'ಮರಿ ಡೈನೋಸಾರ್' ನೋಡಿದ್ದಾಗಿ ಹೇಳಿದ ಫ್ಲೋರಿಡಾ ಮಹಿಳೆ - 'ಜುರಾಸಿಕ್ ವರ್ಲ್ಡ್'​ಗೆ ಸ್ವಾಗತ ಎಂದ ನೆಟ್ಟಿಗರು

ತಮ್ಮ ಮನೆಯಂಗಳದಲ್ಲಿ ಮರಿ ಡೈನೋಸಾರ್ ಕಂಡಿದ್ದಾಗಿ ಫ್ಲೋರಿಡಾದ ಕ್ರಿಸ್ಟಿನಾ ರಿಯಾನ್ ಎಂಬ ಮಹಿಳೆ ಹೇಳಿದ್ದು, ಈ ದೃಶ್ಯ ನೋಡಿದ ಅನೇಕರು ಇದು ಡೈನೋಸಾರ್​​ನಂತೆಯೇ ಕಾಣುತ್ತದೆ ಎಂಬ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.

ಫ್ಲೋರಿಡಾ: ಎಷ್ಟೋ ಮಿಲಿಯನ್​ ವರ್ಷಗಳ ಹಿಂದೆ ಅಸ್ತಿತ್ವದಲ್ಲಿದ್ದ ಡೈನೋಸಾರ್ ಪ್ರಾಣಿಯನ್ನು ಈಗ ನೋಡಿದ್ದೇನೆ ಎಂದು ಹೇಳಿದರೆ ಯಾರೂ ನಂಬುವುದಿಲ್ಲ. ಆದರೆ ಫ್ಲೋರಿಡಾದ ಮಹಿಳೆಯೊಬ್ಬರು ತಮ್ಮ ಮನೆಯ ಅಂಗಳದಲ್ಲಿ 'ಮರಿ ಡೈನೋಸಾರ್' ಅನ್ನು ಕಂಡಿದ್ದಾಗಿ ಹೇಳಿದ್ದು, ಇದರ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಸಖತ್​ ವೈರಲ್​ ಆಗಿದೆ.

ಏಪ್ರಿಲ್ 15 ರಂದು ಫ್ಲೋರಿಡಾದ ಕ್ರಿಸ್ಟಿನಾ ರಿಯಾನ್ ಎಂಬವರ ಮನೆಯಲ್ಲಿನ ಸಿಸಿಟಿವಿ ಕ್ಯಾಮರಾದಲ್ಲಿ ರಾತ್ರಿ ವೇಳೆ ವಿಚಿತ್ರ ಆಕೃತಿಯ ಪ್ರಾಣಿಯೊಂದು ವೇಗವಾಗಿ ಓಡಿಹೋಗುತ್ತಿರುವ ದೃಶ್ಯ ಸೆರೆಯಾಗಿದೆ.

'ಜುರಾಸಿಕ್​ ಪಾರ್ಕ್​' ಸಿನಿಮಾವನ್ನು ಹಲವು ಬಾರಿ ನೋಡಿದ್ದೇನೆ, ಈಗ ನಾನು ಕಂಡಿದ್ದು ಮರಿ ಡೈನೋಸಾರ್. ಈ ಪ್ರಾಣಿಗೆ ಹಿಂಬದಿ ಕಾಲುಗಳಿರಲಿಲ್ಲ ಎನ್ನುತ್ತಾರೆ ರಿಯಾನ್. ಇವರು ಮಾತ್ರವಲ್ಲ ಸೋಷಿಯಲ್​ ಮೀಡಿಯಾದಲ್ಲಿ ಈ ದೃಶ್ಯ ನೋಡಿದ ಅನೇಕರು ಇದು ಡೈನೋಸಾರ್​​ನಂತೆಯೇ ಕಾಣುತ್ತದೆ ಎಂಬ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.

• Looks normal to me, we have entered a new era, Welcome to Jurassic World.

  — dinoart32 (@dinoart32) April 19, 2021 " class="align-text-top noRightClick twitterSection" data="

  Looks normal to me, we have entered a new era, Welcome to Jurassic World.

  — dinoart32 (@dinoart32) April 19, 2021

  ">

  Looks normal to me, we have entered a new era, Welcome to Jurassic World.

  — dinoart32 (@dinoart32) April 19, 2021

ಹಲವರು ತಮ್ಮ ಟ್ವಿಟರ್​ ಖಾತೆಗಳಲ್ಲಿ ಈ ವಿಡಿಯೋವನ್ನು ಶೇರ್​ ಮಾಡಿಕೊಂಡಿದ್ದು, ಇಂಟರ್​ನೆಟ್​ನಲ್ಲಿ ಭಾರಿ ಚರ್ಚೆ ನಡೆಯುತ್ತಿದೆ. ಒಬ್ಬರು "ನಾವು ಹೊಸ ಯುಗಕ್ಕೆ ಕಾಲಿಟ್ಟಿದ್ದು, ಜುರಾಸಿಕ್ ವರ್ಲ್ಡ್​ಗೆ ಸ್ವಾಗತ" ಎಂದು ಟ್ವೀಟ್​ ಮಾಡಿದ್ದರೆ, ಕೆಲವರು ಇದು ಡ್ರ್ಯಾಗನ್​, ನಾಯಿ-ನರಿಯೆಂದೆಲ್ಲಾ ಹೇಳಿದ್ದಾರೆ.