ಕನ್ನಡದ 'ಬಿಗ್ ಬಾಸ್' ರಿಯಾಲಿಟಿ ಶೋ ದಿನಕ್ಕೊಂದು ತಿರುವು ಪಡೆದುಕೊಳ್ಳುತ್ತಿದೆ. ಸ್ನೇಹಿತರಾಗಿದ್ದ ಸ್ಪರ್ಧಿಗಳು ಶತ್ರುಗಳಾದ್ರೆ, ಯಾವಾಗಲೂ ಕಿತ್ತಾಡುತ್ತಿದ್ದವರು ದಿಢೀರ್ ಫ್ರೆಂಡ್ಸ್ ಆಗಿದ್ದಾರೆ. ಸದ್ಯ ಮನೆ ಮಂದಿಯೆಲ್ಲಾ ಸೇರಿ ಸಂಗೀತಾ ಒಬ್ಬರನ್ನೇ ಟಾರ್ಗೆಟ್ ಮಾಡುತ್ತಿರುವಂತಿದೆ. ಇದಕ್ಕೆ ಉದಾಹರಣೆ ಎಂಬಂತೆ, ಈ ವಾರ ಕ್ಯಾಪ್ಟನ್ ಆಗಿ ತಮ್ಮ ತಂಡವನ್ನು ಉತ್ತಮವಾಗಿ ಮುನ್ನಡೆಸಿದ್ದರೂ ಕೂಡ ಸ್ಪರ್ಧಿಗಳೆಲ್ಲಾ ಅವರಿಗೆ ಕಳಪೆ ಪಟ್ಟ ಕೊಟ್ಟಿರುವುದು ಇಂದಿನ ಪ್ರೋಮೋದಲ್ಲಿದೆ.
-
ಉತ್ತಮ-ಕಳಪೆಯ ಆಯ್ಕೆ ಮಾಡಿಯಾಯ್ತು ಮನೆಮಂದಿ!
— Colors Kannada (@ColorsKannada) December 22, 2023 " class="align-text-top noRightClick twitterSection" data="
ಬಿಗ್ ಬಾಸ್ | ಸೋಮ-ಶುಕ್ರ ರಾತ್ರಿ 9.30 | ಶನಿ-ಭಾನು ರಾತ್ರಿ 9#BBK10 #HappyBiggBoss #KichchaSudeep #ColorsKannada #ಬಣ್ಣಹೊಸದಾಗಿದೆ #ಬಂಧಬಿಗಿಯಾಗಿದೆ pic.twitter.com/rnizRh51K5
">ಉತ್ತಮ-ಕಳಪೆಯ ಆಯ್ಕೆ ಮಾಡಿಯಾಯ್ತು ಮನೆಮಂದಿ!
— Colors Kannada (@ColorsKannada) December 22, 2023
ಬಿಗ್ ಬಾಸ್ | ಸೋಮ-ಶುಕ್ರ ರಾತ್ರಿ 9.30 | ಶನಿ-ಭಾನು ರಾತ್ರಿ 9#BBK10 #HappyBiggBoss #KichchaSudeep #ColorsKannada #ಬಣ್ಣಹೊಸದಾಗಿದೆ #ಬಂಧಬಿಗಿಯಾಗಿದೆ pic.twitter.com/rnizRh51K5ಉತ್ತಮ-ಕಳಪೆಯ ಆಯ್ಕೆ ಮಾಡಿಯಾಯ್ತು ಮನೆಮಂದಿ!
— Colors Kannada (@ColorsKannada) December 22, 2023
ಬಿಗ್ ಬಾಸ್ | ಸೋಮ-ಶುಕ್ರ ರಾತ್ರಿ 9.30 | ಶನಿ-ಭಾನು ರಾತ್ರಿ 9#BBK10 #HappyBiggBoss #KichchaSudeep #ColorsKannada #ಬಣ್ಣಹೊಸದಾಗಿದೆ #ಬಂಧಬಿಗಿಯಾಗಿದೆ pic.twitter.com/rnizRh51K5
'ಉತ್ತಮ-ಕಳಪೆಯ ಆಯ್ಕೆ ಮಾಡಿಯಾಯ್ತು ಮನೆಮಂದಿ!' ಎಂಬ ಶೀರ್ಷಿಕೆಯಲ್ಲಿ ಪ್ರೋಮೋ ಅನಾವರಣಗೊಂಡಿದೆ. ಈ ವಾರ ಸ್ಪರ್ಧಿಗಳಿಗೆ ಬಿಗ್ ಬಾಸ್ ವಿಶೇಷ ಟಾಸ್ಕ್ವೊಂದನ್ನು ನೀಡಿದ್ದರು. ಇದಕ್ಕಾಗಿ ತನಿಷಾ ಮತ್ತು ಸಂಗೀತಾರನ್ನು ತಂಡದ ಮಾಲೀಕರನ್ನಾಗಿ ನಿಯೋಜಿಸಲಾಗಿತ್ತು. ಈ ಎರಡು ಕ್ಯಾಪ್ಟನ್ಗಳು ತಮ್ಮ ಮನೆಯ ಸದಸ್ಯರ‌ನ್ನು ತಂಡಕ್ಕೆ ಹಣ ಕೊಟ್ಟು ಖರೀದಿಸುವ ಅವಕಾಶ ಕೊಡಲಾಗಿತ್ತು. ಇದರಂತೆ ಸಂಗೀತಾ ತಂಡವನ್ನು ಮನಃಪೂರ್ವಕವಾಗಿ ಸೇರಿಕೊಂಡ ಸ್ಪರ್ಧಿಗಳು ಕೊನೆಯಲ್ಲಿ ಅವರಿಗೆ ತಿರುಗಿ ಬಿದ್ದರು.
