ವಾಷಿಂಗ್ಟನ್(ಅಮೆರಿಕ): ಕೋವಿಡ್ -19 ಸ್ವಾಭಾವಿಕವಾಗಿ ಅಭಿವೃದ್ಧಿ ಹೊಂದಿದೆಯೆಂದು ಅಮೆರಿಕದ ಉನ್ನತ ಸಾಂಕ್ರಾಮಿಕ ರೋಗ ತಜ್ಞ ಆಂಥೋನಿ ಫೌಸಿ ಹೇಳಿದ್ದು, ವೈರಸ್ ಮೂಲ ಬಿಚ್ಚಿಡಲು ಚೀನಾ ಮುಕ್ತ ತನಿಖೆಗೆ ಸಿದ್ದವಾಗಬೇಕು ಎಂದು ಕರೆ ನೀಡಿದ್ದಾರೆ ಎಂದು ಮಾಧ್ಯಮವೊಂದು ವರದಿ ಮಾಡಿದೆ.
ಈ ತಿಂಗಳ ಆರಂಭದಲ್ಲಿ "ಯುನೈಟೆಡ್ ಫ್ಯಾಕ್ಟ್ಸ್ ಆಫ್ ಅಮೆರಿಕ: ಎ ಫೆಸ್ಟಿವಲ್ ಆಫ್ ಫ್ಯಾಕ್ಟ್-ಚೆಕಿಂಗ್" ಎಂಬ ಪೋಯ್ಂಟರ್ ಕಾರ್ಯಕ್ರಮದಲ್ಲಿ ಫೌಸಿ ಅವರನ್ನು, 'ಕೋವಿಡ್ ಸ್ವಾಭಾವಿಕವಾಗಿ ಅಭಿವೃದ್ಧಿ ಹೊಂದಿತ್ತೇ ಎಂಬ ವಿಶ್ವಾಸವಿದೆಯೇ' ಎಂಬ ಬಗ್ಗೆ ಪ್ರಶ್ನಿಸಿಲಾಗಿತ್ತು.
ನಿಜವಾಗಿ ಇಲ್ಲ. ಅದರ ಬಗ್ಗೆ ನನಗೆ ಮನವರಿಕೆಯಿಲ್ಲ. ಏನಾಯಿತು ಎಂದು ನಮ್ಮ ಸಾಮರ್ಥ್ಯದಡಿ ಅತ್ಯುತ್ತಮವಾದದನ್ನು ಕಂಡುಹಿಡಿಯುವವರೆಗೂ ನಾವು ಚೀನಾದಲ್ಲಿ ಏನಾಯಿತು ಎಂಬುದರ ಬಗ್ಗೆ ತನಿಖೆ ಮುಂದುವರಿಸಬೇಕು ಎಂದು ನಾನು ಭಾವಿಸುತ್ತೇನೆ ಎಂದು ನ್ಯಾಷನಲ್ ಇನ್ಸ್ಟಿಟ್ಯೂಟ್ ಆಫ್ ಅಲರ್ಜಿ ಮತ್ತು ಸಾಂಕ್ರಾಮಿಕ ನಿರ್ದೇಶಕ ಫೌಸಿ ಹೇಳಿಕೆಯನ್ನು ಉಲ್ಲೇಖಿಸಿ ಫಾಕ್ಸ್ ನ್ಯೂಸ್ ವರದಿ ಮಾಡಿದೆ.
ನಿಸ್ಸಂಶಯವಾಗಿ, ಇದನ್ನು ತನಿಖೆ ಮಾಡಿದ ಜನರು ಹೇಳುವ ಪ್ರಕಾರ, ಅದು ಪ್ರಾಣಿಗಳಿಂದ ಹೊರಹೊಮ್ಮಿ ಅದು ಆಗ ವ್ಯಕ್ತಿಗಳಿಗೆ ತಗುಲಿತ್ತೆ. ಅದು ಬೇರೆ ಏನಾದರೂ ಆಗಿರಬಹುದು.
