ಕಪ್ಪು ವರ್ಣೀಯ ಮಹಿಳೆಯನ್ನು ಸರಕಾರಿ ಮೆಡಿಕೇರ್ ಸಂಸ್ಥೆ ಮುಖ್ಯಸ್ಥೆಯಾಗಿ ಆಯ್ಕೆ ಮಾಡಿದ ಬೈಡನ್

ಮೆಡಿಕೇರ್, ಮೆಡಿಕೈಡ್, ಮಕ್ಕಳ ಆರೋಗ್ಯ ವಿಮೆ ಮತ್ತು ಕೈಗೆಟುಕುವ ಆರೈಕೆ ಕಾಯ್ದೆಯನ್ನು ಹೊಂದಿರುವ ಹಾಗೂ ಸರ್ಕಾರಿ ಆರೋಗ್ಯ ವಿಮಾ ಕಾರ್ಯಕ್ರಮಗಳನ್ನು ನೋಡಿಕೊಳ್ಳುವ ಸಂಸ್ಥೆಗೆ ಒಬಾಮಾ ಆಡಳಿತದಲ್ಲಿದ್ದ ಕಪ್ಪು ವರ್ಣೀಯ ಮಹಿಳೆಯನ್ನು ಮುಖ್ಯಸ್ಥರಾಗಿ ಜೋ ಬೈಡನ್ ಆಯ್ಕೆ ಮಾಡಿದ್ದಾರೆ.

ವಾಷಿಂಗ್ಟನ್ (ಯು.ಎಸ್): ಮೆಡಿಕೇರ್ ಮತ್ತು ಮೆಡಿಕೈಡ್ ಸೇವೆಗಳ ಕೇಂದ್ರಗಳನ್ನು ನಡೆಸಲು ಅಮೆರಿಕ ಅಧ್ಯಕ್ಷ ಜೋ ಬೈಡನ್, ಮಾಜಿ ಅಧ್ಯಕ್ಷ ಒಬಾಮಾ ಆಡಳಿತದಲ್ಲಿದ್ದ ಅಧಿಕಾರಿಯನ್ನು ಆಯ್ಕೆ ಮಾಡಿದ್ದಾರೆ.

ಚಿಕ್ವಿಟಾ ಬ್ರೂಕ್ಸ್-ಲಾಸೂರ್ ಎಂಬ ಕಪ್ಪು ವರ್ಣೀಯ ಮಹಿಳೆ ಮುಖ್ಯಸ್ಥರಾಗಿ ಆಯ್ಕೆಯಾಗಿದ್ದಾರೆ. ಈ ಸಂಸ್ಥೆ ಮೆಡಿಕೇರ್, ಮೆಡಿಕೈಡ್, ಮಕ್ಕಳ ಆರೋಗ್ಯ ವಿಮೆ ಮತ್ತು ಕೈಗೆಟುಕುವ ಆರೈಕೆ ಕಾಯ್ದೆಯನ್ನು ಹೊಂದಿದ್ದು, "ಒಬಾಮಕೇರ್" ಎಂದು ಕರೆಯಲ್ಪಡುತ್ತದೆ.

ಈ ಸಂಸ್ಥೆ ಸರ್ಕಾರಿ ಆರೋಗ್ಯ ವಿಮಾ ಕಾರ್ಯಕ್ರಮಗಳನ್ನು ನೋಡಿಕೊಳ್ಳುತ್ತದೆ ಮತ್ತು ಇದು ಆರೋಗ್ಯ ರಕ್ಷಣಾ ವ್ಯವಸ್ಥೆಯ ಪ್ರಮುಖ ಭಾಗವಾಗಿದೆ. ಪ್ರತಿ 3ರಲ್ಲಿ 1 ಅಮೆರಿಕನ್ನರು ಇದರ ಭಾಗವಾಗಿದ್ದಾರೆ.

ಇದು ನವಜಾತ ಶಿಶುಗಳಿಂದ ಹಿಡಿದು ನರ್ಸಿಂಗ್ ಹೋಂ ನಿವಾಸಿಗಳವರೆಗೆ 130 ದಶಲಕ್ಷಕ್ಕೂ ಹೆಚ್ಚು ಜನರನ್ನು ಒಳಗೊಂಡಿದೆ.