ಪ್ರತಿ ವಾರದ ಕೊನೆಯಲ್ಲಿ ಅಂದರೆ ಶುಕ್ರವಾರ ಈ ವಾರದ ಇಡೀ ಆಟವನ್ನು ಗಮನಿಸಿ ಒಬ್ಬರಿಗೆ ಉತ್ತಮ, ಮತ್ತೊಬ್ಬರಿಗೆ ಕಳಪೆ ಪಟ್ಟವನ್ನು ಕೊಡುವುದು ಬಿಗ್ ಬಾಸ್ ನಿಯಮ. ಅದರಂತೆ ಸ್ಪರ್ಧಿಗಳು ವಿನಯ್ಗೆ ಉತ್ತಮ ಕೊಟ್ಟು, ಸಂಗೀತಾ ಅವರಿಗೆ ಕಳಪೆ ನೀಡಿದ್ದಾರೆ. ಮೈಕಲ್, ವಿನಯ್, ಕಾರ್ತಿಕ್, ತುಕಾಲಿ ಸಂತೋಷ್ ಸೇರಿದಂತೆ ಹೆಚ್ಚಿನವರು ಸಂಗೀತ ಅವರ ಹೆಸರನ್ನೇ ಕಳಪೆಗೆ ಸೂಚಿಸಿದ್ದಾರೆ. ಇದನ್ನು ನಗುಮುಖದಿಂದಲೇ ಸ್ವೀಕರಿಸಿದ ಸಂಗೀತಾ ಅವರು, 'ಇದಕ್ಕೆ ಸಮಯ ಉತ್ತರ ಕೊಡುತ್ತದೆ' ಎಂದು ಹೇಳಿ ಜೈಲಿಗೆ ಹೋಗಿದ್ದಾರೆ.
ಸಂಗೀತಾಗೆ 'ಕಳಪೆ' ನೀಡಿದ ಕಾರ್ತಿಕ್: ಎರಡನೇ ಬಾರಿಗೆ ಸಂಗೀತಾ ಅವರು ಮನೆ ಮಂದಿಯಿಂದ ಕಳಪೆ ಪಟ್ಟವನ್ನು ಸ್ವೀಕರಿಸಿದ್ದಾರೆ. ಆದರೆ, ಕಳೆದ ಬಾರಿ ಸಂಗೀತಾ ಜೊತೆಯಾಗಿ ಕಾರ್ತಿಕ್ ನಿಂತಿದ್ದರು. ಸಂಗೀತಾ ಜೈಲಿನಿಂದ ಹೊರ ಬರುತ್ತಿದ್ದಂತೆ ಹೆಗಲ ಮೇಲೆ ಕೂರಿಸಿಕೊಂಡು ಸೆಲೆಬ್ರೇಶನ್ ಮಾಡಿದ್ದರು. ಆದರೆ ಈ ಬಾರಿ ಕಾರ್ತಿಕ್ ಅವರೇ ಸಂಗೀತಾಗೆ ಕಳಪೆ ಕೊಟ್ಟಿದ್ದಾರೆ. ಈಗಾಗಲೇ ಅವರಿಬ್ಬರ ಸ್ನೇಹ ಹಳಸಿ ಹೋಗಿದೆ. ಕಾರ್ತಿಕ್ ಅವರು ಸಂಗೀತಾರ ವಿರುದ್ಧವಾಗಿಯೇ ಅಖಾಡಕ್ಕಿಳಿದಿದ್ದಾರೆ.
ನಾಳೆಯಿಂದ ವೀಕೆಂಡ್ ಸಂಚಿಕೆಗಳು ಪ್ರಸಾರ ಆಗಲಿದೆ. ಈ ವಾರದ ಎಲ್ಲಾ ವಿಚಾರಗಳ ಚರ್ಚೆಗಳು ಕಿಚ್ಚ ಸುದೀಪ್ ಜೊತೆ ನಡೆಯಲಿದೆ. ಇಂದು ಕಳಪೆ ಸ್ವೀಕರಿಸಿರುವ ಸಂಗೀತಾರ ಮುಂದಿನ ನಿರ್ಧಾರವೇನು? ಮನೆ ಮಂದಿಯ ಈ ನಿರ್ಧಾರದ ಬಗ್ಗೆ ವೀಕೆಂಡ್ ಸಂಚಿಕೆಯಲ್ಲಿ ಸುದೀಪ್ ಹೇಳೋದೇನು? ಎಂಬ ಬಗ್ಗೆ ತಿಳಿದುಕೊಳ್ಳಲು ಬಿಗ್ ಬಾಸ್ ಕನ್ನಡದ 24 ಗಂಟೆಯ ನೇರಪ್ರಸಾರವನ್ನು ಜಿಯೋಸಿನಿಮಾದಲ್ಲಿ ಉಚಿತವಾಗಿ ನೋಡಬಹುದು. ನಿತ್ಯದ ಎಪಿಸೋಡ್‌ಗಳನ್ನು ಕಲರ್ಸ್ ಕನ್ನಡದಲ್ಲಿ ರಾತ್ರಿ 9.30ಕ್ಕೆ ವೀಕ್ಷಿಸಬಹುದಾಗಿದೆ.
ಇದನ್ನೂ ಓದಿ: ಬಿಗ್ ಬಾಸ್: 'ದಿನಸಿ' ವಿಚಾರದಲ್ಲೂ ಜಟಾಪಟಿ!
