ಬಿಳಿ, ಕೆಂಪು ಹಾಗೂ ನೀಲಿ ದೀಪಗಳನ್ನು ಬೆಳಗಿಸುವ ಮೂಲಕ ಗೌರವ ಸಲ್ಲಿಸಲಾಗಿದೆ.

ಇದರಲ್ಲಿ ಅತಿ ಮುಖ್ಯವಾಗಿ ನ್ಯೂಯಾರ್ಕ್​ನ ವಿಶ್ವ ವ್ಯಾಪಾರ ಕೇಂದ್ರ ನೀಲಿ ವಿದ್ಯುದ್ದೀಪಗಳನ್ನು ಬೆಳಗಿಸಿ ಗಮನ ಸೆಳೆಯಿತು. ನ್ಯೂಯಾರ್ಕ್​ನ ಗವರ್ನರ್ ಈ ಮೂಲಕ ವೈದ್ಯಕೀಯ ಸಿಬ್ಬಂದಿಗೆ ಗೌರವ ಸಲ್ಲಿಸಿದ್ದಾರೆ. ಸ್ವಾತಂತ್ರ್ಯ ಪ್ರತಿಮೆ ಸೇರಿ ಇನ್ನೂ ಹಲವು ಪ್ರಸಿದ್ಧ ಕಟ್ಟಡಗಳು ನೀಲಿ, ಬಿಳಿ ಹಾಗೂ ಕೆಂಪು ವಿದ್ಯುದ್ದೀಪಗಳನ್ನು ಬೆಳಗಿಸಿ ಗಮನ ಸೆಳೆದಿವೆ.

ಈವರೆಗೂ ನ್ಯೂಯಾರ್ಕ್​ ನಗರದಲ್ಲಿ 7ಸಾವಿರಕ್ಕೂ ಹೆಚ್ಚು ಮಂದಿ ಕೊರೊನಾ ವೈರಸ್​ನಿಂದ ಮೃತಪಟ್ಟಿದ್ದಾರೆ. ಸೋಂಕು ಹರಡುವುದನ್ನು ತಡೆಯಲು ಸೂಕ್ತ ಕ್ರಮಗಳನ್ನು ತೆಗೆದುಕೊಳ್ಳಲಾಗುತ್ತಿದೆ.