ನೇಪಾಳದಲ್ಲಿ ಬಹುಮತ ಕಳೆದುಕೊಂಡ ಆಡಳಿತಾರೂಢ ಪಕ್ಷ: ಸಂಸತ್ತು ವಿಸರ್ಜನೆ, ಏಪ್ರಿಲ್‌-ಮೇನಲ್ಲಿ ಎಲೆಕ್ಷನ್

ಸಚಿವರ ಪರಿಷತ್ತಿನ ಶಿಫಾರಸಿನ ಮೇರೆಗೆ ಮುಂದಿನ ವರ್ಷ ಏಪ್ರಿಲ್ 30 ರಿಂದ ಮೇ 10 ರವರೆಗೆ ಸಂಸತ್ ಚುನಾವಣೆ ನಡೆಯಲಿದೆ ಎಂದು ನೇಪಾಳ ಅಧ್ಯಕ್ಷೆ ವಿದ್ಯಾ ದೇವಿ ಭಂಡಾರಿ ಪ್ರಕಟಿಸಿದ್ದಾರೆ.

ಕಠ್ಮಂಡು (ನೇಪಾಳ ) : ಬಹುಮತ ಕಳೆದುಕೊಂಡು ನೇಪಾಳ ಸಂಸತ್ತನ್ನು ವಿಸರ್ಜಿಸಲು ಪ್ರಧಾನಿ ಕೆ.ಪಿ ಶರ್ಮಾ ಒಲಿ ನಿರ್ಧರಿಸಿದ ಬೆನ್ನಲ್ಲೆ, ಸಂಸತ್​ ಚುನಾವಣೆ ನಡೆಸುವ ಪ್ರಸ್ತಾಪವನ್ನು ಅಧ್ಯಕ್ಷೆ ವಿದ್ಯಾ ದೇವಿ ಭಂಡಾರಿ ಅಂಗೀಕರಿಸಿದ್ದಾರೆ.

ಮೂಲಗಳ ಪ್ರಕಾರ, ಎರಡು ಹಂತಗಳಲ್ಲಿ ನೇಪಾಳ ಸಂಸತ್ ಚುನಾವಣೆ ನಡೆಯಲಿದೆ. ಮುಂದಿನ ವರ್ಷ ಏಪ್ರಿಲ್ 30 ಮತ್ತು ಮೇ 10 ರ ನಡುವೆ ಚುನಾವಣೆ ನಡೆಯುವ ಸಾಧ್ಯತೆಯಿದೆ.

ಸಂಸತ್ತನ್ನು ವಿಸರ್ಜಿಸಿದ ನಂತರ ಪ್ರಧಾನಿ ಒಲಿ ದೇಶದ ಭದ್ರತಾ ಮುಖ್ಯಸ್ಥರೊಂದಿಗೆ ಸಭೆ ನಡೆಸಿದ್ದು, ಕಠ್ಮಂಡುವಿನಲ್ಲಿ ಮುಖ್ಯ ಚುನಾವಣಾ ಆಯುಕ್ತರು ಮತ್ತು ಇತರ ಅಧಿಕಾರಿಗಳನ್ನು ಭೇಟಿಯಾಗಿದ್ದಾರೆ.