ಐಷಾರಾಮಿ ಬಂಗಲೆ ಖರೀದಿಸಿದ ಮೈಕೆಲ್ ಜಾಕ್ಸನ್ ಮಗ: ಬೆಲೆ ಎಷ್ಟು ಗೊತ್ತೆ?

ಮೈಕೆಲ್ ಜಾಕ್ಸನ್ ಅವರ ಕಿರಿಯ ಮಗ ಬ್ಲಾಂಕೆಟ್ ಜಾಕ್ಸನ್ ಇತ್ತೀಚೆಗೆ ಕ್ಯಾಲಿಫೋರ್ನಿಯಾದ ಕ್ಯಾಲಬಾಸಸ್​ನ ಐಷಾರಾಮಿ ಪ್ರದೇಶದಲ್ಲಿರುವ ಹೊಸ ಮನೆಗೆ ಶಿಫ್ಟ್​ ಆಗಿದ್ದಾರೆ. ಈ ಐಷಾರಾಮಿ ಬಂಗಲೆಯು 6,382 ಚದರ ಅಡಿ ವಿಸ್ತೀರ್ಣದಲ್ಲಿದೆ.

ವಾಷಿಂಗ್ಟನ್: ಪ್ರಸಿದ್ಧ ಗಾಯಕ ದಿ. ಮೈಕೆಲ್ ಜಾಕ್ಸನ್ ಅವರ ಕಿರಿಯ ಮಗ ಬ್ಲಾಂಕೆಟ್ ಜಾಕ್ಸನ್ ಇತ್ತೀಚೆಗೆ ಹೊಸ ಮನೆಗೆ ಸ್ಥಳಾಂತ ಆಗಿದ್ದಾರೆ. ಈ ಮನೆ ಬರೋಬ್ಬರಿ 2 ಮಿಲಿಯನ್ ಡಾಲರ್ ಮೌಲ್ಯದ್ದಾಗಿದೆ.

ಕ್ಯಾಲಿಫೋರ್ನಿಯಾದ ಕ್ಯಾಲಬಾಸಸ್‌ನ ಐಷಾರಾಮಿ ಪ್ರದೇಶದಲ್ಲಿ ಜಾಕ್ಸನ್ ಪುತ್ರ ಈ ಹೊಸ ಮನೆ ಖರೀದಿಸಿದ್ದಾರೆ.

ಮೈಕೆಲ್ ಜಾಕ್ಸನ್ ಪುತ್ರ ಬ್ಲಾಂಕೆಟ್ ಜಾಕ್ಸನ್

18 ವರ್ಷದ ಬ್ಲಾಂಕೆಟ್ ಜಾಕ್ಸನ್​ನ ಹೊಸ ಮನೆ 6,382 ಚದರ ಅಡಿ ವಿಸ್ತೀರ್ಣದಲ್ಲಿದೆ. ಈ ಐಷಾರಾಮಿ ಬಂಗಲೆಯಲ್ಲಿ ಒಟ್ಟು ಆರು ಕೊಠಡಿಗಳಿವೆ.

ಈ ಬಂಗಲೆಯು ಈಜುಕೊಳ, ವಿಶಾಲವಾದ ಹಿತ್ತಲು ಹಾಗೂ ಹೊರಾಂಗಣ ಅಡುಗೆಮನೆಯನ್ನು ಹೊಂದಿದೆ. ಬ್ಲಾಂಕೆಟ್ ಜಾಕ್ಸನ್ ಅವರ ಹೊಸ ನಿವಾಸವು ಅಜ್ಜಿ ಕ್ಯಾಥರೀನ್ ಜಾಕ್ಸನ್ ಅವರ ಮನೆಯಿಂದ ಅನತಿ ದೂರದಲ್ಲಿದೆ.