ಸ್ಯಾನ್ ಫ್ರಾನ್ಸಿಸ್ಕೊ : ಕಳೆದ ವರ್ಷದಲ್ಲಿ ಎಪಿಕ್ ಗೇಮ್ಸ್ ಸ್ಟೋರ್ ಬಳಕೆದಾರರು ಒಟ್ಟು 749 ಮಿಲಿಯನ್ ಉಚಿತ ಆಟಗಳನ್ನು ಪಡೆದಿದ್ದಾರೆ ಎಂದು ಎಪಿಕ್ ಗೇಮ್ಸ್ ಸ್ಟೋರ್ ಪ್ರಕಟಿಸಿದೆ.
ಕಳೆದ ವರ್ಷ 103 ಉಚಿತ ಆಟಗಳಿವೆ ಎಂದು ಕಂಪನಿ ಹೇಳಿತ್ತು. ಆದ್ರೆ, ಗೇಮರ್ಗಳು 749 ಮಿಲಿಯನ್ ಉಚಿತ ಗೇಮ್ಸ್ಗಳನ್ನು ಪಡೆದಿದ್ದಾರೆ. ಈ ವರ್ಷವೂ ಅದೇ ಕ್ರಮವನ್ನು ಮುಂದುವರಿಸಲು ಕಂಪನಿಯು ಬದ್ಧ ಎಂದು ಎಪಿಕ್ ಹೇಳಿದೆ.
ಸದ್ಯ 160 ಮಿಲಿಯನ್ ಖಾತೆದಾರರನ್ನು ಎಪಿಕ್ ಗೇಮ್ಸ್ ಸ್ಟೋರ್ ಹೊಂದಿದೆ. 2019ರಲ್ಲಿ 108 ಮಂದಿ ಬಳಕೆದಾರರು ಇದರ ಖಾತೆ ಹೊಂದಿದ್ದು, ಇದೀಗ ಅದರ ಪಟ್ಟು ಇನ್ನಷ್ಟು ಹೆಚ್ಚಾಗಿದೆ. ಅಂದರೆ ಸುಮಾರು ದ್ವಿಗುಣ ಮಟ್ಟದಲ್ಲಿ ಇದರ ಆಟಗಾರರ ಸಂಖ್ಯೆಯಲ್ಲಿ ಏರಿಕೆ ಕಾಣುತ್ತಿದೆ ಎಂದು ದಿ ವರ್ಜ್ನ ವರದಿಯು ತಿಳಿಸುತ್ತಿದೆ.
ಎಪಿಕ್ ತನ್ನ ದೈನಂದಿನ ಸಕ್ರಿಯ ಬಳಕೆದಾರರ ಸಂಖ್ಯೆಯನ್ನು 31.3 ಮಿಲಿಯನ್ಗೆ ಏರಿಸಿಕೊಂಡಿದ್ದು, ಕಂಪನಿಯು ಶೇ.192 ಬೂಸ್ಟ್ ಮಾಡಿಕೊಂಡಿದೆ ಎಂದು ಹೇಳುತ್ತದೆ. ಅಂದ್ರೆ ಗರಿಷ್ಠ ಆಟಗಾರರ ಸಂಖ್ಯೆ 2020ರಲ್ಲಿ 13 ಮಿಲಿಯನ್ಗೆ ತಲುಪಿದೆ. ಇದು 2019ರಲ್ಲಿದ್ದ 7 ಮಿಲಿಯನ್ ಆಟಗಾರರನ್ನು ಡಬಲ್ ಮಾಡಿದೆ.
ಇನ್ನು, ಎಪಿಕ್ ತನ್ನ ಬಳಕೆದಾರರಿಗಾಗಿ 2020ರಲ್ಲಿ ಸುಮಾರು 700 ಮಿಲಿಯನ್ ಡಾಲರ್ ಖರ್ಚು ಮಾಡಿದೆ. ಇದರಲ್ಲಿ 265 ಮಿಲಿಯನ್ ಕಂಪನಿಯ ಖರ್ಚಾದ್ರೆ ಉಳಿದವುಗಳು ತನ್ನ ಬಳಕೆದಾರರು ಮೂರನೇ ಪಾರ್ಟಿಯಿಂದ ಪಡೆದ ಗೇಮ್ಗಳ ಖರ್ಚಿನ ಸಾಲಿಗೆ ಸೇರುತ್ತದೆ.
ಅಂದ್ರೆ ಇದು ಎಪಿಕ್ನ ಜೊತೆ ವಿಲೀನವಾದ ಕೆಲ ಗೇಮ್ಗಳಿಗೆ ಬಳಸುವ ಮೊತ್ತ. ಇದರ ಕೆಲ ಗೇಮ್ಸ್ಗಳು ಫೋರ್ಟ್‌ನೈಟ್, ಸ್ನೋ ರನ್ನರ್, ಸ್ಯಾಟಿಸ್ಫ್ಯಾಕ್ಟರಿ, ಗಾಡ್‌ಫಾಲ್, ಬಾರ್ಡರ್ ಲ್ಯಾಂಡ್ಸ್ 3, ಅಸ್ಯಾಸಿನ್ಸ್ ಕ್ರೀಡ್ ವಲ್ಹಲ್ಲಾ, ಜಿಟಿಎ 5 ಮತ್ತು ರೋಗ್ ಕಂಪನಿ ಕಳೆದ ವರ್ಷ ಎಪಿಕ್ ಗೇಮ್ಸ್ ಸ್ಟೋರ್ನಲ್ಲಿ ಜನಪ್ರಿಯತೆ ಗಳಿಸಿದ ಆಟಗಳು.
