ವಾಷಿಂಗ್ಟನ್‌(ಅಮೆರಿಕ): ಬೆಳಕಿನ ಹಬ್ಬ ದೀಪಾವಳಿಗೆ ದೇಶದಲ್ಲಿ ಸರ್ಕಾರಿ ರಜೆ ಇದೆ. ಆದರೆ ಅಮೆರಿಕದಲ್ಲೂ ಸಾರ್ವತ್ರಿಕ ರಜೆ ನೀಡಬೇಕು ಎಂದು ಅಲ್ಲಿನ ಜನಪ್ರತಿನಿಧಿಯಾಗಿರುವ ಕರೊಲಿನ್‌ ಬಿ.ಮಲೋನ್ ಅವರು ಒತ್ತಾಯಿಸಿದ್ದಾರೆ.
ಈ ಸಂಬಂಧ ಹೌಸ್‌ ಆಫ್‌ ರೆಪ್ರೆಸೆಂಟೇಟಿವ್ಸ್‌ನಲ್ಲಿ ದೀಪಾವಳಿಯನ್ನು ಅಮೆರಿಕದಲ್ಲಿ ರಜಾದಿನವೆಂದು ಘೋಷಿಸುವ ಮಸೂದೆಯನ್ನು ಮಂಡಿಸಿದ್ದಾರೆ. ಕರೊಲಿನ್‌ ಬಿ.ಮಲೋನ್ ಅವರೇ ಈ ಮಾಹಿತಿ ಬಹಿರಂಗ ಪಡಿಸಿದ್ದು, ಸದನದಲ್ಲಿ ‘ದೀಪಾವಳಿ ದಿನದ ಕಾಯ್ದೆ’ ಮಸೂದೆ ಮಂಡನೆಯಾಗಿರುವುದು ಸಂತಸ ತಂದಿದೆ ಎಂದಿದ್ದಾರೆ. ಕತ್ತಲೆಯ ಮೇಲೆ ಬೆಳಕಿನ ಹಬ್ಬ ಮತ್ತು ಕೇಡಿನ ಮೇಲೆ ವಿಜಯವನ್ನು ಆಚರಿಸಲು ಇದು ವಿಶೇಷ ಸಂದರ್ಭವಾಗಿದೆ ಎಂದಿದ್ದಾರೆ.
ಕೋವಿಡ್ ಸಾಂಕ್ರಾಮಿಕ ರೋಗದ ವಿರುದ್ಧ ನಡೆಯುತ್ತಿರುವ ಹೋರಾಟದ ಸಂದರ್ಭದಲ್ಲಿ ಈ ಹಬ್ಬವು ಮಹತ್ವದ್ದಾಗಿದೆ ಎಂದು ಮಲೋನ್ ಹೇಳಿದರು. ದೀಪಾವಳಿಯನ್ನು ಅಧಿಕೃತವಾಗಿ ಫೆಡರಲ್ ಸಾರ್ವಜನಿಕ ರಜಾ ದಿನವೆಂದು ಘೋಷಿಸಬೇಕೆಂದು ಅವರು ಒತ್ತಾಯಿಸಿದ್ದಾರೆ.
-
I am so excited to introduce my Deepavali Day Act which would enshrine Diwali as a federal holiday. Let’s celebrate light over darkness, the triumph of good over evil, and the pursuit of knowledge over ignorance during this special time of year!https://t.co/NOHU1mCcWc
— Carolyn B. Maloney (@RepMaloney) November 4, 2021 " class="align-text-top noRightClick twitterSection" data="
">I am so excited to introduce my Deepavali Day Act which would enshrine Diwali as a federal holiday. Let’s celebrate light over darkness, the triumph of good over evil, and the pursuit of knowledge over ignorance during this special time of year!https://t.co/NOHU1mCcWc
— Carolyn B. Maloney (@RepMaloney) November 4, 2021I am so excited to introduce my Deepavali Day Act which would enshrine Diwali as a federal holiday. Let’s celebrate light over darkness, the triumph of good over evil, and the pursuit of knowledge over ignorance during this special time of year!https://t.co/NOHU1mCcWc
— Carolyn B. Maloney (@RepMaloney) November 4, 2021
ಭಾರತೀಯ ಮೂಲಕ ಅಮೆರಿಕನ್ ರಾಜಾ ಕೃಷ್ಣಮೂರ್ತಿ, ವಿದೇಶಾಂಗ ವ್ಯವಹಾರಗಳ ಸಮಿತಿಯ ಅಧ್ಯಕ್ಷ ಗ್ರೆಗೊರಿ ಮೀಕ್ಸ್ ಸೇರಿದಂತೆ ಯುಎಸ್ ಕಾಂಗ್ರೆಸ್‌ನ ಹಲವಾರು ಸದಸ್ಯರು ಈ ಮಸೂದೆಯನ್ನು ಬೆಂಬಲಿಸಿದ್ದಾರೆ. ಜಗತ್ತಿಗೆ ಮತ್ತು ಜನಜೀವನವನ್ನು ಬೆಳಗಿಸುವ ದೀಪಾವಳಿಯನ್ನು ಫೆಡರಲ್ ರಜಾ ದಿನವೆಂದು ಘೋಷಿಸುವುದು ಸೂಕ್ತ ಎಂದು ರಾಜಾ ಕೃಷ್ಣಮೂರ್ತಿ ಅಭಿಪ್ರಾಯಪಟ್ಟರು.
